رد: ألحق أشترى سيارة قبل م الاسعار تزيد
 

رد: ألحق أشترى سيارة قبل م الاسعار تزيد
 

السلام عليكم
أسمحولى أحكى لكم حكايه مع موظف فى المصريه للسيارات .
فى أواخر شهر 9 اللى فات كنت بفكر أشترى سياره جديده و رحت للمصريه للسيارات و المندوب اللى قابلنى قعد يقول لى خد الفيرنا ب 63500 جنيه و أن ثمنها هايزيد فى أول شهر 10 الحالى بمقدار 2000 جنيه لأن ده كان عرض فى شهر رمضان الكريم و هايخلص .
و كان متحمس جدا و بيحمسنى بأسلوبه اللبق المهذب على الشراء .
و يشاء الله السميع العليم و بعد صلاه الأستخاره أنى أكره فكره الشراء حاليا تماما .
و فعلا بعد عده أيام أكتشفت أن السعر لم يرتفع إلى 65500 جنيه بل أنخفض إلى 61000 جنيه .
و دى عينه بسيطه من فهلوه و شطاره البائعيين فى مصر .

رد: ألحق أشترى سيارة قبل م الاسعار تزيد
 

الحمد لله ان العام القادم هو بداية تطبيق الاتفاقية الخاصة بتخفيض الجمارك 10% حتى يتسنى لنا ركوب سيارات محترمة ومطبق فيها نظام الجودة فى الصناعة وخاصة وسائل الامان بدل السيارات المجمعة من كل فلم اغنية وتباع عى انها سيارة طبعا اكثر المصريين سافروا خرج مصر وركبوا سيارات ولاحظوا الفرق الكبير بين سياراتنا هنا والسيارات خارج مصر حتى فى السودان بيركبوا سيارات مطابقة للمواصفات مصاتع ايه اللى بيقولوا عنها فى مصر فى النهاية لا تعد على المصريين بأى فائدة المفروض يكون سعرها اقل من المستورد وليس العكس والله اتمنى نركب سيارات الخليخ المستعملة على الاقل احسن من الزيرو المصرية ارجوا مفيش حد يزعل من كلامى ده مجرد راى

رد: ألحق أشترى سيارة قبل م الاسعار تزيد
 

السيد مجدي عفيفي خبير في الفهلوة وتقليب الجيوب وليس خبير في السيارات .

رد: ألحق أشترى سيارة قبل م الاسعار تزيد
 

شفت بعيني

شاحنة محملة بسيارات لانسر 1600

جميع السيارات اللي وقعت عليها عيناي بها لون بني فاتح عند التقاء البابين من اسفل

فهل هذا صدأ ؟؟؟؟

وهل فعلا تحققت امنية خليها تصدي وموديلها يعدي