|
رد: أجيب BMW 318 موديل 2001 ولا زيرو
أنا ليا سؤال بس يا جماعة
طبعا مقارنة أ / كمال ما بين المستعمل و الزيرو مفيش بعد كده بس طبعا عارفين اللي عايز يجيب بي أم هوا مش عايز يجيب وسيلة مواصلات و خلاص فالسؤال بعد تسع سنين هل هتكون بنفس الكفاءة من حيث نعومة و ثبات و عزل و سحب و كماليات و حركات كلها تكون شغالة ،،، الخ المميزات يعني اللي بندور عليها في عربية فخمة لأني الصراحة واحد صاحبي جاب أودي موديل أواخر التسعينات تقريبا و حاجة تقرف تخبيط و دربكة ،، و مالهاش أي طعم و هل حتي لو فعلا كده ،، ينفع تضبط بحيث ترجع لحالتها ؟؟ كان فيه موضوع في المنتدي عن حاجة زي كده بعنوان ثبات البورا يا فرحة ما تمت |
رد: أجيب BMW 318 موديل 2001 ولا زيرو
اقتباس:
ثانيا ... اكيد بعد 9 سنين مش هتلاقى العربية زى ما انت عايزها الا لو ربنا كرمك بحاجة لقطة .. صاحبها محافظ عليها تمام و غالبا الحاجت دى مابتتعرضش للبيع ... ينفع العربية ترجع قريبة لحالتها السابقة و ليس بنفس حالتها السابقة بس ادفع و كلف بقى يا باشا .... انا بصراحة عندى مبدأ فى المستعمل .... عاوز عربية مستعملة ماتجيبش موديل اقدم من سنتين تلاتة فاتو ... علشان تبقى لسة فيها الرمق شوية .... الاقدم من كدة شغال طبعا وكل حاجة بس زى ما انت قلت يا باشا .. كل حاجة فيه مشخللة |
رد: أجيب BMW 318 موديل 2001 ولا زيرو
أحمد أنور باشا, أنا صاحب موضوع "ثبات البورا يا فرحة ماتمت" و منهيالى لو أساسيات العربية سليمة يبقى ممكن ترجع عادى مفيهاش مشكلة المهم يبقى معاك زياد تصرف شوية و تلاقى حد محترم عندو ضمير يشتغلك فى العربية و تعرف تجيب قطع الغيار منين, و واحدة واحدة هتلاقى العربية ممكن تضبط معاك ان شاء الله, بس العربيات الالمانى مش عايزة تصليح لأ تدور على استيراد حالة محترمة و تغير علطول
|
| الساعة الآن 07:19 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017