رد: عمل مكبس بسيط و فعال
 

إبتكار ممتاز ربنا يباركلك
حتى لو الكوريك ال 5 طن بيكبس برضو
تسلم ايدك
ومبسوط جدا من موضو طرنبة البنزين لأنها كانت مشكلة والحمدلله اتحلت
عقبال البوجيهات ال 3 شمعة كمان علشان توفر أكتر ف البنزين

رد: عمل مكبس بسيط و فعال
 

ربنا يكرمك يا هشام باشا ....
طرمبة البنزين دى كانت صداااااااع ... الحمد لله انها اتحلت
ان شاء الله لما حغير البوجيهات المرة الجاية اجيبهم 3 شمعة

رد: عمل مكبس بسيط و فعال
 

الله ينور يا بشمهندس احمد
انت جيب في ملعبي
انا بعمل اشكال مختلفة للزرجين عندي في العمل
بتساعدني في فك البلي المقاسات الكبرة
اسمحلي اضيف بعض التعديلات من وجهة نظري ولك حرية الاختيار
بص ياباشا الي انت عاملة دة لشحط البلي طيب لو عاوز تفك
حتحتاج قطعتين لنفس مقاس الكمرة المستخدمة
وتضعهم بالعرض من الاعلي ويتوسطهم الجزء المراد فكة
معلش حاجة بسيطة الي انت استخدمتها اسمها كمرا يو u وليس زاوية
وياريت تجيب حتة صاج لاتقل عن 8ملي وتكون نفس عرض الكمرا العلوية
وتلحمها لزيادة التعصيب وتعيش معاك اكتر
حتحتاج تجيب كام مسمار قلاوظ درجو صلابة 10.9
حينفعوك في التطويل او التقصير
ابدا من 12 ملي الي 24ملي ويكونو اطوال مختلفة طبقا للزرجينة
معلش طولت عليك وان شاء الله لو لاقيت صور لحاجات انا مصنعة كزراجين
حنزلها في موضوعك تحياتي لك
ربنا يزيدك من نعيمة

رد: عمل مكبس بسيط و فعال
 

ربنا يكرمك و يباركلك على المعلومات المهمة الى حضرتك ذكرتها .... الواحد لسة بيتعلم
و شرف ليا انى اجى فى ملعبك ... انا بحب اتعلم و اتفرج و اشوف
عذرا ... فعلا هى اسمها كمر حرف يو ... سمك 5 مم و عرض 120 مم
سألت على سعرها النهاردة لقيت الكمرة ال 6 متر ب 370 جنيه
لو حضرتك عندك صور يا ريت ترفعها :) علشان بصراحة انا مش فاهم الى حضرتك بتقوله

ليه ححتاج مسامير قلاوظ تانية ؟؟ العمودين ال 24مم طولهم 1 متر !!
من فين اجيب المسمار الى صلابته 10.9 ده ؟؟؟ الراجل بتاع المسامير معندوش فكرة عن حتى نوع الحديد بتاع المسامير ... غير انهم يا اما مسمار صلب او مسمار عادى !!!

رد: عمل مكبس بسيط و فعال
 

بص يابشمهندس
معلش ركز معايا علشان ماعنديش صور في الوقت الحالي
المكبس الي انت عاملة لتركيب بلي داخل تجويف
طيب احنا عاوزين نعمل تعديل علشان نخرج البلية من التجويف
هيا هيا نفس تجربتك بس حنذود عليها كمرتين بالعرض من الاعلي
بحيث يكون في منتصفهم فراغ
ولما تضع الكرسي علي الكمرتين حيكون في الوسط فراغ
ولما تيجي تضغط علي البلية حتخرج في الفراخ
ماشي كدة
الجزء التاني
قطر المكبس عندك كبير مثلا حتيجي تخرج بية بلية او بيضة مش حيدخل في التجويف
علشان كدة اقترحت انك تجيب مسامير تكون نفس الداخلي للبلية
تضعها علي راس المكبس وتضغط بها علي البلية
موضوع الصلابة عندك المسامير
درجة صلابتها تبدأ من
https://encrypted-tbn0.gstatic.com/i...AWYrrxo0i28T-J
الرموز دي حتلائيها مكتوبة علي راس المسمار
فكرة الصلابة العليا في المسمار هيا وانت بتشحط بلية او بتخرجا
المسمار مايتناش
بس في حتة مزعلاني في المكبس بتاعك انت لية فتحت في الكمر باللمبة
لية ماخرمتش بمثقاب احسن
مثلا
https://encrypted-tbn2.gstatic.com/i...0UwUFQO-xRTC6ghttps://encrypted-tbn1.gstatic.com/i...GVerbPLzdTpu-Q
https://encrypted-tbn1.gstatic.com/i...NFRTVbHn0ssg6Ahttps://encrypted-tbn2.gstatic.com/i...B21CL9o56_pZ8g

رد: عمل مكبس بسيط و فعال
 

ربنا يباركلك و يزيدك من علمه
انا بحب اتناقش مع حضرتك .... بستفيد كتير ....

كدة تمام اوى .... انا فهمت جزئية الكمر الى بالعرض ... و جزئية المسامير

و بعدين عرفت ازاى ان الحداد فتح الاخرام باللمبه ؟؟!!!!

هو فعلا فتح ببنسة اللحام !!! و انا معرفش ليه مفتحش الفتحات دى بالمثقاب !! انا كنت واقف بتابع واحد تانى كان بيلحم صاج 1مم فى زاوية حديد 3 مم

الى تعبنى انى مسكت المبرد و فضلت ابرد فى الاخرام دى شوية حلوين علشان اوسعهم و احاول اخليهم دوائر .... عادى ... شغل الصنايعية المعتاد
معلومة درجة صلابة المسامير جديدة بالنسبة لى

رد: عمل مكبس بسيط و فعال
 

الموضوع احلو اكتر ما هو حلو