مصر موتورز مجتمع السيارات - رينو سيمبول ام النترا

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - رينو سيمبول ام النترا (https://www.masrmotors.com/vb/showthread.php?t=14849)

رد: رينو سيمبول ام النترا

اقتباس:

المشاركة الأصلية كتبت بواسطة pro mada (المشاركة 91491)

اولا انا ليا الشرف عشان حضرتك رديت علي تعليق ليا

اول نقطه احنا متفقين
تاني نقطه اقصد ان قطع غيار الالنترا متوفره اكتر بره و جوه التوكيل و يمكن تكون ارخص كمان
تالت نقطه انا اقصد ان توكيل غبور احسن من توكيل الرينو ( EIM ) و ده طبعا موضوع نسبي
رابع نقطه احنا متفقين
خامس نقطه متفقين مع توضيح السبب
سادس نقطه غلطه مني عشان الالنترا فئه سيدان كبيره و السيمبول فئه سيدان صغيره و ده غير موضوع المحرك طبعا ( دي وجهه نظري )
سابع نقطه غلطه ترتبت علي غلطه النقطه السادسه
تامن نقطه انا عارف ان الشكل موضوع نسبي بحت و انا كنت بقول وجهه نظري

بس كده و ارجو اني اكون رديت علي استفساراتك يا بوب

الشرف ليا يا بشمهندس احمد
بس انا بعترض وبشده على تالت نقطه بتاعت غبور احسن من EIM دى من الثوابت ان غبور لما بيحط ايده فى عربيه بتبقى ملعونه(ده سر تفضيل ناس كتير للعربيات الهيونداى الكورى عن المجمعه فى مصر)
ثانيا يلا نعيد الحسابات من اول وجديد بعد ما اتفقنا على وجهه نظر وسط
ونشوف هل لسه رينو 2 ولا زادت مع انى متقبل انك متزودش السيمبول فى اى حاجه قدام الالنترا الا التوكيل
حقيقى سعيد بالحوار معاك تحياتىptmnlo123per122

رد: رينو سيمبول ام النترا

اقتباس:

المشاركة الأصلية كتبت بواسطة POP EL GAMED (المشاركة 91513)

انا اللي سعيد بالحوار معاك يا بوب
و مواضيع التوكيلات كلها وجهه نظر

رد: رينو سيمبول ام النترا

pro madaاستاذى المحترم الفاضل بشكرك لذوقك

الموضوع العربيتين دول مافيش وجه مقارنة الالنترا اكبر حجما

وامكانيات وموتور وافضل فى اعادة البيع وتقفيل بلدها السيمبول

اصغر وموتور اقل والحجم اقل واعادة البيع اقل ماينفعش اقارن

الاثنين ببعض

رد: رينو سيمبول ام النترا

أنا أشكر بشده كل الاخوة الذين قامو بالرد علي هذا الموضوع و أتوجه بالتحية لكل القائمين علي هذا المنتدي الرائع.

أنا لي تجربتين:-

الاولي: مع الرينو كليو موديل 2005 و 1400 سي سي الصراحة كان الموتور رهيب قوي جدا و الاداء العام متميزجدا و العفشة ناعمة, و حبيت العربية دي جدا و احترمت التوكيل بتاعها و العيب الوحيد اللي خلاني ابعها هو ضيق و صغر حجم الصالون.

الثانية: تجربتي مع الماتريكس موديل 2007, عربية كبيرة و واسعه, بس محبتهاش بسبب عدم قوة موتورها و انه ليس سريع الاستجابه و العفشة ليست بالناعمة بالدرجة الكافية و الصاج ضعيف جدا و سوء معاملة التوكيل و لكن بالمقابل اسعار قطع الغيار متوفرة و اسعارها مناسبه, بعتها ايضا و كانت عامله 24 الف كيلو بس.

انا محتار لان السيمبول عجباني جدا بس خايف ان يكون الصالون ضيق مثل الكليو و ايضا لا اعرف مدي الاعتمادية علي المدي البعيد.

من ناحية اخري اني اري الالنترا منتشرة هنا في السعوديه و الناس بتشكر فيها لدرجة انها شغاله تاكسي في عز الحر بدون مشاكل و بيقرنوها مع الكورولا, بس اخشي من تجربتي السابقة مع الماتريكس و سوء سمعة غبور

اسف علي الاطاله

رد: رينو سيمبول ام النترا

لوسمحتم سمعت ان الباور بتاع الالنترا فى مصر مبيفصلش بعد سرعة 120 كم فهل المعلومة دى صحيح
وشكرا

رد: رينو سيمبول ام النترا

لا اعتقد الالنترا طبعا طبعا