مصر موتورز مجتمع السيارات - نصيحة بأصرار وإلحاح لكل ملاك السيارة جاك j5

اقتباس:

المشاركة الأصلية كتبت بواسطة AbOnOrA (المشاركة 980885)

الف سلامة عليك يا استاذ ايمن وربنا يحفظك ويباركلك فى العربيه ويهبك خيرها ويكفيك شرها

اما بالنسبة للأمان فأكيد لا راد لقضاء الله وعن تجربة وبدون جدال افخم السيارات واعلى الفئات بيحصل فيها حوادث مميتة لاقدر الله لكن ده مش معناه ان كل العربيات زى بعض فى المتانة والثبات وغيرها من عوامل الأمان والشاهد ان الجاك من خلال متابعتى الشخصية لأراء المستهلكين من افضل السيارات الصينية فى عوامل المتانة والامان وديه عوامل مش متوفرة فى عربيات كتير فى الفئه دية

واخيراً نطمع فى المزيد من الاهتمام من التوكيل فى صورة حملات صيانة وعروض اكثر بإذن الله

الف شكر لحضرتك يافندم ودائماً ابو الواجب وكلامك كله تمام وإذا كنت سمحت لنفسى ان اقول ذلك عن العربية الجاك فده لأنى ولأول مرة فى حياتى اتعرض لحادث اعيشه لحظة بالحظة مع الموت الذى هو مقدر ومكتوب من رب العباد ولكن بعد فضل الله سبحانه وتعالى بنعمته عليا وعلى اولادى كنت حابب انقل ماحدث باالضبط ولن اخقيك سراً بأنى حتى قبل الحادث كنت انظر للسيارة على إنها طالما صينى تبقى اكيد مش بنفس المقدرة والتقنية وحنى عنصر السلامة يعنى بتبقى مش مطمئن ولكن فى النهاية البيحكمك ميزانيتك,, ولكن مع وقوع المحظور ومعايشتك لظرف قاسى زى الحصل لهذه السيارة يبقى هنا لذاماً على ان انقل ماحدث وماتعرضت له من تيست كراش زى مابيقولوا وان أقول ماحدث بأمانة وهنا نقل التفاصيل ليس من قبيل الشكر او التباهى باالسيارة ولكن ده باالفعل ماحدث حتى إننى تذكرت حادث الأميرة ديانا وسبحان الله اتضح ان الحادث فى نفس الشهر ونفس اليوم ونفس الساعة وسبب تذكرة هذا الحادث هو ماتعرضت له السيارة جاك وقت الحادث لصدمات وانابداخلها كنت فى كل صدمه انتظر الموت من هول مايحدث من حولى ولكن بقدرة المولى عزوجل كانت النجاة وسبحان من له الدوام --- الف الف شكر على سؤالك ويارب لاتكتبها على احد