مصر موتورز مجتمع السيارات - لو الموتور خفيف ممكن اشتغل بيه قد ايه

صفحة 2 من 4

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

- - لو الموتور خفيف ممكن اشتغل بيه قد ايه (https://www.masrmotors.com/vb/showthread.php?t=17622)

mohamed ibiza

24-12-2009 01:29 AM

رد: لو الموتور خفيف ممكن اشتغل بيه قد ايه

اقتباس:

المشاركة الأصلية كتبت بواسطة AAAH (المشاركة 115112)

شكرا يا دكتور على اهتمامك
وعلى فكره العربيه فبريكة تماما وموديل 95 وصاحبها كان بيسافر بيها كل فتره وبيركنها سواء هنا او هناك والعربيه عامله 160000 كيلو فقط
والقصة ان لما الميكانيكى كان بيبص عليها وفتح الكبوت ودور العربيه قعد يقرص جامد على البنزين فترة طويله لحد ما طلع دخنة بسيطة جدا لا تكاد ترى ويناءا عليه قال المكنه خفيفة وقاللى امشى بيها كده حوالى ست شهور واعملك نص عمره بس حاسس ان موضوع الست شهور ده عشان عايز يعمل شغل مش اكتر والله اعلى واعلم

هو ده يعتبر مبرر انه يقول المكنة خفيفه !!

الدخنه كان لونها اسود ولا ابيض ؟!

غير كده اللي هو عملو ده مينفعش يتسمي اختبار للموتور او حاجة تخليه يقول ان المكنة خفيفة !! زي ما الدكتور قالك تابع الزيت لو لقيته بينقص يبقي الموتور عايز طقم شنبر او الاسهل فك البوجيهات لو لقيتها متعرق عليها زيت يبقي عايزه شنبر انما اللي هو عملو ده مش مقياس !

AAAH	24-12-2009 02:04 AM

رد: لو الموتور خفيف ممكن اشتغل بيه قد ايه

اقتباس:

المشاركة الأصلية كتبت بواسطة mohamed ibiza (المشاركة 115118)

موضوع اللون ده صعب شويه لأننا كنا بالليل والدخنة كانت قليله جدا هفوه يعنى
بس الصبح اكلمة ان شاء الله واسأله هيا كانت بيضه والا سوده وايه بالظبط اللى خلاه يقول الموتور خفيف
وان شاء الله افك البوجيهات واقولك
وشكرا يا باشا

luckyman

24-12-2009 05:35 AM

رد: لو الموتور خفيف ممكن اشتغل بيه قد ايه

ان شاء الله مفيش حاجة اهم حاجة تابع مستوى الزيت يوميا لو بينقص بشكل ملحوظ دة معناه فعلا السيارة محتجة عمرة ولو الموضوع بسيط ممكن تمشى علية لكن بدون تحميل واجهاد علية وشكرا

tommy

24-12-2009 05:49 AM

رد: لو الموتور خفيف ممكن اشتغل بيه قد ايه

بعد السلام عليكم
1 ممكن الدخان الي طلع ده مجرد كربون ليس إلا تأكد من ان البوجيهات بتطلع كويسه و حرقها مناسب و الزين والمية مش بينقص لو في نقص في حاجه منهم حلها
و امشي بموتورك و المفوت بيشد و بيجري اكتر من اي موتور اخر
و اثناء ده إسأل عن الموتور الإستيراد بكم لو تمن معقول أمشي بموتور لحد ما ينطقو يقولك كفاية غيرني
أهم من اهم شيء اهتم بالزيت والمية وسير الكاتينة الtimeing belt وربنا يسترها علينا اجميعين

AAAH	24-12-2009 02:50 PM

رد: لو الموتور خفيف ممكن اشتغل بيه قد ايه

اقتباس:

المشاركة الأصلية كتبت بواسطة tommy (المشاركة 115166)

تمام يا استاذنا علم وينفذ
انا كنت عايز اوضح ان الدخنة البسيطة دى ماكانتش من الشكمان
ولما سألت الميكانيكى النهارده الصبح قاللى ان الدخنة دى من حاجه اسمها الفايز او الفايظ وان وموضوع الدخنة بيضه والا سوده دى لما تكون من الشكمان وقاللى ان الموضوع لسه فى اوله خالص واننا لو فكينا البوجيهات مش هانلاقى ترسيب زيت ولا حاجه
ارجو الإفاده بعد هذا التوضيح

AAAH	24-12-2009 02:53 PM

رد: لو الموتور خفيف ممكن اشتغل بيه قد ايه

اقتباس:

المشاركة الأصلية كتبت بواسطة luckyman (المشاركة 115163)

شكرا يا جميل الله يطمنك
بس انا مقدرش اقيس الزيت يوميا والكلام ده
لانى ببساطة مابعرفش اسوق او بمعنى اصح بتعلم السواقه على عربيه تانيه 128 فى مركز تعليم
لحد ما ربنا يكرم واركب عربيتى

Dr. Bolbolan

24-12-2009 04:07 PM

رد: لو الموتور خفيف ممكن اشتغل بيه قد ايه

والله أنا مش عايز أطمنك قوى ! واضح انهم عرفوا ان خبرتك بسيطه و عملوا شغل !

أنا آسف بس ما أحبش أعلشان أفرحك أقوم أطمنك ! لازم تكون شكاك لغاية لما توصل للحقيقه !

أولا : الفايظ " ده ألعن من الدخنه ! لآن معناه برده ان فيه سوائل و أبخره اللى المفروض الشنبر

يكتمها داخل الاسطوانه ! بتعدى من الشنبر وتطلع لفوق !

و أنا مش شايف مشكله انها لو محتاجه طقم شنبر انه يتعمل و تريح دماغك ( مش غالى و شغل يوم أو اتنين ) !

و أنا مش مع اللى بيقولك امشى بيها لما تجيب أخرها و كل ما ينقص الزيت تزوده ! مانت كده ح تدفع

أكتر من الشنبر دا غير سخونية العربيه و بهدلتك بالزيت و غيره !

Dr. bolbolan :HAPPY_~211:

الساعة الآن 08:57 AM.

صفحة 2 من 4

عرض 7 مشاركات من هذا الموضوع لكل صفحة