رد: بطء في التدوير
 

جزاك الله خيراً يا أستاذ حازم
أنا غيرت وش الاسبراتير إنبارح زي ماحضرتك قولت وصحيت الصبح دورت لقيت نفس العيب بالظبط مافيش تغيير بس آهه كان لازم يتغير برضه وشكراً لك ولكل من اهتم ...
وياترى ممكن يكون عيب إيه نبص عليه؟؟ هل هو المارش ولو هوه نعرف إزاي مع إني لما بدور العربية بيكون المارش كويس .....

رد: بطء في التدوير
 

لا كده يبقي فيه حاجه غلط
ممكن تكون الصبح و انت بتدور بتدوس لها بنزين كتير فالعربيه بتشرق منك و مش بتدور
اصل كل حاجه اتغيرت ايه اللي يخليها ما تدورش بقي؟؟؟!!

رد: بطء في التدوير
 

انا لى رأي أخر....
اتأكد من توصيل الاسلاك من الاسبراتير للبوجيهات فبعضها ممكن ان تكون موصلة نص نص
و ممكن حاجة تانيه خالص...الرداخ بتاع البنزين
اتأكد من انه يؤدي وظيفنه جيدا
وايضا اتأكد من السكس بالف بتاعه و شوف كمان فلتر البنزين اللى بعد الرداخ واللى موصل للكاربراتير
بيبقى فيه بنزين و العربية بارده ولا لا
لو مافيهوش يبقى المشكلة فى الرداخ

من فتره قريبه كانت اعربية معايا ساعات بتبطل و هي ماشية او ساعات صعب تدور و الاقى الفلتر فاضى
قلت العيب من الرداخ و لكن طلع العيب ان فايظ التانك كان مسدود فالرداخ كان بيشد البنزين بالعافية
ان شاء الله يفيدك الموضوع

رد: بطء في التدوير
 

هوه أنا إتأكدت من توصيل الأسلاك للبوجيهات لاقيتها تمام.........ولكن لقيت الفلتر بتاع البنزين والعربية بارده مافيهوش بنزين !!!!
ممكن يكون العيب في الرداخ زي ماحضرتك بتقول .......
عموماً أنا حستنى لما الميكانيكي يفتح إنشاء الله لأن البشاوات الصنايعيه لسه معيدين ,,,,,, ولكم جزيل الشكر....

رد: بطء في التدوير
 

ياباشا كده بقى العيب فى الرداخ

رد: بطء في التدوير
 

مش لازم يكون العيب في الرداخ لان الطبيعي ان بعد ما تركن العربيه فتره البنزين بيرجع للتانك تاني
و الرداخ عندك في ال 128 ميكانيكي مش كهربا يعني لازم تدوس بنزين علشان الرداخ يشتغل
و يجيب بنزين للفلتر و بعد كده تبدأ العربيه تدور معاك
عموما جرب كده قبل ما تدور تدوس دوستين بنزين و شوف الفلتر فيه بنزين ولا لاء
لو فيه يبقي الرداخ سليم و لو مافيش يبقي الرداخ تعبان
.لان الرداخ لما بيبقي بايظ العربيه بتقطع مش بتتأخر في الدواره

رد: بطء في التدوير
 

مع احترامى لرأيك، ولكن لاعلاقة بعمل رداخ البنزين ودواسة البنزين!! عمل الرداخ يعتمد على كامة خاصة به فى حالة كونه ميكانيكى، ويكغى لتشغيلة دوران المحرك سواء بالمارش أو أثناء التشغيل العادى.
وعدم وجود بنزين بالفلتر يرجع عموما الى تلف بلوف الرداخ valves وهذا السبب فى رجوع البنزين من الفلتر الى تانك البنزين وهذا العيب يظهر فى أول التشغيل صباحا.