رد: نيسان تيدا... ام تيوتا كرولا؟؟
 

العفو يا اخي العزيز
احنا هنا في المنتدي علشان نتناقش و نفيد و نستفيد:)
انا حقولك حاجه
قاعده العجلات كلما تكون اكبر تعطي للسياره ثبات و راحه اعلي
و كلما كبرت قاعده العجلات او الشاسيه كلما زاد الوزن و تحتاج الي موتور اقوي ليناسب السياره
و بالتالي سوف تصل السياره لسرعات اعلي فتحتاج الي تعليق اقوي و فرامل اقوي الخ الخ الخ
فبالتالي كلما كبرت السياره كلما زادت اعتماديتها و تحملها
اما بالنسبه للوسع الداخلي فيأتي من ذكاء المصمم بالاستفاده من كل ملليمتر في شاسيه السياره
فالبعض يقوم بازاحه اطارات السيارت الي نهايه السياره ليقوم بتوفير مساحات كبيره للركاب
و للتوضيح سوف اعرض الصوره التاليه
http://www.caradvice.com.au/wp-conte...orolla2006.jpg
دي عربيه كورولا
نري ان العجله الخلفيه مزاحه الي اخر الرفرف
و دا بيخلي الباب ياخد خط طولي مع الداير (لاحظ الشكل دا كده)
و الحركه دي دايما تلاقيها في عربيات من الفئات الكبيره عمرك ما تلاقيها في عربيه صغيره.
و دا بيخلي القاعده ورا مريحه
لاحظ بقي تويوتا كورولا 93 و انت تفهم قصدي ايه
http://www.canadiandriver.com/articl...rolla_dx_1.jpg
شايف العجله مش ورا زي موديل 2007 ازاي
و شايف انحناء الباب عامل ازاي مع الداير؟؟
يا رب اكون عرفت اوضح الفرق البسيط دا:)

دي طبعا توضيح لنقطه واحده و وهو الوسع الداخلي و ازاي الشركات بتطور من نفسها علشان تستفيد اقصي استفاده كما وضحت سابقا.

رد: نيسان تيدا... ام تيوتا كرولا؟؟
 

ربنا يفتحهه عليك يا مهندس

معني كدة مثلا ان عربية زي الشيفرولية كروز الجديدة

علشان حاجمهه اكبر تبقة اقوي واسرع من التيدا رفم ان قوة موتورها 107حصان

واعتماديتها اعلي

وحضرتك قلت ان كل ما زاد الحجم فالعربية بتحتاج لموتور اقوي يتحمل الوزن الزيادة


طيب حضرتك ازاي وانهم كلهم نفس الموتور 1600 وبعدين حصان التيدا اكبر من الصني تقريبا

والكرولا موتور 1600 وبيدي حصان قريب من التيدا

هل دة معناة ان ايوة التيدا فئة مختلفه بس هية اقوي من الكرولا لانها موتور قوي علي حجم اصغر نسبيا

من الكرولا والصني

ملحوظة بعض الناس في منتديات خليجية همة الي قالوا ان التيدا تقارن بالكرولا وليس الياريس

لذا عرضت عليكم المقارنة من اجل التوضيح

رد: نيسان تيدا... ام تيوتا كرولا؟؟
 

حضرتك لو بسيط لعربية نيسان تيدا2009

هتلاقي ان العجلة الخلفية زي الكرولا لاخر الرفرف وبرضو انحنائة الباب الخلفي تقريبا واحد

رد: نيسان تيدا... ام تيوتا كرولا؟؟
 

الموتور اللي في الكروز دا اصغر موتور بتنزل بيه هيا بره بتنزل بموتور 1800 او 2000
لكن علشان الجمارك في مصر غاليه جدا للعربيات ذات سعه لتريه اكبر من ال1600 سي سي فبتنزل في
مصر بموتور 1600 فقط.
زي الهوندا سيفيك مثلا
بره بتنزل ب 1800 لكن في مصر نازله ب 1600 علشان الجمارك
و الباسات بتنزل بره ب 2000 و 2400 كمان لكن في مصر بتنزل ب 1600 علشان الجمارك برضه
و علشان كده مش شرط اننا ناخد بقوه الموتور
التيدا بتاع حضرتك اقصي موتور يركب معاها هو ال 1600 و لو نزلت 1300 كانت حتبقي كويسه برضه
و معظم العربيات بتلاقي فيها موديل بيسمي موديل القاعده
و دا بيبقي اصغر موتور و اقل امكانيات و بيبقي عندك كذا موتور تاني اقوي تنزل بيه
زي البي ام الفئه التالته كده
بتنزل بموتور 1800 و 2000 و 2300 و 2500 و 3000 و الفئه ام بتنزل بمواتير اقوي
بالضبط كده حضرتك فهمتها اهو
التيدا نازله بموتور قوي علي جسم خفيف
و لذلك حتي لو نفس الموتور دا في الصاني او الكورولا الاتقل منها حتلاقي التيدا اسرع
المنتديات الخليجيه زيها زي المنتديات في العالم كله كلامهم ممكن يبقي صح و ممكن يبقي غلط

رد: نيسان تيدا... ام تيوتا كرولا؟؟
 

حقيقي يا استاذ حازم انا مستمتع بالحديث معاك

بس فية عندي ملاحظة ان التيدا العجلة الخلفية بتاعتهه عند اخر الرفرف من ورا

وحتة انحناءة الباب الخلفي زي الكرولا

بالتاكيد انا مش عارف مقاسات العجلات للكرولا كام بس التيدا 16

ولو فرضنا ان مساحة الركاب من جوة هية هية ودة المهم ان الراكب يكون مستريح

وقاعدة العجلات في التيدا كبيرة واتزانها ممتاز ولية اني اقلك اني جديد في السواقة وبلاقي

ان العربية التيدا بتجبرني اني اجري لاني مستريح بقيادتههه وحاسس اني مسيطر عليهه

في كل وقت ومكنتش بقل عن 130 في الانحناءات الصعبة جدا في طريق علي النقب

الي موجود عند مدخل محافظة الوادي الجديد والنقب منخفض كانك نازل من المقطم

وفي العادي بجيب بيهه من140الي 150 وانا الي قبلهه كنت بخاف لو جبت العربية الانسر

علي 120 الي هية فئة اعلي زي محضرتك قلت

ومظنش ان زيادة في قاعدة العجلات للكرولا لو وجدن هتخلي الفرق في الفئة كبير

حاجة تانية كمان كنت عايز حضرتك تكلمني عنهه ان نفس نوع المتور للتيدا والكرولا والانسر

والكروز والصني الي هوة1600 بس الحساسات الي في موتور التيدا اكتر ودة ممكن يدي افضلية

لموتور التيدا

اذا كان نظام العربيات بيقول ان تصنيف العربية في الاخر بيرجع لقاعدة العجل والشاسية علشان

راحة الركاب والاعتمادية

فاذا كانت كل المواصفات دي الي هية المساحة وراحة الركاب والاعتمادية والاتزان والموتور

الممتاز وجدت

في سيارة قاعدة عجلتهه اقل بسمتي مثلا فدة ينزل فئتها مع العلم ان نفس التصميم لعجلة

قاعدتهه اقل يخليهه افضل في الاداء من لو وضع لها قاعد ةاكبر مثلا

مش عارف بس بحس ان دة فيه شئ غلط التصنيف كدة لان لو قدرت اوصل بكل الامكانيات دي

مع عربية قاعدة عجلاتهه اصغر مش دة احسن حتة علي الشاسية علي المدي البعيد

ويخلي العربية فئة عالية من ناحية الامكانيات

يعني السؤال الي بيطرح نفسة دلوقتي ان لوفية عربيتين تشابهتا في نفس كل شئ اعتمادية واتزان

ومساحة ركاب وكماليات وكل شئ بس واحدة اغلي من التنية دة ميخلنيش اشتري الارخص في السعر

لانها هية هية ولا افضل الكرولا علشان مجرد بس انهه فئة تانية والكلمة دي مدتنيش اي فرق في شئ

يذكر

رد: نيسان تيدا... ام تيوتا كرولا؟؟
 

و انا كمان مستمتع بالحوار معاك:)
و ايه المشكله عادي
انا مش بقول الانحناء دا بيفرق بين فئه و التانيه انا كنت بوضح الوسع ممكن يجي منين كمثال
و علي فكره الياريس برضه نفس الانحناء بالضبط
عادي ما اختلفناش و لعلمك فئات الصاني و التيدا قريبين من بعض مش بينهم الفرق الشاسع

انا بالانسر ال 98 بجري بيها و مش بحس بسرعه لكن بال 2006 بحس اكتر من اللانسر
مش لازم يكون تصميم اللانسر متفوق لمجرد انها فئه عاليه
كل واحد بيرتاح في عربيه معينه و مش شرط انه يرتاح في عربيه كبيره
دي بترجع للشاري نفسه
و مستحيل الاراء كلها تبقي متفقه علي موديل واحد
عندك مثلا المرسيدس العيون و الشبح
العيون كبيره و تكفي الغرض و الشبح اكبر منها و افخم منها و تمنها قدها مرتين
انت ممكن تبقي شايف ان العيون بالنسبالك كويسه و ما تدفعش فرق السعر الرهيب بينهم
لكن غيرك يشوف ان الفخامه و الشكل و الاختلاف اللي في الشبح يستاهل فرق السعر و يشتريها
هيا دي النقطه
ان كل واحد بيشتري علي قد امكانياته و متطلباته

رد: نيسان تيدا... ام تيوتا كرولا؟؟
 

طيب يااستاذ حازم نيجي للسؤال الاهم

اية الفرق بين التيدا والكرولا ؟؟؟في قاعدة العجلات بس هية دي الي خليتهه اغلي

مع التشابة في كل شئ

بالنسبة لمثالك الفرق مابين العيون والشبح اعتقد الفرق كبير جدا وواضح ومفروض انك تقارن

مابينهم لو كانت مقارنتي بالاوبترا والكرولا مش التيدا والكرولا وهي الاوبترا هتادي الغرض برضة

موتور1600لكن برستيج الكرولا الياباني اعلي من نظيرة الكوري

لان الكرولا لا كشكل ولا امكانيات تتفوق علي التيدا في شئ بينما الشبح يتفوق علي العيون

في الفخامة والامكانيات والشكل وكل حاجة

وممكن حضرتك تقلي مساحة قاعدة العجل في الكرولا والصني كام الي خلتهم فئة اعلي

ومين اقوي موتور فيهم همة التلاتة 1600

كموتور ان التيدا اقوي