|
رد: فيات 128
لو متأكد إن فلتر الزيت و كارتيرة الزيت إللى تحت الموتور مبيسربوش زيت (يعنى مفيش حواليهم أو تحت العربية نقط زيت الصبح مثلاً)
يبقى كده المشكلة فى المكنه نفسها, خفيفة و عاوزة شنبر و تتأكد من الموضوع ده بحاجتين, دخان أبيض سماوى من خرطوم الفايظ (اللى طالع من المكنه و داخل على العمه) أو من الشكمان (بشكل مستمر و بيظهر مع القرص فجأه بالعربية) أو الحاجة الثانية, تفك البوجيهات و تبص, لو لاقيت سن البوجيه معرق زيت يبقى كده شنبر الموضوع سهل إن شاء الله, بس إتأكد الأول من الفلتر و الكارتيرة من أى تسريب. |
رد: فيات 128
أنا جربت لقيت إن الحمد لله مافيش دخان ابيض من الشكمان أو الخرطوم . بس أوقات معينه فى الصبح ألاقى زيت تحت العربية بس مش بكمية كبيرة يعنى بقعه صغيرة . ورغم ذلك الزيت إلى المفروض اغيرة كل 2000 كيلو بغيرة كل 1500 كيلو وكل شويه الميكانيكى يربط على الكرتيرة
|
رد: فيات 128
كده إن شاء الله سهله
هتجيب جوان كرتيرة زيت دوبل (لأن فيه جوانات سمكها قليل) و هتنزل زيت العربية كله فى جركن مفتوح من الجنب و تسيبها تصفى الزيت براحتها, و بعدين تفك كارتيرة الزيت و تركب الجوان الجديد و بالمرة تتأكد من مسمار طبة الزيت لايكون بيفوت أو مش بيقفل كويس. و بالتوفيق |
رد: فيات 128
انا كنت بستعمل شيل كان بيعمل 125 جنية للجيركن 4 لتر وكان بيتغير كل 1000 كيلو
لما الناس شكرت فى التعاون قولت اجربة جبت الجيركن الازرق SF عامل 85 للجيركن 4 لتر وبيتغير كل 4000 كيلو وبجد حسيت باختلاف صوت الماتور بقى اهدى من الاول والماتور مبقاش يسخن زى الاول بقى اقل حاجة بسيطة وفرق السعر بصراحة حلو جربة ومش هتخسر حاجة وبعدها انتا الى هتقرر ودة لينك فى انواع زيوت تعاون : http://www.coop.com.eg/ar/Lubricants...ne%20Oils.html |
رد: فيات 128
شكرأ يا باشا
|
رد: فيات 128
معلش بس السؤال ياباشا مين اللى حددلك إن الجيركن الـ 4 لتر بيقعد 4000 كيلو:thnkr:
|
رد: فيات 128
اعرف ازاى ان العربية موتورها خفيف ؟
مع العلم إنى قليل الخبرة فى الميكانيكا . |
| الساعة الآن 04:01 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017