المشاركة الأصلية كتبت بواسطة elkomi15 (المشاركة 67333)

انا اشتريت صنى من 4 ايام ex salon منوال وعامل بيها حوالى 350 كيلو حتى الأن اليوم وجدت حاجة غريبة العربية بطلت منى مرتين وانا ماشى هادى على الأول فضلت تقطع منى وبعدين بطلت

ياترى دة عيب فى السيارة ولا لسة علشان اول 1000 كيلو ---------انا بحط بنزين 90
ومش بشغل التكيف بأستمرار فى النهار فقط

أفضلك تمون 92 أنا شخصيا حتى ال 92 ماعجبنيش في سحب العربية.
كمان أنا ما قابلتش التقطيع دا خالص ممكن لأني الفتيس أوتوماتك بس على فكرة حتى الأوتوماتك بيترعش لو مش مظبوط لما بتمشي سلنسيه من غير بنزين إنما الفتيس بتاعها هايل والله.
على فكرة دي مشكلة صغيرة وهتتظبط في ثواني في أول صيانة ماتقلقش إنتا بس قولهم على كل الي إنتا شايفه في العربية وهما هيظبطوه ناس متعاونة جدا بصراحة.

وعلى فكرة استهلاكها فى البنزين كل 106 كيلو تقريبا بتاخد 10 لتر والتكيف شغال ---------والدنيا زحمة

معقول على فكرة زيادة شوية بس معقول وكمان إحمد ربنا إنها مش أوتوماتيك دا أنا بمون كل يوم ونص تقريبا.
كمان التانك بتاعها صغير على فكرة على ما أفتكر كان 35 لتر.
وياريت الرد على سؤالى
كمان عاوز اعرف فين اعمل صيانة ال 1000 كيلو ورقم تليفونهم وتكلفة صيانة ال 1000 كيلو تتراوح فى سعر كام

عليك وعلى السبع بجد يعتبر من أحسن مراكز الخدمة أنا كنت بروح الي في زهراء المعادي هما بس عندهم مشكلة في إنك لازم تروح تحجز معاد الأول وبعدين تبقى تروح تاني في معادك علشان لو روحت من غير معاد هتتلطع كتير قوي بس متعاونين وبيسمعوا وبيجربوا دا حتى لما لقيت إني هستنى كتير والله سلمتلهم العربية وخدت سواق من عندهم بعد التسليم نزل وداني في حتة أعرف آخد منها تكسي ورجع هوا بالعربية.

وكمان انا الكاوتش بريدج ستون هل ظبط هواء الأطارات بيكون كل اد اية ----

راجع الكاتالوج يابرنس أو إسألهم أسهل على فكرة في الصيانة الأولى وهما هيفيدوك.

وشكرا مقدمااا

المشاركة الأصلية كتبت بواسطة elkomi15 (المشاركة 252940)

السلام عليكم بقالى بالظبط سنة وشهرين مش بعمل مشاركات ويمكن دخلت مرة واحدة بس من سنة وشهرين وقت ماكنت حيران اشترى اية وتعبتكم معايا وحجزت ماتريكس وبعدين غيرت لتيجو وسبحان الله فى اخر لحظة اشتريت نيسان صنى

نورتنا ياباشا من تاني ياعني إنتا عارف أهو إنك ماجيتش غير علشان تسأل مش تنور المواضيع بردودك كدة على طول ولا إيه؟

انا بئة بقالى بالظبط سنة وشهرين معايا النيسان صنى عاوز بئة احكى حكاية العربية
من واقع تجربة حقيقية وطبعا انتو عارفين انى عندنا النترا خليجى 2009 وبرضة بس جبناهاا قبل الصنى ب 3 شهور ------------------بس انا سبتلهم النترا فى البيت واخدت الصنى بعد شد وجذب مع والدى 0000000000علشان كان عاوز يدينى النترا وياخد الصنى المهم
طبعا انا سمعت فى الأول كلام ان الصنى وحشة وتقفيل مصرى ومعرفش فيها عفريت وحاجات كتير كدة

بصو انا عامل بيها لحد دلؤتى 42 الف كيلو لأن بسافر كتير بالعربية وعاوز اقولكم انى مشقيهاااا يعنى مطلع عنيها بس بديها حقهاا فى النظافى والصيانة والمحافظة عليها

لا بجد شقيها إنتا بس ومايهمكش هتستحمل كمان وكمان.

اول 1000 كيلو كان الكرسى بيزيق وكانت بتقطع منى لدرجة انى قولت انا لبست العربية ولا اية

حتى دا ماقابلتوش والله الحمد لله.

روحت التوكيل كان فيها عيب فى فى بوابة الماتور والصراحة الناس غيرتة بمنتهى الشياكة والأحترام وربطت الكراسى ومن وقتهااااا الى وقتنا هذااااا
واقسم بالله ماغيرت فيها الا بوجيهات وزيت الماتور حتى سير الكاتينة طلع جنزير مش بيتغير وتيل الفرامل لسة مغيرتوش لأن لسة شغال تمام
يعنى بئالى سنة وشهرين مش غيرت غير طقم بوجيهات وزيت ماتور وشكرا على كدة
الصراحة النيسان الشكل الجديد الفوانيس الكريستال والشبكة الطويلة عربية ممتازة جدا جدا وبتاعت شقى وشغل وانا مبسوط بيها والحمد لله ولاكن
هقولكم على الحاجات ايلى فيها مميزات وايلى فيها عيوب

اول حاجة الدركسيون مش تقيل ولا حاجة زى ماناس قالت انا ركبت لانسر سوبر اكشن وتقريبا هو هو نفس الباور

أنا شخصيا بفضل الباور المعقول عن الخفيف أولا بيحسسني بالأمان وأنا سايق بسرعة ياعني ماينفعش أبقى ماشي 170 ولا فوق غير بباور رزين وعاقل زي ده.

تانى حاجة العربية على الطريق ثابتة جدا وبحس ان العربية بتتقل اكثر على الطريق كل اما ازود السرعة دة بعكس النترا ايلى بترعب لما بوصل بالعداد ل 160
على مصر اسكندرية الصحراوى

تصدق بقى كانت بردو على مصر اسكندرية الصحراوي كنت باخد بيها غرز وأنا مش حاسس بأي حاجة وأنا فوق الـ 160 بس للأمانة كنت محمل العربية كاملة أفراد وشنط كمان في الشنطة.

التكيف بتاعهااااا تحفة لدرجة انى عرفت قيمة اليابانى فى يومين الحر ايلى عشناهم وبشغلة على رقم 2 وببئة بردان وانا جوة السيارة ويعتبر افضل مكيف فى فئة السيارات ايلى بتتراوح من 80 الى 100 الف
العفشة ناس برضة كانت بتقول ناشفة انا شايف عفشتها كويسة جدا ولا حس بدبدبة ولا بحش بخشونة فى المطبات بس يمكن النترا انعم منها شوية لاكن عفشتها ممتازة

عيوبهااا بئة ودة ايلى تاعبنى فعلا فى العربية
حــــــــــــــــــوت بنزين يجماعة حوت بجد بتاكل فى الصفيحة 210 كيلو وممكن كمان 200 كيلو لو الجو زحمة ومشغل المكيف والموضوع دة مضايقنى جدا
وسئلت اصحابى ايلى معاهم نيسان الشكل الجديد قالولى على نفس الموضوع دة
ال 10 لتر بيمشونى 110 كيلو والمكيف شغال

المشكلة التانية بئة وبرضة تعبانى ان الصالون بتاعها ضيق من ورا يعنى لو واحد رجلية طويلة زى حلاتى مش هيقعد حد وراة مرتاح ودة لأن هما موسعين فى الشنطة على حساب الصالون الخلفى

أنا الناس عندي في البيت زعلت مني في دي بقى بالذات وقالولي آه ما علشان إنتا مابتقعدش ورا.

هما دول المشكلتين ايلى تعبنى فى السيارة واى حد بيفكر ويفاضل مابينها ومابين الأنواع ايلى ذكرتها قبل ذلك عندك مميزاتها وعيوبها من واحد جربها واعتقد ان الموديل الجديد بدا ينتشر فى الشوارع دلؤتى لأن العربية رخيصة ومش غالية وفيها كماليات كتيرة حتى الحساسات الخلفية بتركب دلؤتى وبرضة اسمها يابانى
دى حكايتى وبالتوفيق ليكم

تركيب السينسور بارك في التوكيل بـ 150 تقريبا على ما أفتكر في التوكيل بس أضمن مليون مرة من إنك تركبه برا.
ماتخليش حد غريب يحط إيده في العربية وخاصتا لو كان هيلعب في الكهربا وغير أصلا إني تركيبه مقرف شوية.
أنا لسة ماركبتوش بس ناوي عليه الأجازة الي جاية إنشاء الله.

انا بئة لية سؤال لخبراء المنتدى شهر 12 الجاى ان شاء الله
انا عاوز اجيب عربية تانى اتوماتيك تتراوح من ال 80 الى ال 100 الف
هادفع 25% واقسط الباقى على 3 سنين انا موظف قطاع خاص واستعلام عادى
ومفردات مرتب برضة عادى

انا بفكر فى الأتى
نيسان صنى بس اللون الأسود تكون اتوماتيك
العربية الصينى الجديدة ايلى ب 72 الف اتوماتيك ايلى هى بيقولو عليها كلها تويوتا يارس وانا شوفتها فى المعرض وشكلها كويس وسعرها منافس وتوكيلها يارس لو حد ركبها يقولنا رائية
وبفكر بما ااننا فى الصينى فى ام 11 شكلها برضة عاجبنى واسبرانز نجحت فى مصر واثبتت كفاءة برغم انها مانيوال بس بفكر فيها برضة

وبفكر فى سيراتو بس مش عارف لية قلقان من السيراتو وحاسس ان العربية دى هيظهر فيها عيوب الفتة الجاية

تفتكرو ممكن اجيب اية ولو فى حاجة تانية كويسة ياريت تساعدونى وشكرا ليكم جميعا وصباح سعيد على احلى منتدى وجمعة مباركة ان شاء الله