رد: الحمد لله إشتريت شارك إمبارح
 

الف الف مبروك و ربنا يبارك لحضرتك فيها و يكفيك شرها ...

رد: الحمد لله إشتريت شارك إمبارح
 

كل شى وارد فى مصر بس انت مش مضطر تلجاء لهم ان شاء الله واظب على الصيانات الدورية فى اى نركز خدمة او ميكانيكى محترم وبس

Sent from my GT-P7500 using Tapatalk 2

رد: الحمد لله إشتريت شارك إمبارح
 

مبروك
انا سوقت شارك خليجي اخويا كان جايبها معاه
ماشاء الله ممتازة
واللي اعرفه ان الكمبيوتر بتاعها بتظبط على طريقة سواقتك ودوسك بنزين بعد 1000 كم
يعني لو انتا اسلوبك عنيف وسريع بعد الألف هتلاقيه بيستجيب أسرع وبينقل على طول
ولو هادي هيفضل هادي
ومبروك تاني وربنا يكفيك شر العين

رد: الحمد لله إشتريت شارك إمبارح
 

أول ملاحظات :بعد ما روحت العربية من 3 أيام من المعرض ولسة ما خدتش شهادة البيانات من المعرض فمفيش نمر لسة
قولت لما أتحرك بيها بليل لفتين بدل ما هي واقفة كده بقالها كذا يوم

المهم دورت العربية ولكن في البداية مع لفة الدكسيون كان الصوت بيعلى وبحس بونة ما كانتش موجودة خالص لما جربتها في المعرض
ولما بدوس فرامل بسمع صوت خبطة ناحية الفردة اليمين المهم طلعت من الجراج فلقيت الأصوات دي راحت خالص فده عادي ولا السبب إن ركنت العربية كام يوم؟

رد: الحمد لله إشتريت شارك إمبارح
 

ربنا يباركلك فيها و يكفيك شرها

العربية الجديدة ليها حساسيتها و زهوتها .... و لسة يا باشا ... قلبك حيتقطع لما تشوف حد بيعمل لها صيانة او بيفك مسمار فيها ... ربنا يباركلك :)

توكيل دايموند ... فيه ناس قالت عليه كويس ... و فيه ناس تانية اشتكت منه ... انا اتعاملت مع الرواس زمان و كان مش كويس
و انصح حضرتك انك تخليك مع التوكيل لو خايف اوى على العربية ... لراحتك النفسية .. مش اكتر

صوت الونة الخفيف الى حضرتك سمعته فى الجراج ده صوت طرمبة الباور ... و ده طبيعى طالما الصوت ضعيف
الار بى ام بيزيد شوية مع لف الدركسيون .. و ده طبيعى
لما حضرتك تروح تعمل صيانة 1000 كم ... بلغهم بموضوع الفرامل و اى ملاحظة فى العربية

رد: الحمد لله إشتريت شارك إمبارح
 

الله يخليك يا باشمهندس إن شاء الله هعمل كده بس أنا سمعت كلام مرعب عن دياموند حجات العقل ما يصدقهاش
وده خلاني بقيت متخوف جدا من أي حاجة في التوكيل لدرجة إني ساعات بقول أبو التوكيل وأروح أعملها صيانة بره وخاصة ناس كتير بتقول العربية بتدخل التوكيل مظبوطة بتطلع منه متعفرتة وناس تانية الفرامل سابت وعملت حوادث بعد صيانة الألف بيومين وحجات خلتني ما بقيتش عارف أنام من كتر التفكير ده كله وأنا لسة ما ركبتهاش ولا علقت نمر

رد: الحمد لله إشتريت شارك إمبارح
 

ليه حضرتك بتتعامل مع التوكيل ؟؟!!

لسببين ... الاول ان التوكيل مسئول عن استبدال اى شيئ يتلف نتيجة عيب التصنيع
السبب الثانى ... خبرة و كفاءة و مسئولية التوكيل الفنية

توكيل المتسوبيشى يتملص دائما من استبدال اغلب الاشياء التى تتلف خلال فترة الضمان ( 3 سنوات او 100 الف كم ) .. و لم اسمع ان التوكيل غير حاجة ... احتمال يكون غير .. بس انا لم اسمع بهذا
و لازم تعمل كل الصيانات داخل التوكيل حتى صيانة ال 100 الف كم ... و الا خرجت برة الضمان

لو حضرتك عاوز تجرب الرواس ... و لو انهم مش احسن كتير .... فيه فرع فى الكيت كات .. او فرع غمرة ... او فرع اول الزراعى

الخبرة الفنية ... انا اتعاملت مع صنايعية كويسين و عندهم ضمير خارج التوكيل

و لا تقلق بهذا الشكل ... حضرتك حساس شوية علشان العربية جديدة