|
رد: البطاريه و الكاسيت و السماعات اتسرقو . الحمد لله
قدر الله وما شاء فعل
استعوض ربنا فيهم وال 128 فتحت بابها كذا مره لانى كنت نسيت المفتاح جوه وفتحت الكبوت كذا مره برضه علشان الواير كان مقطوع هى سهله فى فتحها لذلك لما تركنها قول استودعك الله وبعدين خد بالاسباب وهاتلك قفل دركسيون محترم مع الدبرياج وفيه قفل كمان للفتيس مع فرامل اليد بالنسبه للبطاريه ده الصح اللى عملته بالنسبه لشنطة العربيه هتروح لحداد او سمكرى يعملك حديديتن طولهم بتاع 5 سم يلحمهم فى الشنطه من فوق وفيه تقبين تحت موجودين اصلا فالحديدتين دول هيباتوا فيهم |
رد: البطاريه و الكاسيت و السماعات اتسرقو . الحمد لله
قدر الله وماشاء فعل
دة الطبيعي مع 128 , فهي سيارة لتكفير الزنوب اكتر من انها سيارة للمشاوير . انا البطاريه اتسرقت مني مرتين :( مرة من تحت البيت ومرة من ادام مول سني الى في مساكن شيرتون في وضح النهار ) والمرة التانيه اتسرقت من تحت تقفيصه بقفل ذي الي انت عاملها بس عشان مكنتش محكمه (سحبوا البطاريه من تحتها) فربنا يعوض عليك ان شاء الله . |
رد: البطاريه و الكاسيت و السماعات اتسرقو . الحمد لله
ربنا يعوض عليك وانا نبهت من فترة على كل اعضاء المنتدى بوجود سرقات لكن لازم نسرق علشان نتعلم قدر الله وما شاء فعل متزعلش فكر لو كانت العربية كلها اتشالت.
|
رد: البطاريه و الكاسيت و السماعات اتسرقو . الحمد لله
طب الحل ايه يا جماعة مفيش حد عبقرى يقولنا نعمل تامين ازاى ل 128 دى لحد ما ربنا يسهل
|
رد: البطاريه و الكاسيت و السماعات اتسرقو . الحمد لله
لأن الحاجه أم الاختراع . اخترعت اليوم جهاز انذار يعمل عند فتح كبوت ال128 و هو ببساطه نظرية فتح باب الثلاجه . اشتريت زرارباب الثلاجه و اثنين متر سلك نص مللى فقط . اذاى بقى ؟
يتم تثبيت زرار تحت الكبوت وتوصيله بالسلك للكلاكس و من داخل العربيه يوصل السلك بمفتاح تكه واحده . فعندما ينزل الكبوت يضغط على زر مفتاح الثلاجه و تكون فاتح المفتاح . وبذلك فى حالة رفع الكبوت يشتغل الكلاكس . ركبته و جربته و على رأى شوبير ( و لا أروع من كده ) . الخلاصه تخيل باب الثلاجه لما يفتح و اللمبه تنور . مجرد فكره و قابله للتطور . اتمنى رأيكم ؟ |
رد: البطاريه و الكاسيت و السماعات اتسرقو . الحمد لله
ربنا يعوض عليك
انا عملت مسمار الوك بتاع الشنطة وتمام التمام وموضوع الكابوت كل ما اروح لسمكارى يحس انها شغلانة بسيطة ومتستهلش يتحجج باى حجة علشان امشى بالطريقة فعملت طريقة حلوة وجابت نتيجة البطارية الاول جبت جنزير محمل ولحمتة عند واحد معرفة فى الشاسية والحمد لله الحرامى جة فتح الكابوت لقاها كدة سابها ومشى والحمد لله مخدش الاستبن قولت مش هينفع كدة لازم اعمل حل ففكيت مكنة المساحات كلها وعديت الوير بتاع فتح الكابوت من تحتها والحمد لله ربنا كرم والحرامى بتاع كل مرة جه وحاول يفتح الكابوت والشنطة معرفش يعمل معاها حاجة ويأس ومشى وكنت بعرف ان حد حاول معاها ولا لا من مكان ايدة الصبح معلمة مكان التراب ومن ساعتها بركن فى اى حتة ومش قلقان وان شاء الله هصورها وانزلكم الصور علشان تستفادوا من التجربة والموضوع بسيط مش محتاج مجهود والحرمية يتقطع عيشهم ويشوفلهم شغلانة بالحلال |
| الساعة الآن 01:46 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017