|
رد: ارتفاع اسعار السيارات من جديد و كذلك القسط (منقول) من اخبار نت
السلام عليكم بعد التحية ليكم كلكم
عايز اقول ان الموضوع فى الاساس جشع من التجار و المستوردين فى موضوع رفع الاسعار السوق المصرى كان فى حالة ثبات نسبى لسعر صرف الدولار مقابل الجنيه عند مستوى ٦.٩٩ قرش للدولار لبضعة اشهر و برغم ثبات سعر الصرف المستوردين رفعوا الاسعار جشع منهم فى المقام الاول لازم تواجه على كل المحاور مش محور واحد و اهم محور هو جشع التجار و المستوردين تقبلوا تحياتى و مرورى |
رد: ارتفاع اسعار السيارات من جديد و كذلك القسط (منقول) من اخبار نت
اقتباس:
|
رد: ارتفاع اسعار السيارات من جديد و كذلك القسط (منقول) من اخبار نت
اقتباس:
يعنى ايه جشع التجار ؟؟؟؟ هو فيه تجار جشعين و تجار غير جشعين ؟؟!!! التجار كلهم جشعين .. و لو يقدروا يبيعوا بضاعتهم المضروبة ب 10 اضعاف السعر حيعملوا كدة بدون تردد .... و زى ما حضرتك عارف .. السوق عرض و طلب انا معترض على ان الاساس جشع التجار ..... انا رايى جزء كبير منه جشع التجار .. و بالفعل الدولار فضل فترة ثابت ... و مع ذلك التجار رفعوا الاسعار |
رد: ارتفاع اسعار السيارات من جديد و كذلك القسط (منقول) من اخبار نت
كلنا سبب في رفع الاسعار
كلنا بتجري علي كماليات ليس لها اي قيمة ودائما ما تجد السفهاء اللي بيصرفوا دون وعي او حساب ودا بيشجع التجار تخيل كل يوم تعمل خناقة عشان ذيادة الاجرة 25 قرش وفجأة تلاقي واحد بيقول لك الربع جنية هيعمل ايه ويروح دافع يبقي دمك هيتحرق - الشخص دا مش فاهم ان المشكلة مش في الربع جنية علي الرغم ان فيه ناس فعلا يأثر عليهم - المشكلة في استغلالنا واحنا نوافق علي دا كشعب - المشكلة فينا احنا لو شخص واحد اشتري السلعة بالغالي التاجر هيبعها لكل الناس بالغالي لكن لو الشعب كله امتنع مثلا لمده اسبوع عن اكل اللحمه تفتكر هيموت والجزار هيبوس رجلك عشان تخدها وفوقيها 50 جنية كمان - المشكلة مش في الدولار ولا في الاقتصاد المشكلة دائما في المستفيدين واللي ليهم مصالح. |
رد: ارتفاع اسعار السيارات من جديد و كذلك القسط (منقول) من اخبار نت
اقتباس:
ممكن الشعب يقاطع اللحمة لمدة اسبوع مع البحث على بدائل اللحمة .... بدائل للبروتين الحيوانى ... و كمان بدائل لتجار اللحمة ... زى مثلا مشروع البتلو..و هكذا انا قصدت موضوع مقاطعة اللحمة علشان اتعمل من فترة .. عدة سنوات .. و حقق نجاح طفيف لفترة قصيرة ثم عادت ريمة لعادتها القديمة |
رد: ارتفاع اسعار السيارات من جديد و كذلك القسط (منقول) من اخبار نت
عندك حق يا باش مهندس احمد احنا دايما بننسي او بنتناسي - شباب مصر لازم يكون ليهم دور في وقف استغلال هذا الشعب العظيم - الله ينور عليك كلمه " البدائل " دي بتعجبني جدا
|
رد: ارتفاع اسعار السيارات من جديد و كذلك القسط (منقول) من اخبار نت
اقتباس:
اولا اختلافنا فى الاراء يثرى كلا منا و حضرتك انا ذكرت انه التجار هم الاساس و جزء كبير من المشكلة او المشاكل مشكلة ارتفاع سعر الجنيه اولا التجار هم اللى بيقدروا يخلقوا المشكلة دى و يعذبوا 90 مليون بنى ادم بزيادة اسعار كل المنتجات و يسحبوا عملة صعبة من السوق و يعطوشه و الدولار يغلى و هم يستفيدوا و يرفعوا الاسعار و لو الدولة قدرت تواجه و توفر عملة صعبة و تغطى كل الطلبات و يبقى سعر الصرف ثابت يجى التجار و برده يرفعوا الاسعار بدون مبرر عشان كدة قولت هما سبب المشكلة و حضرتك قولت اننا او الدولة لازم تواجه على كل المحاور منها زيادة الانتاج و التصدير و تقليل الفجوة فى ميزان المدفوعات عشان سعر الدولار يقل و اهم محور هو جشع التجار استاذ احمد عايز حضرتك تتخيل لو ان بعد سنة و لا سنتين سعر الدولار نزل ل خمسة جنيه هل فكرك التجار هيرخصوه مثلا عربية زى كيا سيراتو الهاى لاين هتنزل من 200 الف ل 130 الف استحالة عشان كدة انا بقول لازم الدولة تتدخل بقوة و تحد من جشع التجار بتحديد هوامش ربح لاى سلعة او منتج و ده لا يتعارض تمام مع اقتصاديات السوق او نظرية العرض و الطلب و تابع و يبقى دور فاعل و فعال للرقابة الصارمة من قبل الدولة استاذ احمد تقبل مرورى و تحياتى لك و اختلاف الراى لا يفسد للود قضية اخوك محمد |
| الساعة الآن 12:33 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017