مصر موتورز مجتمع السيارات - ممكن تنصحونى لأنى محتار بين i30 - كيا سيراتو

مصر موتورز مجتمع السيارات (https://www.masrmotors.com/vb/index.php)

- Hyundai-i Family (https://www.masrmotors.com/vb/forumdisplay.php?f=197)

رد: ممكن تنصحونى لأنى محتار بين i30 - كيا سيراتو - شيفروليه كروز

اقتباس:

المشاركة الأصلية كتبت بواسطة MaXx (المشاركة 114784)

بصراحة ,,, بحس ان I30 سعرها غالي اوي عليها ,,, يعني لو هتجيبها جميع الكماليات و اوتوماتيك هتدفع 125 الف جنيه ,,, لو كده ممكن تجيب حاجة احسن بكتير هاتشباك برضو زي الايبيزا ,,, الكماليات بتاعتها افضل و طبعا الثبات و الامان ,,, لان فيها ESP = TCS , Hill Hold Assist , ABS, EBD <<< يعني ثبات خرافي علي الارض حتي مع السرعات العالية ,,, شكلها في نظرى افضل ,, و في نظر الناس هي اقيم من الهيونداي طبعا ,,,

بس علشان ما اظلمش ال I30 اوي ,, هي هتبقي في اختبارات الامان واحد الاتنين 5 نجوم و دي اعتقد معلومة جديدة لكتير مننا ,,, يعني في اختبارات الحوادث الاتنين واخدين 5 نجوم ,,,

بس الايبيزا هتتفوق في الثبات طبعا و التحكم في العربية علي السرعات العالية و ده بيخلي العربية امان اكتر طبعا ,,,

اضف لذلك ناقل الحركة DSG من سبع نقلات امامية و واحدة خلفية ,,, بيعطي قدرة افضل علي التسارع و ايضا استهلاك اقل للبنزين ,,, و الكماليات فيها هتبقي كويسة ,,, و في نفس الوقت هتكون ارخص شوية لان سعرها هيكون في حدود 115 ل 120 الف و بها جميع الكماليات ,,,

المواصفات لل ايبيزا موجودة في الموضوع التالي ,,,

http://masrmotors.com/vb/showthread.php?t=17365

اقتباس:

المشاركة الأصلية كتبت بواسطة MaXx (المشاركة 114793)

مرة تانية بظلم ال I30 ,,, العربية طلع فيها ESP ,,, الظاهر انها عربية محترمة و احنا مكناش مقدرنها ,,, لان كلنا كان عندنا احساس انها ما تساويش السعر ده

بس العربية باللي جواها اثبتت انها قيمة فعلا 5 نجوم امان و ESP يعني ثبات علي الارض حتي مع السرعات العالية ,,,

بس لا تزال الايبيزا تتفوق من حيث ناقل الحركة الجديد DSG و اللي هيخلي قدرتها علي التسارع افضل بالاضافة الي استهلاك بنزين اقل ,,,

سعر اعادة البيع اعتقد متساوي لان الاتنين مش منتشرين في مصر ,,, و يمكن اسم الايبيزا منتشر طبعا عن ال I30 لان الناس عارفاه من زمان ,,, ( اخيرا لقيت عربية اوروبى افضل من حيث اعادة البيع ههههههههههههه )

قطع الغيار الاتنين غاليين طبعا ,,

الفرق هيكون علي ما اعتقد كمان في الشكل و ده هيكون التقييم بتاعه ليك انت بس ,,, الشكل الخارجي تقييمه ليك ,,, الداخلي ال I30 اشيك في التابلوه من الايبيزا علشان نقول الحق برضو :)

الايبيزا هتكون ارخص شوية بس برضو الماني و قيمتها في نظر الناس اعلي من ال كوري ,,, يعني بريستيجها اعلي في نظر الغالبية العظمى من الناس ,,,

لان ال I30 محدش بيديها السعر ده ( و ده بصراحة لاننا مكناش متخيلين انها كويسة كده و كنا فاكرين انها زي الانترا بس هاتش باك و طلع الكلام في الهوا بصراحة و هي مختلفة عنها كتير بس الموتور هو اللي واحد علي ما اذكر )

و موتور الانترا اداءه كويس ,,,

استني لما الايبيزا تنزل التوكيل في اول يناير ,,, و لو نزلت قبله هتلاقي تقرير كامل اكيد في قسم سيات ,,,

شوف الاتنين و قارن ,,, و توكل علي الله في اللي تعجبك

ربنايسعدك على ردك ده
بص يا سيدى
بالنسبة للابيزا بصراحة من الاخر مش بحبها لان واحد اعرفه جايبها و ما تخيلش نفسى بقلده
كمان على رايك مش حلوة من جوا
و انا عاوز عربيتى تكون شيك من جوا اكتر من برة
لانى هقعد جوا مش بره هههههههههه :)
على فكرة سعر ال i30 مش 125 هقوللك تحت
و بالنسبة للامان و الحاجات ده
انا مؤمن بقضاء الله حتى لو راكب اكثر عربية امانا فى العالم
يا عم الواحد ممكن يموت و العربية تحت البيت واقفة
و فكك من التسارع و الحاجات ده
لانى هجيبها اوتوماتيك و سرعتى اخرها 90 هههههه

اقتباس:

المشاركة الأصلية كتبت بواسطة MaXx (المشاركة 114826)

بتكلم كتير انا عارف معلش استحملني ,,

حاول تتأكد من ان ال I30 اللي عندنا في مصر فيها ESP علشان انت فاهم مستر غبور بقي ,,, اول كام فئة مفيهاش حتي ABS و اعلي واحدة في التقرير اللي في المنتدي فيها ABS بس مفيش اي سيرة عن ESP <<<

لو مفيهاش يبقي الايبيزا تكسب

يا عم اتكلم براحتك انا مبسوط
بصراحة مش هسال
لان ميهمنيش
المهم دلوقتى عاوز اسالك سؤال مهم
انا عاوزها متجنطة جنوط من برة شكل بس
فهل ممكن الواحد بعد ما يششتريها يجنطها من التوكيل برده
و لا يشتريها متجنطة من الاول
و عندى سؤال
ايه الفرق بين الجنوط اللى من برة ( شكل بس ) و التانى مش عارف اسمه ايه
اعذرنى انا ماليش فى العربيات اوى:HAPPY_~211:

رد: ممكن تنصحونى لأنى محتار بين i30 - كيا سيراتو - شيفروليه كروز

بقوللك مين احلى من جوا
الكيا سيراتو
و لا ال i30
و لا الشيفروليه

رد: ممكن تنصحونى لأنى محتار بين i30 - كيا سيراتو - شيفروليه كروز

اقتباس:

المشاركة الأصلية كتبت بواسطة tarek_sahsah (المشاركة 114688)

السلام عليكم
لو سمحتم أنا مقبل على شراء عربية
و عاوز نصيحتكم
بين الثلاث عربيات اللى فى العنوان
و جزاكم الله خيراً:HAPPY_~211:

استاذ طارق اسمحلى ابتدى بالاى 30 العربية ده مشكلتها انا غالية بالنسبة للسوق المصرى لاننا مش متعودين على السيارة الهاتشباك ذات الشاسيه الطويل والعربية من الفئة دى مطلوبة وبقوة فى اوربا بس فى مصر لسه مش مطلوبة ومااعتقدش انها حتتطلب لانه لاتتوافق مع حاجتنا كمجتمع مصرى وعشان كده ماانتشرتش

السيراتو عربية حلوة ومحترمة شكلها اشيك من الاى 30 من جوه وبر وسيدا فتتميز بميزة الشنطة وسعر اعادة بيعها ماحدش يقدر يقيمه ابدا لان الناس لسه بتشتريها وكمان التقييم الظبوط للسيارة لازم مايقلش عن 3 الى 5 سنوات استخدام وبعدين نقرر
وبرضه مش معنى كلامى انها وحشة بالعكس انا مقتنع بيها جدا

بالنسبة للشيفورليه الكروز انا بحس انها افخم وافضل من السيراتو(ودى طبعا اذواق )ومن جوه شيك جدا وتوكيل منصور اكيد افضل من توكيل كيا بحكم الخبرة والاستمرارية فانا فى رائ الشخصى الكروز افضلهم

رد: ممكن تنصحونى لأنى محتار بين i30 - كيا سيراتو - شيفروليه كروز

bos ya basha ana ta2reban zyak bezbt we et3rft 3la elmwke3 da 3n taree2 google eny b3mel search mokarna been eltalat 3rbyaat bas ana zyak me7taar bas ana mo3gab awy awy awy beli30 awlaan msa shaklaha 7lw awyyy men bara we men gowaa we tasmeem almaany gher en matorha we tsro3ha afdal men elcerato 3n tagroba ma3 wa7ed sa7byyyy 3la eltaree2 wwe kaman mesh montasheraa zay elcerato bas moshkltah en lazem elw7ed ydfa3 125 3ashan elaps we elairback we eljant mfysh category a2al men kea feha elkalam da we bensba leesp elnzla hena fe masr l2 mafhaash methy2ly bas elstability bt3ha ka3rbyaa 7lw awy ya3ny w7ed sa7by fdel msbet 7waly nos sa3a men 200 le 220 3la taree2 elsafar wla ka2no mashy 3la 80 3la 7sab kalamo fana 3n nafsy 5las arbt a7sem elmwdoo3 we ageeb i30 isa kaman akbar men gowaa we 5amatha elda5lyaa a7san.........we yarab teshtry elye3gbak fela5er bas elbifdall elcerato fe wghet nazry mwdoo3 elstapetronic l2en da mesh mwgood feli30 bas mymn3sh en feha arba3 n2lt felautomatic

رد: ممكن تنصحونى لأنى محتار بين i30 - كيا سيراتو - شيفروليه كروز

الحيرة وحشة
ال i 30 عيبها انها مش مفهومة فى مصر
سيراتو جميلة و اوبشن كتير جدا ولكن فى عيب صناعة اعترفت بيه شركة تريبل ايه والتوكيل بيحاول يخبى على الموضوع علشان القضايا ووجع الدماغ
الكروز تحفة بجد جميلة وشيك اوى بس التابلوه بتاعها مش عايز طفل يعد ادام وعايز نضافة كتير والعربية تقيلة شويه فى سحبها
طب ماتفكر فى الجراند بونتو طالما فى احتمالية ركوب هاتش باك

رد: ممكن تنصحونى لأنى محتار بين i30 - كيا سيراتو - شيفروليه كروز

الشيفورليه كروز اشيك وافخم عربيه فى التلاته بس غاليه او انا حاسس انها غاليه ده رايى
الكياسيراتو انا شايف انها مناسبه وكويسه بس نفسى اعرف عيب الصناعه اللى انت قاصده اللى هو ايه يا لول

رد: ممكن تنصحونى لأنى محتار بين i30 - كيا سيراتو - شيفروليه كروز

انا بطبيعة شغلى بتعامل كتير مع بتوع التأمين وبتوع تريبل ايه الناس بيتكلموا على ان فيها علبة دريكسيون وبينى وبينك الكروز انضف بس ابطأ