|
رد: 25 لتر = 150 كيلو هل ده طبيعى
بص يا ريس
إحسبها بالشكل ده أول متروح تفول من البنزينه خد قراية عداد الكميلومتر (لو شغال) و خلى الراخل يملا التانك للزور و إمشى بيها اسبوع و روح فول تانى للزور و شوف أخدت كام لتر و قراية العداد وصلت كام و إقسم عدد الكيلومترات إللى مشيتها على كمية البنزين إللى فولتها و كرر العملية دى 3 أو أربع مرات متتاليه لأن ظروف الإستهلاك جوه المدينه مش ثابته, فلازم تعيد القياس أكتر من مرة علشان تحسب المتوسط. ثانى حاجه معرفش تانك الـ 128 يشيل كام لتر بس أعتقد 25 لتر ده حاجه غريبه, يعنى لو عاوز تسافر بيها مش هتكمل معاك؟ !!! ثالث حاجه. التاكيهات و الكربراتير و الكهربا مسئولين مسئولية كامله عن معدل إستهلاك البنزين فى العربية, بالإضافه إلى الأوزان إللى العربية ماشية بيها (سواء أشخاص أو أدوات فى الشنطه) و أيضاً طريقة القياده. |
رد: 25 لتر = 150 كيلو هل ده طبيعى
اقتباس:
هو بس فعلا تتأكد ان مفيش اى تسريبات و ان شاء الله مفيش و فعلا من طبيعة المشاوير ديى فى الزحمة انا عن نفسى معتبر الاستهلاك دا قريب جدا من الطبيعى لان مثلا ال i10 و انجيكشن و 1100 سي سى و لسة 2012 و جوه البلد و الزحمة الاستهلاك اكتر من عندك |
رد: 25 لتر = 150 كيلو هل ده طبيعى
فعلا داخل القاهرة والجيزة دا معدل كويس
|
رد: 25 لتر = 150 كيلو هل ده طبيعى
بسم الله بعد احترامى وتحياتى لجميع الاعضاء راى المتواضع انه استهلاك مرتفع بالنسبه لمحرك 1300 حتى لو داخل البلد المفروض مش اقل من 200 كم لل 25 لتر حتى لو داخل البلد والا يكون فيه خلل فى جزء من المحرك جرب غير الميكانيكى واكشف تانى على الكاربريتير ودوره البنزين والبوجيهات والله الموفق
|
رد: 25 لتر = 150 كيلو هل ده طبيعى
السلام عليكم غير فلتر الهواء واحسبها على طريق سفر وليس داخل البلد واكشف على الدبرياج ايضا والله المستعان |
رد: 25 لتر = 150 كيلو هل ده طبيعى
لكم كل الشكر والتقدير
|
| الساعة الآن 01:18 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017