|
رد: والله انا محتار جداً جداً... ياريت تساعدونى
اولا فرق الموديل لصالح الاوبترا
معلش الاوبترا بقالها سنه ماشيه و الصاني بقالها 5 سنين يعني لو حنفترض الحالات العاديه يبقي الاوبترا تعتبر لسه جديده ما كملتش 40 الف كيلو انما الصاني ممكن تكون عدت ال 100 بالراحه غير كده اعاده البيع حتلاقي الصاني تقيله عن الاوبترا. صلي استخاره و ان شاء الله ربنا حيسهلك انا ميال للاوبترا بصراحه بـس علشان فرق الموديل انما لو حاله النيسان حاله شاذه يعني عامله كيلو متر قليل و كده يبقي الصاني بدون منازع ركوبه تانيه الصراحه اقتباس:
التقفيل المصري كان من 2006 |
رد: والله انا محتار جداً جداً... ياريت تساعدونى
الآوبترا أوسع من الصنى من الداخل كثير قدام و ورا !
تابلوه الآوبترا مش وحش أبدآ هوه بسيط بس السهل الممتنع ! تقفيل الصنى المصرى مش أد كده ! مثلا الكاوتش العازل للآبواب خفيف و رفيع و من أردأ الآنواع يعنى بتاع التلاجه الايديال المصرى برده أجدع منه ! قطع غيار الصنى الله أعلم بس أعتقد الآجزاء الحساسه ح تكون أغلى منا الاوبترا ! الزميل العزيز اللى فى أكثر من مشاركه يقول على بعض أنواع السيارات اوعى تسافر بيها ؟؟ أحب أقول له ان السفر بيريح السيارات أكثر من السير فى المدينه ( خاصة القاهره ) ! الا اذا كان قصدك حوادث السرعه ! Dr. Bolbolan :HAPPY_~211: |
رد: والله انا محتار جداً جداً... ياريت تساعدونى
انـا بجـد شـاكـر ليكـم يـا جمـاعـة علـى سـرعـة الـرد والأهتمـام بمـوضـوعـى الأوبتـرا عـاملـة فعـلاً 40 ألـف كيلـو متـر بس فيها خربشة بسيطة فى الجانب الأيمن فى الباب الأمامى و النيسـان عـاملـة اكتـر مـن 120 ألـف كيلـو متـر بـس زيـرو بـرة وجـوة طيب ليا سؤال تانى بعد اذنكم يعنى اية تابلوة الأوبترا السهل الممتنع ؟ يعنى ماينفعش اضيف فية حاجة ولا تابلوة النيسان سهل الأضافة فية والتعديل علية |
رد: والله انا محتار جداً جداً... ياريت تساعدونى
أولا ايه اللى عايز تضيفه ؟ لو الحاجه دى لها عمق وأسلاك وكده يبقى لازم تحفر فى التابلوه
و دايما النتائج بتكون سيئه ! على الآقل انت مش عارف ايه اللى خلف التابلوه ! تابلوه الآوبترا عريض و مستقيم وشكله نظيف و ممكن تلزق عليه اللى انت عايزه لكن لا أحبذ ذلك ! تابلوه النيسان مكعبر شويه و زحمه ! Dr. Bolbolan ptmnlo123per122 |
رد: والله انا محتار جداً جداً... ياريت تساعدونى
الاوبترا عربيه كويسه اوى و مع ناس اعرفهم عندهم مزرعه و بيسافرو بيها كتير و بيروحو بيها المزرعه (فى حوالى 6كم مش متسفلتين - مدق ترابى مدغدغ) و العربيه معاهم من 2007 و عامله 87الف كيلو و زى الفل (ماشاء الله) النيسان حلوه بردو و 2004 كانت يابانى مش مصرى (على حد علمى) بس فارق الموديل و الكيلومترات فصالح الابترا ده غير قطع الغيار و اعاده البيع بردو فصالح الابترا
توكل على الله واعمل استخاره (ان شاء الله ابترا) |
رد: والله انا محتار جداً جداً... ياريت تساعدونى
اقتباس:
اذا كان كدة يبقي راي زي حازم باشا بالظبط و توكل علي الله و خذ الاوبترا و التابلوه بتاعها عادي يعني لو عايز تضيف نضام صوتي او ما شابة ممكن جدا و اعتقد ان الكاسيت اللي بينزل فيها من النوع الكبير يعني ممكن تحط مكانة شاشه كمان لو تحب |
| الساعة الآن 03:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017