|
رد: هشتري لادا استعمال 2107 وهشدها شده كامله من كله
ماشي منا لو هجيب ب 20000 مثلا هجيب ايه واكيد برده في فئتها هاتكون محتاجه تظبيط كتير بس لما اجيب اللادا واشدها شده نضيفه اعتقد هاتكون معمرة بعض الشئ والفلوس اللي هصرفها فيها اكيد هلاقيها. مستني رائيي حضرتك برده . لو في حاجه انا مش اخد بالي منها ممكن توضحهالي
|
رد: هشتري لادا استعمال 2107 وهشدها شده كامله من كله
اقتباس:
إحنا تلامذتكم فى الأول و الآخر, و ربنا يعينا و نقدر نرد و لو جزء بسيط جداً من حقكم علينا اقتباس:
اقتباس:
أنا بس كنت أحب أوضح حاجه: حضرتك ناوى على لادا ثمانينات صاج بس و أنت تضبط كل حاجه فيها و تكون فى حدود 8000 ج الطبيعى و الغالب إنك لو لاقيتها بالسعر ده هتبقى رشه دواخل" يعنى و لا صاج و لا عفشة و لا آلات جر و لا مكنه و لا حاجه, حاجه بتتباع علشان تتفكك و تتباع قطع غيار مش للركوب. الـ 20000 اللى ربنا رزقك بيهم يجيبولك لادا تسعينات محترمه على الركوب على طول, تتعب شوية و أنت بتكشف على أساسياتها و تبقى تضبط فيها واحده واحده على مهلك فى الشكل الخارجى, يعنى كل ما ربنا يكرم بقرشين ترشها و مرة تانية تضبط طقم جنوط و بعدين الزينون و ....إلخ أعتقد دى هتبقى أحسن , و ربنا يباركلك و ممكن تبعد عن اللادا خالص, تشوف ريجاتا مثلاً أو مازدا 323 أو تيوتا كرسيدا و ربنا يعينك |
رد: هشتري لادا استعمال 2107 وهشدها شده كامله من كله
والله انتو ناس محترمه ومجرد النقاش معاكو حاجه تشرف عموما انا مش مستعجل وبفكر في كل حاجه ان شاء الله ربنا ييسر اللي فيه الخير .
بس حتي الان مازالت الفكرة جاريه وجاري |
رد: هشتري لادا استعمال 2107 وهشدها شده كامله من كله
أهلا بك اخى الكريم
شد العربية مشروع فاشل وأسألنى أنا , العربية فى الاخر مبططلعش زى ما انت عاوز ولازم تقف على كل كبيرة وصغيرة فى الشغل ولازم تعدل على الصنايعى بدل المرة اتنين وتلاته ومهما يكون شاطر ومهما يكون امين فى تفاصيل صغيرة هو هيتغاضى عنها وانت متكونش حابب تفوتها وطبعا لازم تفضى نفسك من الشغل علشان الحاجة العربية بتتشد وتتطلع من بيتك من الصبحية وترجع آخر النهار وساعات تقعد جنبها وترجع من غير ما حاجة تتعمل فيها وطبعا لازم تحسب قعدتك جنبها بجانب 12.000 اللى انت حاططهم واحسب كل ده بعد ما تستلم العربية تلاقى المشروع خسران انا مش عاوز احبطك بس شد العربية له ناسه اللى يقدر يعملها كويس وبأقل التكاليف ولو اشترتها منه هتلاقى الفرق بسيط تقبل تحياتى |
رد: هشتري لادا استعمال 2107 وهشدها شده كامله من كله
اقتباس:
|
رد: هشتري لادا استعمال 2107 وهشدها شده كامله من كله
miam0502788391 كلامك كله صح انا عارف بس عارف اجيب عربيه مشدوده شده نضيفه منين وازاي واوفر علي نفسي تعب الصنايعيه والكلام ده . مش لاقي ب 20000 حاجه غير الفيات واللادا. انا مهتم شويه بشكل العربيه وقولت بالممبلغ ده مقدميش غير لادا . الفيات قلقان منها . شكرا ليكم كلكم يا جماعه والله
|
رد: هشتري لادا استعمال 2107 وهشدها شده كامله من كله
السلام عليكم انا معايا 18000 وعايز اجيب عربيه كويسة ومحتار بين 128 والريجاتا واللادا انا ميال للريجاتا بس سمعت ان قطع غيارها غاليه وان اللادا مش ناعمه وتقيله في المشي انا عايز النصيحه لاني معلوماتي في العربيات صفر تقريبا وجزاكم الله خيرا
|
| الساعة الآن 04:58 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017