رد: ثرموستات الحرارة
 

هيا الميه بتقل بس مش قوى فى الطريق العادى بس انا لسه كنت مسافر بيها وكانت الميه بتنقص جامد روحت فكيت الرديراتير وغسلته والراجل قالى كله تمام

رد: ثرموستات الحرارة
 

معظم مشاكل دورة التبريد تحدث بسبب إستعمال ماء الحنفية العادى
ولكن عند إستخدام ماء التبريد المخصص لك نوع من السيارات والنقطة الهامه وهى تغير الماء بعد عدد معين الكليومتر او الفترة الزمنية وهى 24 شهر على اقصى تقدير لان فى حاله عدم تغير الماء يصبح ضررة شديد جداً على دورة التبريد
وكلام العضو الكريم فادى بخصوص الترموستات هو اصح كلام ولكن اهل الافتاء والإدعاء وما اكثرهم بمصر بلد العجائب
اما العضو الكريم صاحب المشكله عليه بمتابعه سيارته بعد ان تعود السيارة كما كانت بترموستات اصلى
حتى ان كان اصابها تلف فى جوان وش السلندر وهذا التلف عائد على استخدام ماء عادى وهو ما افسد ما سبق فالموضوع بسيط ويفضل المعالجة السريعة

رد: ثرموستات الحرارة
 

ترموستات الكوعه عامل زى (اللوز فى الزور ) أكيد ربنا خلقها لسبب . ولكن اذا تكرر التهابها فأن الدكاتره يفضلوا شيلها . اذا حصل عطل فى الترمستات وهو راكب ها يعمل مشكله كبيره . اما عدم وجوده فأن تأثيره يقتصر فى الصباح الباكر فى أيام الشتاء شديده البروده اثناء القياده على الطرق السريعه . فى هذه الحاله الموتور لن يصل الى درجه حرارة التشغيل المناسبه . للتغلب على هذه المشكله ممكن تسخين العربيه قليلا قبل الوصول للطرق لسريعه.اما القياده داخل المدينه مش ها تفرق .يعنى على سبيل المثال بعد ما شالو الترمستات من عربيتى وقبل المحور ما يتزحم انا كنت بوصل ميدان لبنان من أكتوبر ومؤشر الحراره لم يصل لدرجه حراره التشغيل (اول شرطه -بدايه التدريج اللى هى60 )وده طبعا غلط فلازم أسخن العربيه شويه قبل ماأمسك الطريق السريع . قبل ما يتشال الترموستات كانت اقل درجه حراره تشغيل هى 87 اى كانت بروده الجو .

رد: ثرموستات الحرارة
 

التعبير دة عجابنى جداااااااااااا
تسلم ايدك على الرد الوافى

رد: ثرموستات الحرارة
 

إزالة ثرموستات الكوعة عو أول مسمار في نعش الموتور

لمعلومات أكتر.. ادخل على الموضوع ده:
http://www.masrmotors.com/vb/showthread.php?t=97486



...

رد: ثرموستات الحرارة
 

متشكر يا جماعه على اﻻهتمام ده
بس انا دلوقتى عايز حد يقولى خطوات اعملها علشان اتغلب على مشكلة الحرارة ده انا مش عارف اعمل ايه هل اغير الكوع ﻻن فى التوكيل قالولى ﻻزم يتغير بس الميكانيكى قالى ﻻ ؟ وﻻ اغسل الرديراتير مع العلم انى لسه غاسله من شهر تقريبا ودلوقتى رجعت الميه اللى موجوده جواه صدت تانى (لللعلم انا بعد ما غسلته حطيت ميه عاديه ) ؟ وﻻ اركب ثرموستات حراره جديد اﻻول ( مع العلم انه حتى بعد لما الميكانيكى شال الثرموستات الحرارة لسه زى ما هى وحتى على الطريق السريع الحرارة مش بتنزل ) وﻻ اغير الرديراتير خالص وﻻ كده الموضوع دخل فى جوان وللعلم العربيه بناكل ميه ومفيش تسريب ميه وﻻ حاجه (يعنى كل اسبوع القربه تفضى ) وشيكت على الزيت بتاع الموتور مستواه كويس ولونه تمام ( يعنى مش طحينه وﻻ حاجه ) ؟؟؟ انا اسف ازعجتكم معايا ....... وشكراااااااا

رد: ثرموستات الحرارة
 

أولا.. رأيي إن أول حاجة تغيرها هو الميكانيكي نفسه.. الميكانيكي اللي بيفهم ما يشيلش الثرموستات

ثانيا.. ما دام المية بتنقص يبقى عندك تسريب.. بس واضح إنه بسيط نسبيا

لازم نحل مشكلة التسريب الأول.. وأنا بحب أبدأ بالسهل الأول..

أول حاجة.. ممكن يكون غطا الرادياتير فيه مشكلة وبيسرب بخار المية...
جرب تضغط الريشتين بتوع الغطا اللي بيمسكوا في الرادياتير شوية لجوه علشان تتأكد إنهم ماسكين الغطا في زور الرادياتير صح.

تاني حاجة... احتمال تكون طلمبة المية فيها مشكلة والريش بتاعتها متآكلة بسبب الصدا.. وممكن كمان يحصل تسريب منها من تحت الطارة بتاعتها.

لو عايز تتأكد من إن الطلمبة شغالة كويس.. لازم تشوف تقليب في مياه الرادياتير مع زيادة دوران الموتور..

طبعا الكلام ده حتعمله قبل تركيب الثرموستات.. ولو ركبته يبقى لازم العربية تكون شبه سخنة علشان يكون فتح

تالت حاجة... لو عندك وش سلندر.. يبقى لما تزود بنزين وانت فاتح غطا الرادياتير هتلاقي فوران مية طالع من فتحة غطا الرادياتير


اكشف بنفسك علشان لما تروح للميكانيكي ما يشتغلكش.



...