مصر موتورز مجتمع السيارات - اعلانات بيع السيارات على النت ايه رايكم فيها ؟

مصر موتورز مجتمع السيارات (https://www.masrmotors.com/vb/index.php)

- سوق السيارات المصرية (https://www.masrmotors.com/vb/forumdisplay.php?f=147)

- - اعلانات بيع السيارات على النت ايه رايكم فيها ؟ (https://www.masrmotors.com/vb/showthread.php?t=124269)

رد: اعلانات بيع السيارات على النت ايه رايكم فيها ؟

زى ما افاد الاخوة الافاضل ..... الشراء من الانترنت زيه زى الشراء من اى حتة تانية .... فيه الكويس و فيه الوحش ...
حضرتك بصفة عامة .... متصدقش الى يتقالك عن العربية
لازم تكشف و تشوف بنفسك ... و طبعا ممكن تاخد حد تانى يكون اكتر خبرة
و ربنا يوفقك

رد: اعلانات بيع السيارات على النت ايه رايكم فيها ؟

اقتباس:

المشاركة الأصلية كتبت بواسطة AbOnOrA (المشاركة 949957)

تخيل يا باشمهندس انك بتدور على عربيه فوصيت البواب يشوفلك حد عايز يبيع عربيتة ويبلغك وبعدها بقى البواب كل ما يشوف عربيه فى الحته عليها للبيع او بواب زميلة يقوله على عربيه يجي يقولك
هى الانترنت زى كدة بالظبط بتنقلك اعلان وحقيقة ان العربيه للبيع مش اكتر
وكل الاحتمالات بعد كدة وارده منها انها تكون عربيه بيتى او صاحبها يكون تاجر او صاحبها يكون بيتى بس جايبها من تاجر واتغش فيها وعايز يصرفها او يكون بيتى بس مبدهل العربيه او او او
كل الاحتمالات واردة فى سوق المستعمل سواء كان اعلان على الانترنت او فى جرنان او نزلت سوق الجمعة

المهم يكون عندك استعداد لاختبار العربيه واللى بيبيعها كمان وتتاكد بنفسك من حقيقتها

وكتجربة شخصية انا بقالى اكتر من 4 - 5 سنين دلوقتى بشترى عربيات وببيع عربياتى من على النت واشتريت عربيات بمئات الالف من على النت عادى جداً المهم اكشف عليها كويس اساسيات وورق وكل حاجة

والخلاصة اللى بيعرف يشترى مستعمل ممكن يشتريها وهى طايرة .. فى الفضاء حتى مش بس على النت :)

بس المهم تكون بتعرف تشترى مستعمل وحط تحتها مليون خط

الله عليك يا فنان اسلوبك رائع ومقنع وبسيط
هوه ده الكلام النت يدوب يحددلك هتروح فين وانته عليك الباقي صح كده
وعلي فكرة ان شاء الله لما ابدا في شرا العربية هتكونوا معايا خطوه خطوه انا انقلكم التفاصيل وانتو تقررو ولما تقولو تمام يبقي تمام

رد: اعلانات بيع السيارات على النت ايه رايكم فيها ؟

اقتباس:

المشاركة الأصلية كتبت بواسطة ahmed_eng2001 (المشاركة 949983)

اكيد يا باشا بس ان شاء الله لازم عمالقه مصر موتورز يوافقوا الاول عليها وان قالوا تمام يبقي تمام

رد: اعلانات النت

اقتباس:

المشاركة الأصلية كتبت بواسطة AbOnOrA (المشاركة 949958)

ان شاء الله تلاقى زى ما قال mr_astra المهم تذاكر العربيه كويس وتركبها اكتر من مرة وتشوف اكتر من حالة ومتاخدش قرار بسرعة الا لما تعمل ده وبعدها هتلاقى نفسك قادر تميز احسن بين الحالات والموديلات بعدها لازم يكون عندك ميكانيكى كويس ومضمون توديله العربيه يبص عليها لو سعرها وحالتها العامة عجبتك اذا تمام تبداء تشوف ورق العربيه وحوارات المرور والف مبروك مقدماً

الله يخليك يا ابو نورا وعلي فكرة انا منشرتش مواضيع غلسه من زمان علشان بذاكر في مواقع بيع السيارات لغايه ما حفظتهم واكيد ان شاء الله هاخد راي عمالقة مصر موتورز

رد: اعلانات النت

اكيد معاك دائماً وان شاء الله تلاقى حاجة جميلة ونفرح معاك وتعملنا تقارير عنها باسلوبك المميز