رد: هل ستغيب شمس غبور ؟؟
 

ده ما يؤكد كلامى بان مبيعاتة بتزيد مش بتقل

القاهرة -- قالت شركة ((غبور اوتو)) المصرية لصناعة السيارات يوم الخميس ان صافي أرباحها في الربع الاول من عام 2008 زاد 89.8 بالمائة ليصل إلى 91.1 م ليون جنيه (17 مليون دولار) بفضل نمو مبيعات سيارات الركاب والعربات التجارية.
وذكرت الشركة أن صافي أرباحها في نفس الفترة من العام الماضي بلغ 48 مليون جنيه.
واضافت ان الايرادات زادت 30.3 بالمائة لتصل إلى 1.1 مليار جنيه.
وبلغت ايرادات مبيعات سيارات الركوب 758.2 مليون جنيه بزيادة 28.4 في المائة, بينما بلغت ايرادات مبيعات العربات التجارية 193.7 مليون جنيه بزيادة 96.8 بالمائة.
وقال رؤوف غبور الرئيس التنفيذي للشركة في بيان ان سيارات الركوب والسيارات التجارية حققت أفضل مبيعات في الربع الاول على الاطلاق.
وزادت مبيعات سيارات الركوب 17.7 بالمائة مقارنة مع الفترة نفسها من العام الماضي. وبلغ نصيب الشركة من سوق سيارات الركوب في مصر 21.3 بالمائة في نهاية الربع.
واضاف غبور أن التوقعات بخصوص باقي العام لا تزال ايجابية.
وتملك الشركة ترخيصا حصريا من هيونداى موتور الكورية الجنوبية لتجميع وتوزيع سياراتها في مصر.

رد: هل ستغيب شمس غبور ؟؟
 

أيوه كده

تقريبا مبتجوشي غير بالعين الحمرا ptmnlo123per113

هوا كلام صديقي ده مش شرط يكون واقعي ،،

ممكن يكون موظف عادي و عنده شوية احباطات


عايز أرد بس علي بعض النقاط اللي اثرتوها

أ / شريف باشاا

انا لا اشك لحظة ان هيونداي ماركة محترمة

و دي مش شهادتك و لا شهادتي دي شهادة العالم كله

و لكن فين فيات ؟؟

هل حد يشك ان فيات من اعرق الشركات في العالم و رائدة السيارات الاقتصادية

مش كانت السيارة الأولي في مصر لمدة ثلاثين سنة ؟؟؟

ايه سبب مواتها غير توكيل غبي اسمه اوماترا

في رأي في مصر الماركة مش هيا العامل الأول ،، الوكيل هوا العامل الأول ، بس تكون ماركة معقولة

مش خدمات الوكيل في حد ذاته و لكن ذكائه في التسعير و التسويق و توفير خدمات ما بعد البيع

و عمل انتشار و سوق لماركته


الماركة مش كل حاجة !!!!!!!

ولاء العميل قابل للتغيير بكل سهولة


أ / طارق زياد ،،

للأسف ان كنت اعتقد ان غبور هوا النوعية دي من رجال الأعمال

و عندي دلائل

مصنع اتوبيسات التصدير

استثماراته في خدمات ما بعد البيع ( 120 مليون جنية مخزون قطع غيار - 36 مركز خدمة معتمد )

خطته لشراء شركة النصر للسيارات

اكبر تشكيلة موديلات في السوق المصري و احدث انتاج لهيونداي بينزل مصر في نفس الوقت تقريبا

تسويقه لهيونداي اكتر من علب السمنه كل الطرق السريعة في مصر - قنوات الدش -

طبعا مع الإعتراف بوجود سلبيات كتيييييييير

بس كان في وجهة نظري الإيجابيات اكتر بمراحل من السلبيات


مش عارف بقه ابتديت اغير وجهة نظري دي

خاصة نقطة رفع اسعار الصيانة و قطع الغيار ،،


ابو نورا


مختلف معاك في نقطة عمرو الإسكندراني

مصر مختلفة ،،

مايكروسوفت سابها بيل جيتس نفسه لكنها لسه مايكروسوفت

مصر الوضع مختلف الإعتماد مش علي منظومة اكتر منه علي افراد

و علي فكرة صاحبي ده بيقولي ان غبور بيفكر زيك ( عقبالك لما تبقي اجدع منه )

بيقول ان كل ماجيب حد اعتمد عليه يسيبني و يخلع

قام راح جاب استشاري ادارة اجنبي يعمله نظام عشان ميبقاش معتمد علي افراد

بس ماعتقدشي ده نظام ناجح في مصر ،، مصر بلد الإبداع الشخصي

مش مختلف معاك في النقطة الثانية اكيد مش بكره هيفلس

بس انا بجد من غير ماعرف حصته من السوق كنت متوقع ان هيونداي حصتها في السوق قلت

و مش 31% ابدا ،، مكنتش شايف ان ما بين كل تلت عربيات جديدة ،، واحدة هيونداي خالص


يا راجل ده انا بحس ان اللانسر لوحدها اكتر من الفيرنا

المبيعات بتزيد بس حصته في السوق بتقل

واحدة واحدة مش هيكون الأول ،،

خصوصا لو الكلام ده صح ،،،

خلي بالك ان بكلم علي نقطة انه بقي فاقد الرؤية الإستراتيجية مش أي حاجة يعني


انتا مش فاكر لعبه بالسوق مش فاكر لما وصل الفيرنا في وقت لأقل من ستين الف و حرق كل المنافسين ، مش فاكر العروض اللي كان بيعملها للماتريكس ، مش فاكر حملات الصيانة المجانية و تخفضيات قطع الغيار ، مش فاكر لما كانت هيونداي ارخص اسعار صيانة بمراحل عن المدابح اللي كانت في التوكيلات التانية

بخصوص نصير ،،

أنا متفق معاك بس مثلآ ليه غبور نزل الآي 30 و نصير منزلشي الكيا سييد ؟؟؟

رغم ان الكيا سييد أقدم في النزول بره من الآي 30 و سمعتها اعلي

ثانيا نصير مشهور بانه خدمة خمس نجوم مقابل اسعار عشر نجوم

طبعا انتا عارف ان مصر سوق سعر قبل اي حاجة تانية

لو استمر علي نفس السياسة استحاااااااالة ينجح

لا كيا و لا رينو و لا داتشيا

اعتقد وليد توفيق كان افضل ،،،

خاصة ان دايما فيه كلام علي عدم استثماره في مخزون قطع غيار ،،

نظام تاجر يعني مبيحطش فلوسه غير لما تكون كسبانه الأول

دول مآخذيني عليه

رد: هل ستغيب شمس غبور ؟؟
 

احمد باشا ...... ارفعلك الفبعه و احييك بشده ....
و فعلا كلام مفيش رد عليه
لانه تحليل سليم 100% ... زي تحليل الدم بالظبط ههههه

نجاح غبور حاليا ... هو ناتج القصور الذاتي لنجاحه السابق
و لو مظبطش سياسته قريب وبسرعه ... حيخسر كتير وحيبقى صعب التعويض

رد: هل ستغيب شمس غبور ؟؟
 

هو الموضوع دا كان غايب عني فين
بجد كميه معلومات و وجهات نظر مختلفه و رائعه
شكرا لكل من ادلي بدلوه في الموضوع

رد: هل ستغيب شمس غبور ؟؟
 

طبعا بعد صباح الفل
احمد باشا ده مجهود تشكر عليه
ويشاء السميع العليم انى اقرا الموضوع ده بعد سنتين
مش عارف هل فى حد هايقرا اصلا ولا لا
بس لازم اقول رأى
عمر ما فى اى شركة بتوقف على اى حد
ده الاساس
وحتى لو عمرو الاسكندرانى عقلية فذة وحلوة لازم تلاقى المناخ الجيد والتربه الخصبة اللى تسمح لها بالابداع
بدليل
فين عمرو الاسكندرانى انهارده بعد سنتين من انشاء الموضوع وفين غبور...!!!!!!!

على فكرة حصة غبور فى مبيعات السوق عمرها ماكانت 19 %
طول عمرها بتلعب من 26.5% الى 30%
وده طبيعى جدا لان مفيش اى كيان فى الدنيا كلها بييثبت عند معدل ثابت
غير ان على راى العبقرى ابو نورا... ان الكحكة زى مابنقول بالبلدى
الكحكة بقى ياكل منها ناس اكتر من الاول وده عامل زى تفتيت الاصوات
انما حجم المبيعات فى الطالع جدا
انهاردة وانا بكتب الموضوع دة يوم 12-10-2010
تقرير الاميك بيقول ان غبور بايع من اول السنة لحد سبتمبر 27.7% من السوق المصرى فى حين ان التانى بيلعب فى حتة ال19% والتالت 11%
يعنى اجرى العب بعيد ياشاطر
توقعاتك عن اللى ممكن يمسك السوق كانت غلط

ابو الفتوح اتعرض اكتر من مرة لغرامه عشان عيوب فى السيارات
وتويوتا حسب تقرير الامك محصلهاش زيادة او نمو فى مبيعاتها ولا حتى ثبتت على حالها
لكن تتفاجئ ان تويوتا بتبقى مكتوبة بالخط الاحمر وهى حصلها انخفاض بنسبة 50% من اجمالى السوق

على فكرة اسعار الفيرنا قلت والانترا والماتريكس ولاى 10 احسن من البيكانتو بمراحل
والفيرنا تخطط حاجز ال60 الف مركبة بما بعنى انها اكتر عربية على الاطلاق تسير فى شوارع مصر
وانهارده غبور بدل ماينزل صينى اقتنص المازدا تماما زى ما الصياد بيستنى على الفريسة لما تستوى وينقض عليها فى وقت لازم تسلم
وارجع للجرايد والمجلات وتابع المفاوضات بين غبور وبين مازدا من ايام 2002
واجبرهم انهم يزودوه بسعر كويس نوعا ما لقطع الغيار عشان يبقى احسن اليابانى الموجود
القيادات الموجودة جوة الشركة دلوقتى فى رأى انها كلها على مايرام والواحد فيهم يقوم شركة
مش تقليل من ا عمرو الاسكندرانى لا الراجل ده عبقرى لكن له وقته ولما تحب تتطور حاجه لازم تغير فى الفكر بتاعها
يعنى لازم تغير اشخاص
اللى وصله غبور انهارده اثبت ان كل توقعاتك خاطئة لعى الرغم من انى كنت ممكن اقتنع بيها لو كنت بقرا الموضوع ده من 2 سنتين وقت مانت كتبته
1- لسه مستولى على اعلى حصة فى السوق
2- استثمارات كبيرة وكتيرة جوه البلد وبراها
3- اكتر من 6000 موظف ولسه فى زياده
4-شركة جى بى بولو اللى مصنعها فى السويس بيصنع وانا اقصد كلمة بيصنع شاسيها الاوتوبيسات وبيصدرها بره
5 -وفتح قطاع للشركة بالعراق للاستفادة من السوق لعراقية
6- اعادة تصدير بعض الموديلات للاسواق المحيطة زى ليبياوالاردن

هل تعتقد ان هذا فشل او نجاح من قبيل الصدفه او حتى نجاح عشان مفيش منافسة قوية
على فكرة حتى لو مفيش منافسة قوية
الراجل ده بينافس نفسه
وانا بحترمه جدا وارفعله القبعه واقولوا بكل فخر شابوه مستر غبور
ودلوقتى اعلاناته مش اسهال فى كل حته زى الاول
مفيش غير اعلان يتيم فى العدد الاسبوعى للاخبار والاهرام
وكمان مجبش نجوم مصر كلها عشان يعمل اعلان لعربيتين يتام من افشل العربيات فى العالم ومش بيبيعوا لا فى اوروبا ولا فى امريكا

رد: هل ستغيب شمس غبور ؟؟
 

ابو نورا باشا
احنا لازم نفتح الموضوع ده تانى ونقيم السوق من 2008 الى انهارده واحنا داخلين على 2011

رد: هل ستغيب شمس غبور ؟؟
 

الكعكة قلت بالفعل يا أ / أمير

السيراتو قلتها جامد جدا

قريت مرة بس مش متذكر الرقم تحديدا


السيارات المستوردة لمصر 40% منها كيا

بس أنا أتوقع العكس تماما السنة الجاية إن شاء الله

مع نزول الجيل الجديد من سيارات هيونداي

النترا ، اكسنت ،، ماتريكس