رد: hyundai I10 or suzuki maruti
 

بيكانتو ب 62 الف و الأى 10 ب 64 الف ptmnlo123per136

رد: hyundai I10 or suzuki maruti
 

ال الاى 10 و البيكانتو واحد

الاتنين نفس الشاسيه و الموتور

يعيب الهيونداى فقط ان الوكيل بتعها زحمه جدا جدا على عكس وكيل كيا مخترم فى معاملته مع العملاء و مواعيده مظبوطه

بس فى مره واحد اجنبى قالى لصديقى و الراجل ده كان امريكى قاله عاوز تركب كورى اركب هيونداى ماتركبش كيا بالرغم من ان الاتنين واحد مش عارف ليه

رد: hyundai I10 or suzuki maruti
 

الموضوع ده في مقارنه بين كذا عربيه منهم البيكانتو و الاي 10
مع العلم ان البيكانتو كوري و الاي 10 هندي
وضمان كيا 5 سنين - هيونداي 3 سنين .. و الاتنين ضمانهم 100 الف كم

هيا الاسعار اليومين دول بتتغير نتيجه الركود والتخفيضات و العروض الرمضانيه كأن العربيات بقت ياميش
بس فعلا في فرق الفين او 3 بين الاي 10 و البيكانتو لصالح البيكانتو
اسمع ان البيكانتو الاوبشنز اكتر لكن مش متذكر بالظبط
لكن اللي اعرفه ان غبور بيركب الكاسيت و الانذار هنا .. الكيا بتنزل بحاجتها من بره

http://www.masrmotors.com/vb/showthr...E6%E4%CF%C7%ED

لكن برضو لازم حضرتك لو بتقارن بينهم تشوفهم على الطبيعه .. لأن نظرتك تختلف و اهم حاجه انك تبقى مستريح للعربيه

رد: hyundai I10 or suzuki maruti
 

شكرا على المشاركة يا تيفا _كينج1 و أ/أحمد كار الرائع , وأخيرا اللى زهقتوه فى عيشته أ/سام رام

يا نهااااااااااااااااااااااا اار.................... أبيض و ده فول اوبشن ولا ايه؟؟؟؟؟

انا بردوه الهيونداى بتشدنى اكتر من الكيا مش عارف ليه

أكيد ان شاء الله انزل قريب اتفرج عليهم

سؤال اخير بس يا رب مضربش

هوا فيه منهم موديل2008 او 2009 زيرو؟؟؟؟؟

رد: hyundai I10 or suzuki maruti
 

البيكانتو بتبتدي من 54 الف لحد 70 الف اوتو فول اوبشنز
والاي 10 من 56 الف ل 72 الف
دي الاسعار الرسميه ...
لكن مع الركود و العروض و التخفيضات ممكن تنزل متزدش خصوصا للكاش او على الاقل يبقى فيه تسهيلات
غالبا حتلاقي موديل 2009 .. لكن 2008 !! الله اعلم .. بس متهيألي حتبقى صعبه شويه
كلنا هنا بنحب نساعد على اد ما نقدر و اكيد مفيش حد بيبخل بأي معلومه يعرفها ...
لكن برضو يوم ما تنوي ان شاء الله لازم تبص على العربيات وتتأكد من كل حاجه بنفسك ...
وابقى قولنا عملت ايه ...

رد: hyundai I10 or suzuki maruti
 

ده بالظبط اللى شدنى للمنتدى الرائع ده : أعضاؤه الرائعيين

و ان شاء الله ابقى انزل و اشوف العربيتين و اقول لحضرتك ان شاء الله