مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - سقف اللوجان ؟ (https://www.masrmotors.com/vb/showthread.php?t=16822)

رد: سقف اللوجان ؟

اقتباس:

المشاركة الأصلية كتبت بواسطة POP EL GAMED (المشاركة 107649)

العربيه ليها تصميم وليها ابعاد ومواصفات معينه بتراعى وقت التصنيع وشركه رينو استخدمت الفايبر فى الرفارف لانه اولا اخف فى الوزن ثانيا بيتحمل الخبطات البسيطه ومبيحتاجش سمكره وفى نفس الوقت لو فيه حادثه لا قدر الله بياخد الصدمه على نفسه ويتكسر ومبيدخلش الصدمه على الموتور او الكابينه

شكراا يا بوب على المعلومات القيمة
بس انت ماردتش على السوال الى انا كنت طالب منك فية اسعار قطع غيار الرينبو الرينبو الاخيرة ptmnlo123per144

رد: سقف اللوجان ؟

ويا كينجارو مافيش عربية فى الدنيا تنزل سقفها فيبر يعنى لو عربية مش كابولية بقي لازم يكون صاج وصاج مدعم جامد كمان على شان دة دعامة العربية

رد: سقف اللوجان ؟

شكرا جزيلا لكل الردود

رد: سقف اللوجان ؟

سقفها فيبر وموتورها بلاستيك و صالونها فلين!!!!
كل دى إشاعات وكلام ماهوش عندك إثبات (مع الإعتذار للمطربه صاحبة الأغنيه) :HAPPY_~211:

رد: سقف اللوجان ؟

كلام معقول جداا ورد واقعي شكرا

رد: سقف اللوجان ؟

اقتباس:

المشاركة الأصلية كتبت بواسطة POP EL GAMED (المشاركة 107556)

باشا دى اشاعه مالهاش اى معنى والسبب فى الكلام ده الناس اللى متعرفش حاجه عن العربيه وبيفتوا لمجرد انها رينو
والناس كلها كانت بتعترض على رفارف الميجان 2 الفايبر وهى من اسباب انها واخده 5 نجوم فى الامان
والميجان 2 اللى رفارفها فيبر سقفها صاج يبقى ازاى اللوجان اللى رفارفها صاج يبقى سقفها فيبر؟؟؟؟؟؟:HAPPY_~211:

رد ممتاز و مقنع جدا

رد: سقف اللوجان ؟

السلام عليكم اخباركم اية يا شباب؟ انا معايا لوجان مانيوال 2013 الجديدة والسقف فعلا فايبر انا بتكلم عن السقف اللى باين فى العربية من برة ما اعرفش اذا كان فى تحتة صاج وله لا بس انا متاكد من انه فايبر والدليل لما بخبط على البيبان او قوايم العربية بتدي صوت رنة الصاج اما السقف بيعمل صوت رنة مكتومة زي لما بخبط على الاكصدام بالظبط ولما واحد صاحبي عرف قالى مش معقول وفعلا هو كمان جرب وخبط بمفتاح العربية على السقف واستغرب من انة فيبر , وعلى ما اعتقد الفيبر فى الحوادث لا سمح الله امان عن الصاج وممكن لو تحبو اصورلكم فيديو بالصوت على المنطقتين وانتو تحكمو , وفى الاخر احب اقول ان العربية معايا عملت عشر الاف كيلو وبسم الله ما شاء الله روعه يارب يحميها ويحرسها :)