مصر موتورز مجتمع السيارات - هوقفكم فى الاشارات

اقتباس:

ايه افضل عدد لفات للنقل من سرعه إلى اخرى

افضل عدد لفات موتور بحيث ما تبقاش ناقل بدري اوي او متأخر اوي هو ال 2500 الي 3000
المعدل دا بيخلي استهلاك في البنزين اقل من انك تحرق علي العربيه اوي و اقل من كده بيبقي
تحميل علي الموتور

اقتباس:

وبعدين لما اكون على سرعه عاليه واهدى ايه الى يقولى انزل من نقله لنقله أقل ؟

دي بتيجي بالاحساس يعني انا مثلا ماشي علي الرابع و سرعتي 80
لو هديت لحد 70 او 60 ممكن اكمل علي الرابع عادي جدا مافيش مشكله
لو هديت علي 50 او 40 او 30 كمانيبقي الافضل اجيب التالت و امشي عليه لحد 60 و انقل الرابع
لو هديت لاقل من ال 30 يبقي اجيب التاني
لو هديت خالص لحد 10 ممكن اطلع من التاني او لو محمل العربيه يبقي الافضل اجيب الاول و ابدأ اطلع بالعربيه من جديد

كلامي اللي فوق دا كله ردا علي الاقتباسين مش معناه اني طول ما انا ماشي افضل ببص لعداد لفات الموتور
و عداد السرعه
المفروض انها بتيجي معاك بالاحساس بالتمرين و التعود

انا مثلا مره ماشي بالياريس و سرحان و لقيت العربيه 110 و صوت الموتور عالي و فاكر العربيه علي الخامس
لقيت ال RBM عالي عند 5000 ولا حاجه طب دا من ايه
كل دا جه في دماغي في 4 او 5 ثواني كده
اتضح ان العربيه علي التالت مش الخامس:)
قمت ناقل علي الخامس من غير ما اعشق الرابع(ماهو خلاص انا حرقت علي التالت بما فيه الكفايه)
و شوف بقالي 19 سنه بسوق عربيات و لسه بغلط عادي جدااااااااااااا:)

.

اقتباس:

فى الكتالوج كاتبين لتليين الموتور يفضل ان الأر بى ام يكون بين 3 و 4 بس بحس ان الموتور بيصرخ دا عادى ولا ايه ؟

هو فعلا صوته لازم يبقي عالي
هما كاتبين كده علشان غلط انك تعدي الحدود دي لان دي الحدود القصوي في التليين و غلط تعرض الموتور للفات عاليه
حتي بعد التليين يفضل انك تنقل بين 2500 الي 3000 علشان تحافظ علي الموتور الا بقي لو كنت بتجري لحاجه ضروريه(يعني بتعدي من عربيه نقل علي الطريق فلازم تحرق علي النقله)
يعني مثلا لو انا علي الرابع و ماشي 60 مثلا و عاوز اعدي من عربيه فبدوس بنزين
علشان تعدي العربيه دي علي الغيار الرابع مثلا و توصل من سرعه 60 الي سرعه 80 حتاخد 6 ثواني مثلا
انما لو نقلت علي التالت فحيبقي تجميع العربيه اعلي و توصل من 60 الي 80 في 3 او 4 ثواني بالكتير
انت ساعتها حتكون بتقرص علي الموتور بس مش مشكله لما تعملها مره ولا حاجه انما ما يبقاش كل ماشيك شد و قرص علي الموتور لان دا بيهلك الموتور بسرعه.

اقتباس:

شكرا مقدما للإجابه :)

العفو و ابقي طمنا عليك:)