|
رد: معروض عليا ال 127 دي ب 8000
بصوا يا جماعة انا عاوزالفت نظركم لحاجتين
اولا انا مش عاوز حد يضحك عليا بعربية يقولي انها مشدودة ويطلع فيها بالوي وانا مش عارف ...... افضل اني اشدها و اتعلم فيها علشان ابقي عارف تواريخ كل حاجة ثانيا انا مش لوحدي .... ربنا رزقني ب صديق علي خبرة واسعة بال127 و عنده واحدة بيفك و يركب فيها بنفسه فا هايعرف يفليلي العربية و يقولي فيها ايه و واحد قريبي نفس الموضوع علي خبرة و معاه 127 فا بالوضع ده انا شايف اني مش هاتبهدل قوي مع الصنايعية علشان هايدلوني علي كل حاجة و هايعلموني مش هاعوم لوحدي يعني |
رد: معروض عليا ال 127 دي ب 8000
اقتباس:
|
رد: معروض عليا ال 127 دي ب 8000
اقتباس:
فى هذة الفئة السعرية بتكون العربية ممتازة جدا وطالما ان معاك صديق لية خبرة وفاهم فيها مفيش مشكلة ممكن تشد عربية عادى وتبدل انت وهو فى المتابعة لكن موضوع تواريخ الحاجة وكدة مش بالدرجة اللى انت متخيلها اوى لان فى حاجات بتعمر اكثر من عمرها الافتراضى ببركة من عند ربك وفى حاجات بتبوظ بسرعة جدا يعنى موضوع التواريخ فى هذة العربية بالذات يمكن يكون فى حاجات اساسية فقط وباقى القطع ليس لة مقياس كبير على كل القرار قرارك انت وحدك ولكن انا لسة عند رأيى لو مكانك عمرى ما هشد عربية اشترى مشدود وخلاص اقولك شئ تانى بخصوص رفضى للشد غير موضوع التعب والصنايعية لانك ممكن تفتح فى شد عربية متعرفش تقفلها هههههههه حسابات الصنايعية تجمعها والقطع تعطيك مبلغ معين وتسأل اصحابك اهل الخبرة و و و . . . وتعمل حسابك على اكبر مبلغ اتفق علية الجميع لشد العربية وتتفاجئ بعد كدة انها ممكن تفتح معاك بشكل لا تتخيلة ويتخطى امكانياتك ولا تعرف تقفلها بسهولة وخدها قاعدة المسمار اللى بيتفك من عربية عمرها 30 سنة مش بيركب تانى مكانة لانة بيتفك اصلا بايظ انا والله مش عايز احبطك من موضوع الشد لكن تجربتى كانت قاسية جدا جدا فى هذا الموضوع لانى روحت اشد العربية من سنتين وكنت عامل حسابى على 7 الاف لشدها وكنت متخيل ان السبعة خلاص هيخلوها عروسة عربيات 127 لكنها عدت السبعة وفتحت فتحة سودا حاجات كتير كانت شغالة ومش عامل حسابى على تغييرها اصلا لانها شغالة ، لكن لما تتفك تحلف ما هى شغالة تانى ولا راكبة ! هتعملها اية مضطر تغيرها وهكذا وهكذا لما حسيت ان العربية اصبحت كابوس وعايز اقفل بوئها بالعافية شوف خلاصة الكلام لو انت مرتاح جدا انك تشد العربية و واثق فى صديقك احسب الحسابات واعطية المبلغ وخلية يشد هو بمعرفتة وانت مجرد متابع بحيث يكون فى الزام بالمبلغ المحدد والمدفوع للشد علشان ميطلبش منك حاجة فى حاجة ومبلغ فى مبلغ وربنا يوفقك |
رد: معروض عليا ال 127 دي ب 8000
نسيت اقولك حاجة كمان مهمة
الناس اللى بتبيع مشدود فى الغالب بتكون تجار وبيكونوا عارفين ازاى يشدوا العربية باقل التكاليف لانة بيشترى مستلزمات شدها بالجملة وبالتالى بيشد بنصف تكاليف الشد اللى احنا نصرفها وهذا من ضمن الاسباب اللى بتخلينى ارشحلك تشترى مشدود لانة هيكون اوفر معاك |
رد: معروض عليا ال 127 دي ب 8000
اتعب شوية وشدها انتا على الأقل هتبقا عارف كل اللي في العربية بعد كده ومش هتتفاجئ بالبلاوي اللي بتطلع، والمهم تلاقي صنايعي نضيف لو هتعمل عمرة ولو الماتور ضايع ما تسترخصش في الماتور بس الاستيراد هتلاقيه غلي شوية عشان منع الاستيراد اليومين دول وربنا معاك.
|
رد: معروض عليا ال 127 دي ب 8000
ربنا يسهل يا جماعة والاقي الخير ان شاء الله
|
رد: معروض عليا ال 127 دي ب 8000
ربنا يسر لك الخير
|
| الساعة الآن 01:36 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017