رد: زيرو موديل 2013 - هل أشتري شيفورليه اوبترا كاملة أم ميتسوبيشي لانسر بومة كاملة
 

لو تقصد نيسان الشكل الجديد فالعربيه بحر من الداخل كطول ولكن العرض مش زى الاوبترا

يعنى لو رجعت الكرسى بتاعك للاخر اللى قاعد فى الكنبه الخلفيه هيبقى عنده براح جامد

بالنسبه للبيجو اقصد بيجو 301

عربيه قائمة الانتظار عليها وصلت 3 شهور

رد: زيرو موديل 2013 - هل أشتري شيفورليه اوبترا كاملة أم ميتسوبيشي لانسر بومة كاملة
 

الاثنين حلوين
الاثنين جامدين
الاثنين متجربين
شوف انت ميال لايهما وشوف الميزانية بتاعتك لغاية فين
لان الاوبترا الاتومامتيك ب 117.500
واللانسر ب 135 الف جم

رد: زيرو موديل 2013 - هل أشتري شيفورليه اوبترا كاملة أم ميتسوبيشي لانسر بومة كاملة
 

السلام عليكم و رحمة الله و بركاته
و بالنسبة لنقطة أن كلاً منهما أخر موديل 2013؟ هل هاتفرق في حاجة بالنسبة لسعر إعادة البيع فيما بعد مع إني مش باغير العربيات علطول يعني و بإذن الله ربنا يستر تظل معي مش أقل من 5 سنين.
و بالنسبة لقطع الغيار هل هاتظل قطع الغيار تتصنع و اللا هايبطلوا انتاجها و ندور علي تباديل و توافيق؟
السلام عليكم و رحمة الله و بركاته

رد: زيرو موديل 2013 - هل أشتري شيفورليه اوبترا كاملة أم ميتسوبيشي لانسر بومة كاملة
 

دا اكتر العربيات فى السوق المصرى مفيش خوف من الحاجات ديى هى اللانسر بومة

رد: زيرو موديل 2013 - هل أشتري شيفورليه اوبترا كاملة أم ميتسوبيشي لانسر بومة كاملة
 

انا كنت لسه عند سمير ريان:-
بالنسبة للكيا الريو رفاهية ممتازة طبعاً بس للأسف المكان ضيق بالنسبة لمقعد السائق أو الكنبة الخلفية بس الرفاهية ممتازة بصراحة لكن ما تنفعش معايا علشان المكان ضيق.
و قال لي بالنسبة للانسر البومة موديل 2014 يوجد منها فئتين:-
- كلاسيك عادية و دي اوتوماتيك و تكييف فقط. (138000 جم)
- كلاسيك عادية + ايه بي اس + فوج لايت + آير باج للسائق فقط. (143000 جم)
و الاتنين الفاتورة هاتكون بـ 110000 فقط و السعر بالمعرض بالنسبة للفرق يكون كاش و الضمان الرواس 3 سنوات او 100000 كم.
و بالنسبة للاوبترا فالسعر الرسمي زي الفاتورة 117000 جم و لكنها بدون ايه بي اس و بدون اير باج. و الضمان 3 سنوات او 100000 كم من منصور.

و بالنسبة لموديلات 2014 في الاوبترا لسه اتتنزل كمان كام شهر و هاتكون صيني و مش كوري زي الموجودة حالياً (الكلام ده من فرع منصور مدينة نصر و شيرين كار و سمير ريان) و بالنسبة للانسر الموديل الاخير للبومة 2014 و بعد كده هاتكون شارك فقط و بالنسبة للشارك فتم تعديل الموتور الي 1600 سي سي و بقت كويسة مش زي الاول.

انا بالنسبة لي هاشتري قسط و بالطريقة دي الوحيدة المناسبة هي الاوبترا ، علشان لعبة فرق السعر في اللانسر دي هاتحتاج أدفع مقدم للبنك و كمان فرق السعر للمعرض و مش معايا كاش كفاية.

فهل أنتظر موديل 2014 أوبترا عل و عسي أن ترخص سعر الموديل الحالي 2013 و اللا اتوكل علي الله و أشتري موديل 2013 أوبترا؟

بالنسبة للاوبترا اللون الوحيد الموجود أسود ، فهل ده لون عملي و اللا هايكون متعب؟

أنا قلقان من توكيل شيفورلية بصراحة و متردد ... ياريت اهل الخبرة يفيدوني بالرأي.

رد: زيرو موديل 2013 - هل أشتري شيفورليه اوبترا كاملة أم ميتسوبيشي لانسر بومة كاملة
 

حاجة تحير
انا لو مكانك و قلقان كدا من الاوبترا و كمان مفيش غير اسود هو صحيح حلو عليها بس محتاج عناية فائقة
ممكن تفكر فى الصنى الجديدة
بس كدا كدا متستناش الاوبترا الصينى ديى اذا كان الحالية و فيها بعض العيوب

فى الاخر حتى لو جبت الحالية فعليها ضمان و هما مسئولين عن اى عيوب ان ظهرت

رد: زيرو موديل 2013 - هل أشتري شيفورليه اوبترا كاملة أم ميتسوبيشي لانسر بومة كاملة
 

الصني الجديدة برضه ضيقة بصراحة.
طيب ممكن تفيدني يا ابوحميد الله يكرمك ايه العيوب الموجودة في الاوبترا ؟