رد: ممكن اجيب ايه في حدود 22000 بفكر في ستروين AX
 

السلام عليكم
مقارنة الماروتي بالستروين AX مستحيله
فالماروتي سياره اصغر من الستروين ومكنتها 800 مش 900 فى حين الستروين 1400 الستروين ممكن تروح بيها سفر 500 كيلو لو العربيه كويسه وانت مطمن

الستروين عربيه اوروبيه وناعمه وتحس انك راكب عربيه بجد

مشاكلها : قطع غيارها غاليه شويه بس متوفره فى القاهره والاسكندريه وصعوبة اعادة البيع بسعر كويس

بالنسبة لمبلغ ال 22 الف اللى معاك عندك 4 عربيات ممكن تفكر فيهم
1- ستروين ZX افضل بكثير كمان من ال AX بس ممكن تدخل فى ال 25 الف لو حالتها ممتازه و22 لو حالتها متوسطه اما ال AX كتيرها 17 عشان زى ماقولتلك سعرها ضايع بالرغم من انها كويسه جدااا

2- كيا برايد
3- اونو
4- الافضل من كل ده زود شويه وهاتلك سيات ابيزا فى حدود 25 الف

بالنسبه للماروتي لو عايز تجيبها تبقى مش اقل من 2006 ولا تصلح غير لبنت او واحده يادوب بتوصل ولادها للمدارس ومش بتسافر بيها وهاتبقى بردو فى حدود ال22 الف تجيب عربيه مو 2006 او 2004 اقل تقدير

رد: ممكن اجيب ايه في حدود 22000 بفكر في ستروين AX
 

جزاكم الله خيرا

رد: ممكن اجيب ايه في حدود 22000 بفكر في ستروين AX
 

لو عاوز حاجة تستحمل الشوارع فى مصر دون النظر للرفاهية والكماليات عليك لادا 2105 موديل التسعينات عربية تستحمل جدا بس مشكلتها أنها تقيلة فى علبة الدريكسون لكن عن تجربة السيارة كانت معايا 3 سنوات سيارة كويسة وقطع الغيار متوفرة ورخيصة وأى حد بيشتغل فيها