رد: المكملات الغذائية
 

اضافه ممتازه يا ا.هشام بس المشكله و انا لما بيجيلي زبون باقله نفس الكلام , الاكل و التغذيه المظبوطه المتاكمله هي اللي هتزود جسمك و تعالج النحافه مش تعتمد علي الاحماض الامينيه ( جروث فورميلا ) و كما ذكرت حضرتك بنكتفي بفواتح شهيه و مهضمه عشان تسرع الهضم فيحس بالجوع بسرعه .

بس المشكله اللي بتخلينا ندي فيها الامينو .؟. ان السن ده للاسف و من شكاوي ابائهم و الاولاد نفسهم اصلوا مش بيحب البيض و لا اللبن و الجبن و غالبا بيلجأ للمكولات السريعه في المدرسه و مع اصحابه و اكل البيت الصحي لا .!. غير سياسه انا باكل كذا و ما اكلش كذا و العند احيانا ( كلنا مرينا بالسن ده و عندنا عيال برده ) .

اخيرا و اسف ان كنت اطلت , طالما التحاليل تمام ( مفيش ديدان او اميبا ) يبقي يا بشمهندس زي ما قال ا. هشام هاتلهم فاتح شهيه فقط زي دايز او ديجستين او نيو ديجستين او بوستين عاده و اس اشربه ,,, معلقه كبيره قبل الاكل ب 1\2 ساعه 3 مرات .
السن 8 ممكن نديله حاجه زي البافيت حديد شراب منه فاتح شهيه + حديد ( يظبط لون الدم و اللون الاصفر ) و كمان ممكن نديه لسن ال 16 او ندي مكانه اي كبسول حديد .
و اعرف الوزن و الطول و نشوف هل فعلا نحافه و مستدعيه .؟. و لا قلب الاب ربنا يباركلك فيهم و يفرحك بيهم و يحفظ جميع اطفالنا .
:waving:

رد: المكملات الغذائية
 

ردود الاستاذ هشام الجزار مفيدة جدا و واقعية جدا ... ربنا يباركله
و كمان ردود دكتور نوح اكثر من رائعة ... دكتور بجد :)

انا عاوز اضيف جزئية صغيرة ...
ابنى كان عنده نفس الاعراض دى ... قلة الاكل .. و نحافة واضحة ( و ده كان رايى الشخصى ) و فيه اكلات معينة بس هى الى بياكلها ... البيتزا و الاكلات السريعة و الكشرى ... فقط لا غير
رحت لدكتور متخصص فى التغذية ... و كان رأيه التالى ....

لبنى متدلع جدا و احنا الى مدلعينه ... و دى حاجة غلط جدا على شخصيته فى المستقبل ... بنعمله الى هو عاوزه ... و بنجبله الاكل الى بيحبه فقط
و كان راى الدكتور ... اننا نغير من سلوكه الغذائى .. و ده حينعكس على سلوكه و شخصيته فى المستقبل ان شاء الله
و رأى الدكتور ... اتباع نظام عذائى متوازن و مرن جدا و متنوع

يتبع

رد: المكملات الغذائية
 

بعض الارشادات المهمة جدا ....( من وجهة نظرى ) ....

- تخصيص مكان للأكل فقط ... و ليكن فى المطبخ ..
ممكنوع الاكل امام التليفزن .... ممنوع الاكل اثناء المذاكرة

- عدم الضغط على الطفل او اجباره على الاكل
- عدم ربط الاكل بالمكافآت المادية ... زى لو خلصت اكلك حجيبلك اللعبة الى نفسك فيها
- تحديد زمن معين للأكل .... نصف ساعة مثلا .... و يتم رفع الطعام من على المائدة سواء انهى الطفل الوجبة او لم ينهيها
- محاولة تعليم الطفل على ان يأكل بنفسه ( بداية من عمر 4 سنوات )
- التدريج فى تعويد الطفل على الاعتناء بمكان الاكل و بطبقه بعد الاكل
- تعويد الطفل على عدم رفض اى طعام ... مفيش حاجة اسمها بحبها و حاجة اسمها مش بحبها ... فيه حاجة اسمها افضلها ... و حاجة اسمها حاكلها علشان مفيدة

و حاجات تانية كتيرة ..... و لله الحمد ابنى اتحسن سلوكيا و صحيا على هذا النظام

رد: المكملات الغذائية
 

تمام ربنا يكرمكم يا رب
ردود مفيدة جدا جدا
دة انا بفكر افتح صيدلية .........
بس يا دكتور " نوح " انا جبت اللى حضرتك قلت علية (جروث فورميلا )
اجيب حاجة تانية ولا اية
بالنسبة للاولاد
عمرو ابنى الكبير (اولى ثانوى ) معندوش اى مشكلة فى الاكل بياكل بسم الله ما شاء الله كويس جدا ممكن يخلص الاكل وياكل الطبق كمان لكن رفيع اوى اوى
مازن ابنى الصغير تانية ابتدائي دة اللى مش بياكل خالص ....... ونحيف اوى برضة ووشة بحس انة مخطوف
فهل اجيب دواء معين تانى ولا اية رايك

رد: المكملات الغذائية
 

تمام . الكبير ياخد ملعقه كبيره مرتين و الصغير ياخد ملعقه صغيره مرتان علي كوب لبن او عصير .
بالنسبه لشكوتك من ان الكبير بياكل بس نحيف , السن ده بيبني عظام فاغلب الغذاء بيروح في نمو العظام .,. بالنسبه للصغير تجيبله مهضم زي دايز شراب قبل الاكل 3 مرات بجانب الكلام اللي الساده الكرام ا.هشام و م.احمد ذكروه .
و هات مقويات حديد شراب للصغير زي ملتي سانستول بالحديد او سانسوفيت حديد او فروز شراب و تديله ملعقه صغيره مرتين يوميا و هو ان شاء الله هيرد الدم في وشه .

رد: المكملات الغذائية
 

كتر الف خيرك

سنتروم جونيور ,سنتروم فور ادالتس اندر 50 !!
 

http://c3201142.cdn03.imgwykop.pl/co...cad6fd820b7a4d

http://www.centrum.com/sites/default...m-adults_0.png:fun_36_1_39[1]::w6w200504111340266d