رد: هل فيات جراند بونتو أتوماتيك 2010 تستحق مبلغ 98000 ؟؟
 

رد: هل فيات جراند بونتو أتوماتيك 2010 تستحق مبلغ 98000 ؟؟
 

لاقيت حاجة كده كويسة تقييم للعربية من واحد اشتراها منقول طبعا للافادة


_________________________ _________________________ ________


السلام عليكم ورحمة الله و بركاته
دى أول مره أكتب موضوع فى المنتدى و هيكون عن عربيتى فيات جراند بونتو أوتوماتيك باكدج 2 لأنى حسيت أن معظم المواضيع اللى أتكتبت فى العربيه دى موفيتهاش حقها خالص
أولا: المحرك
العربيه محركها 1.4 لتر 8 صمام و المحرك بيولد 77 حصان و هو متركب على جسم السيارة يعنى لو عايز تحسب قدرة المحرك بالنسبة للمحركات الأسياويه هتضرب فى 1.31 و هيكون الناتج حوالى 100 حصان و ده و هو قدرة المحرك و هو مش متركب على السيارة .
المحرك أقتصادى و موفر لأستهلاك الوقود و تسارعه جيد جدا مش بطئ ولا حاجة ذى ما ناس قالوا عليه هو صوته اللى بيكون عالى شويا عند التشغيل لكن أثناء السير و تشغيل المكييف بيكون صوته معتدل جدا و صوته هادئ حتى أثناء الدوران على دورات المحرك العاليه فوق ال 4000 لفه فى الدقيق
أنا جبت بيها لحد 130 كم / ساعة و مشعرتش بفرق يزكر فى التسارع بنها و بين النيسان صنى 2005 اللى هى عربيتى قبل العربيه دى
ثانيا : الفتيس الأستبترونيك
العربيه فيها فتيس من 5 سرعات أماميه + سرعه خلفيه هو و ممكن تتحكم أنت بنفسك فى السرعة اللى أنت عليها عن طريق الفتيس و برضه الفتيس بيسعدك شويا لأنه بيجيب الغيار الأقل المناسف فى حالة التباطوء و برضه بيرفض أنه يجيب الغيار الغير مناسب و العربيه بتعمل للسائق أشاره صوتيه
أما بالنسبه للوضع Auto العربيه العربيه بتغير السرعات بنفسها بناءا على الضغطه على دواسة البنزين و برضه ممكن تتحكم فى تغير السرعات عن طريق الفتيس و هو على الوضع Auto و العربيه هتستجي معاك عادى جدا .
الفتيس بياخد مده زمنية عند التغير بين سرعه و سرعه أخرى هى أكتر شويه من المدة الزمانية اللى فى الفتيس الأوتوماتيك العادى بس التغير بين النقلات بيكون مريح و مفيش نتشات خالص و هى تقريبا نفس مدة التغير للعربيات المانيوال
من الجدير بالذكر أن العربيه مش بتتحرك خالص و أنت مش ضاغط على دواسة البنزين ذى العربيات المانيوال و ده فيه مشكله و ميزه فى نفس الوقت لأنه شئ كويس فى الزحمة و مش حتحتاك تجيب وضع ال N بس مشكله أن العربيه بترجع للخلف على الأراضى المرتفعه فى حالة عدم الضغط على دواسة البنزين ذى المانيوال تمام .
الفتيس بيرفض الغير بين وضع N و وضع القياده الأمامية فى حالة عدم الضغط على دواسة الفرامل أو الضغط على دواسة البنزبن لتجنب تكسير التروس و الرفض بيكون عباره عن رسالة على الشاشة المعلومات بتقولك أضغط على دواسة الفرامل و حاول مرة أخرى
وضع ال ECO بيكون عن طريق زرار فى تابلو العربيه بيخلى العربيه تغير السرعات على لفات محرك منخفضه جدا بين ال 2000 و 2500 لفه و ده أقتصادى جدا فى الأستهلاك لكن بيخلى عزم العربيه ضعيف جدا و هو مش كويس للقيادة على الطرق السريعه و فى حالة القياده على سرعه أكبر من 50 كم – يعنى من الأخر ده بيستخدم فى الزحمه بس – لأنه بيموت العربيه جده و بيخليها تغير سرعات كتير أوى حتى لو كنت ضاغط دواسة البنزين للأخر .
ثالثا : التجهيزات الداخليه
أول ما تخش العربيه هتلفت نظرك جدا عدادات السيارة لأنها مرقمه بطريقه مختلفه بداية من صفر و ثم 10 ثم 30 ثم 50 و هكذا لحد ما نوصل ل 230 كم / ساعة و عداد لفات المحرك مرقم بأرقام عشريه من صفر حتى 70 و لا يوجد Red Zone لكن مجربتش أجيب أكتر من 5000 لفه أبدا و مش هحاول .
يوجد عداد البنزبن و عداد الحرارة و شاشة المعلومات المفيده جدا و بيظهر فيها الوقت و التاريخ و درجة الحرارة الخارجية و عدد الكيلومترات المقطوعه بالسيارة و ممكن تعرض فيها متوسط أستهلاك السياره للوقود أو الأستهلاك اللحظي للوقود و أقصى مسافه تقطعها بالوقود الموجود .
يو جد فى السيارة مثبت سرعه لكن للأسف مجربتش أستخدمه حتى الأن لكن هو الكلام اللى فهمته من الكاتلوج أنه بيستخدم على الطرق السريعه المفتوحه فقط .
ممكن تتحكم فى أرتفاع و أنخفاض المصابيح الأماميه و يوجد أضواء ضباب أماميه و خلفية . و يوجد مساحه خلفيه للزجاج .
يوجد زرار أسمه City مرسوم عليه دركسيون يجعل الدركسيون خفيف جدا و يستخدم عند ركن السيارة فقط .
فتح الشنطه عن طريق زرار موجود فى التابلو و فتح تنك البنزين بمفتاح السيارة من الخارج ولا يوجد فتح للغطاء من الداخل .
السياره فيه مشغل أسطوانات Audio فقط للأسف لكن يمكن تشغيل أغانى mp3 بأستخدام الفلاشه عن طريق ال Blue & me .
ال Blue & me هو عبارة عن نظام تشغيل ويندوز موبيل يمكن أستخدامه فى أجراء المكالمات عن طريق سماعات السيارة و يعرض لك أسماء الاشخاص فى سجل الهاتف المحمول الخاص بك و تشغيل الأغانى عن طريق ال Media Player كما يمكنك أستخدام الأوامر الصوتية للتعامل معه أو التعامل معه عن طريق الأزرار فى الدركسيون و شاشة المعلومات و التعامل معه سهل للغاية .
و أرجوا أن لا أكون قد أطلت عليكم و أنا مستعد للأجابة عن كل أستفسارتكم ماعدا موضوع أستهلاك البنزين لأنه بيختلف من شخص لأخر و أسعار قطع الغيار و المقارنات بالسيارت الأخرى لأنى مش خبير فى المواضيع دى أبدا.

رد: هل فيات جراند بونتو أتوماتيك 2010 تستحق مبلغ 98000 ؟؟
 

تسلم ايدك فعلا علي الموضوع الجميل ده
وكفاية اهتمامك و ذوقك
بس يا ريت نعرف التوكيل نظامه ايه
يعني مهتم ولا شاري دماغه زي كتير من
توكيلاتنا الموجودة حاليا بدون ذكر أسماء
يعني الواحد يعمل صيانة عنده ولا من أولها الواحد
يشتري دماغه .....

رد: هل فيات جراند بونتو أتوماتيك 2010 تستحق مبلغ 98000 ؟؟
 

كلنا هنا بنساعد بعض و انا بحاول اساعدك كمان لاني مهتم شخصيا بالعربية دي و هي الاختيار التاني بعد الايبيزا بالنسبة ليا ,,,

مش هقدر افيدك بشكل مباشر في سؤالك عن التوكيل بصراحة لاني ما اتعاملتش معاه في حاجة زي دي ,,, بس لو جبت العربية من عنده هعمل الصيانة عنده ,,, ده بالنسبة ليا انا و ممكن ناس تانية تختلف معايا ,,,

رد: هل فيات جراند بونتو أتوماتيك 2010 تستحق مبلغ 98000 ؟؟
 

طيب انت شخصيا تفضل جراند بونتو 77 حصان

ولا لينيا تربو 120 حصان

مع ان الجراند 108000 جنيه

و لينيا أعلي فئة 110000 جنيه

مع ذكر أسبابك

رد: هل فيات جراند بونتو أتوماتيك 2010 تستحق مبلغ 98000 ؟؟
 

اممممممممممممم ,,, الاختيار مش سهل ,, بس هيكون الجراند و الاسباب كالتالي ,,,

اول حاجة انا عايز العربية تبقي هاتش باك ,,,

عدد افراد العائلة 4 ,,, و لو 5 مفيش مشكلة مع الجراند ,,,

مدي احتياجي لوسع الشنطة ,,, هتكفيني شنطة الجراند كويسة و انا مش هحتاجها بالشكل اللي يخليني احتاج وسع اكتر

الواحد اه باصص علي ال 120 حصان بتوع التربو سواء في اللينيا او حتي النسخة التربو من الجراند بونتو بس للاسف جير مانيوال فقط ,,, ( و في اعتراض علي العربية انها تبقي مانيوال فقط من باقي العيلة علشان كده الايزي ترونيك هيكون كويس )

كمان المانيوال يزهق في الزحمة ,,,


و بيني و بينك ,,, انا مستني اشوف سعر الايبيزا النهائي هيبقي كام لو لقيت الفرق قليل الايبيزا تكسب اوي ,,, انا مش بلخبطك ,,, بس هي فعلا تكسب و ممكن حضرتك تشوف المواصفات بتاعة الفئة ال 1600 سي سي من الموضوع التالي

http://masrmotors.com/vb/showthread....ewpost&t=17365


الايبيزا ماشية اكتر في البلد من الجراند بونتو ,,, 1600 سي سي اه بس ال DSG استهلاك بنزين قليل ,,, تشد احسن من الجراند ,,, كماليات اكتر بس هي مش هيبقي فيها ال BLUE & ME بس بيبقي CAR KIT ممكن تركبه في التوكيل بس هيكلف طبعا مبلغ محترم

و ادعولنا ربنا يسهل و والدي ما يرجعش في كلامه بعد كل البحث اللي الواحد بيعمله ده ptmnlo123per1127

رد: هل فيات جراند بونتو أتوماتيك 2010 تستحق مبلغ 98000 ؟؟
 

ربنا يوفقك و يوفقني عشان أنا كمان في نفس الحيرة دي

بس علي فكرة أنا فكست للابيزا عشان حاسس أنها حتعدي

جامد في السعر عشان أصلا الشكل القديم الان ب110000

عايز الشكل الجديد يبقي بكام ؟؟

أنا متوقع انها مش حتقل عن 120000 أو أكثر ...الله أعلم