مصر موتورز مجتمع السيارات - سبرانزا ضد الرصاص

اقتباس:

المشاركة الأصلية كتبت بواسطة الدكتور محمد (المشاركة 955278)

ما شاء الله ، حفظها الله لك وبارك لك فيها ورزقك خيرها وكفاك شرها

ربنا يخليك ومتشكر جدا لشعورك الطيب

اقتباس:

المشاركة الأصلية كتبت بواسطة khaled_almasri (المشاركة 955303)

موديل 2008؟؟؟

ايوة موديل 2008

اقتباس:

المشاركة الأصلية كتبت بواسطة amr elsisi 1 (المشاركة 955329)

ربنا يبارك لكم فيها

الله يبارك فيك وفى صحتك وفى عمرك

شكلك حتنافس ابو الفتوح اخي الكريم

هههههههه ربنا يخليك يا باش مهندس عمرو
الناس اللى بتشترى سبرانزا هما اللى كانو يبشترو النوبيرا ولكن عشان سعر النوبيرا بقى غير منطقى بالمرة وكمان الحالات بقت مش اد كدة فاتجهو الى سبرانزا وهى فعلا عربيات بتديلك كل حاجة وبامانة راحة بال

اقتباس:

المشاركة الأصلية كتبت بواسطة Hisham.Elgazzar (المشاركة 955387)

ماشاء الله لا قوة إلا بالله
ربنا يباركله ويباركلك يا أستاذ محمد
هى كانت ف الرفرف الخلفى ولا باب ؟

كانت فى السقف يا استاذ هشام بعتزر ان الصورة مش مبينة الجزء اللى فية الرصاصة ومكنها بالظبط فوق دماغ السائق

اقتباس:

المشاركة الأصلية كتبت بواسطة طارق المحلاوى (المشاركة 955404)

ألف مبروك ..بس 39 الف جنيه قليل قوى عليها ..انا عربيتى موديل 2008 وجايبالى 48 ألف جنيه وانا مش راضى بس عامله 42 ألف كيلو وفابريكه بره وجوه

ربنا يباركلك فيها ..... بس فعلا عربيتك تجيب الفلوس دى .... والعربية اللى اشترتها عارف انها اقل من سعر السوق .... فضلت ادور حوالى شهر واتبهدلت انا واللى بيشترى ... كل يوم تقريبا ننزل لعربية وربنا ما يوفقناش ،،، من ضمن مرة كنت بشوف عربية وكاتب المعاينة فى نزلة موستورد من الدائرى وكان كلامة لما توصل ابقى كلمنى اؤلك تمشى ازاى . ولما وصلت نزلة موستورد فضل يقولى امشى يمين فى شمال فى يمين لغاية لما لقيت نفسي بعد سجن ابو زعبل وحتة اسمها " نوى " وبلاد تشلنى وبلاد تحطنى وانا لو اعرف انها ساكنة فى المكان دة والله ما كنت اتحركت ليها لانى بخاف من عربيات القليوبية بس تعمل اية فى كدب الناس
وعربية تانى صاحبها مصورها من 3 سنين فاتو وحاطط صورها النهردة عشان يبعها
وكتير على كدة
انما دى كانت محطوطة على النت من ساعة تقريبا وكنت فى الشغل ... استاذنت من الشغل ونزلت مخصوص وفعلا طلعت عربية كويسة واول اختيار ليها وانا راجع مشيت بيها فوق الـ 160 وكولة تمام