|
رد: سيارة اوبل انسجنيا بربع مليون جنيه وبعد شهرين الموتور باظ
مفيش مشكلة من تغيير الموتور لأنهم بيرجعوا كل حاجة زى الاول وأحسن
|
رد: سيارة اوبل انسجنيا بربع مليون جنيه وبعد شهرين الموتور باظ
انا رأي تاخد فلوسك وتشتري اللي انت عايزة بعد كده - ياريت تقول لنا ايه اخر الاخبار.
|
رد: سيارة اوبل انسجنيا بربع مليون جنيه وبعد شهرين الموتور باظ
أنا شايف إن الموضوع بقى مسألة نفسية, يعنى حاسس إنك قفلت من العربية خلاص
نتكلم صح تغيير الموتور بواحد جديد لا يعيب السيارة فى أى شئ + ممكن تتفاوض على صيانة مجاناً لفترة محددة (بس أعتقد المشكلة مش من الموتور) تغيير السيارة كلها قد يكون حل أفضل (نفسياً) بس النتيجه واحده و مفيش فرصه للتفاوض على صيانه مجانية (بس راحة بال) تأخد فلوسك, حل جذرى, بس هيأخد وقت, الموضوع مش مسألة سلم و أستلم, و هتتعب فى الروتين بتاعه (ده لو قفلت خالص من العربيه و التوكيل) رفع قضية برضة هيوصل لنفس النتيجة السابقة. ممكن تهدد برفع القضية لو قصروا, بس بلاش تلجأ للحل ده إلا فى آخر الطريق, و ان شاء الله مش هتحتاجه بس شوف موضوع مانع الإنزلاق إتحل و لا لأ, ده لو هتمشى فى موضوع تغيير الموتور |
رد: سيارة اوبل انسجنيا بربع مليون جنيه وبعد شهرين الموتور باظ
ربع ونص مليون وبيبوظ فيها الات جر ديه حقيقة والبى ام والفولكس موديلات 2006 - 2008 كانت بتجيب فتايس عادى جداً كويس ان التوكيل عرض استبدال الموتور بالكامل مش اصلاحه ساعتها كانت هتبقى مشكلة كبيرة لكن فى رائى استبدال الموتور بمعرفة التوكيل مفيهوش خوف اوى على الاقل من الناحية الفنيه مش هيبقى فيه مشاكل ان شاء الله بس ممكن لما تيجى تبيع يتكشف عليها فى التوكيل ويبان انها مغيرة موتور
|
رد: سيارة اوبل انسجنيا بربع مليون جنيه وبعد شهرين الموتور باظ
وبالنسبة للناحية القانونية من حقك تطالب برد قيمة السيارة بس الموضوع هياخد وقت ومش مضمون لان لحد دلوقتى التشريعات بتاعتنا مش منصفة بشكل كافى للمستهلك
|
رد: سيارة اوبل انسجنيا بربع مليون جنيه وبعد شهرين الموتور باظ
ليه مكتوب فى ورقة مركز الصيانه ماركه السياره ASTRA ؟؟ حد اخد باله منها
|
رد: سيارة اوبل انسجنيا بربع مليون جنيه وبعد شهرين الموتور باظ
غير العربية كلها ما تغيرش الموتور لأن المشكلة بتاعة ال ABS مش هتكون فى الموتور بس ممكن يكون السينسور و الكامات بتاعته فيها عيب تصنيع و بتالى هتغير صرتين و كبالن ده غير تغيير عقل ماستر الفرامل اذا ما غيرش الماستر على بعضه ضيف على كده انه ممكن ما يحطلكش نفس الاصدار بتاع الموتور ممكن اصدار تانى ليه نفس السعة اللترية علشان يمشى حاله و هيبقى موتور جديد برضو و من الشركة الام لحد عندك لكن بتاع العربية ممكن يكون 100 حصان مثلا التانى ممكن يكون اقل او اكبر انت هتفهم دية ازاى ؟؟
|
| الساعة الآن 11:36 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017