مصر موتورز مجتمع السيارات - العربيه مش بتدور وغالبا البطاريه نامت

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - العربيه مش بتدور وغالبا البطاريه نامت (https://www.masrmotors.com/vb/showthread.php?t=116003)

رد: العربيه مش بتدور وغالبا البطاريه نامت

اقتباس:

المشاركة الأصلية كتبت بواسطة eng/walaaeldeen (المشاركة 900854)

السلام عليكم
ممكن تشحنها بعدين بس ما تأخرش عليها علشان ما تتلفش خالص
هي جافه ولا سائله
والله المستعان

وعليك السلام يا استاذ وائل البطاريه اللى عندى جافه
طب هل لو مش هشحنها دلوقتى أفصلها خالص ولا اسيبها ؟
وممكن اعرف شخن البطاريه بيبقى بكام عشان ميضحكش عليا

رد: العربيه مش بتدور وغالبا البطاريه نامت

السلام عليكم
البطاريه الجافه غالبا لاينفع فيها الشحن
واسمي ولاء الدين وليس وائل
والله المستعان

رد: العربيه مش بتدور وغالبا البطاريه نامت

اقتباس:

المشاركة الأصلية كتبت بواسطة eng/walaaeldeen (المشاركة 900877)

السلام عليكم
البطاريه الجافه غالبا لاينفع فيها الشحن
واسمي ولاء الدين وليس وائل
والله المستعان

تمام يا استاذ ولاء الدين انا طبعا عارف اسم حضرتك وتشرفت انك رديت عليا فى اكتر من موضوع بس معلش كنت بكتب بسرعه فسرحت وانا بكتب
بالنسبه للشحن هيا اكتر من مره سايس الجراج ينسى الكونتاك مفتوح ليله كامله واجى الصبح الاقى البطاريه نايمه والعربيه مبتدورش باخد وصله وامشى بيها شويه بتتظبط وترجع زى الأول
حاليا انا نزلت الجراج جربت خدت وصله من بطاريه تانيه والعربيه دارت وبطاريتى أديتها لواحد معرفه هيشحنها او يدها وصله ويمشى بيها مشوار طوييييل ونشوف ان شاء الله هتتظبط زى كل مره ولا هنحتاج واحده جديده

رد: العربيه مش بتدور وغالبا البطاريه نامت

السلام عليكم
بأذن الله تنظبط وتتشحن
بس حاول تدور العربيه ماتسبهاش لغاية ما تنام او خلي السايس يدرها كل يومين
والله المستعان

رد: العربيه مش بتدور وغالبا البطاريه نامت

اقتباس:

المشاركة الأصلية كتبت بواسطة eng/walaaeldeen (المشاركة 900938)

وعليكم السلام
تمام شكرا يا استاز ولاء عالرد والاهتمام
بس عندى أستفسار صغير دلوقتى انا فى الغالب مش خارج بالعربيه خالص فى رمضان ولو خرجت هيبقى لمجرد انى امشيها عشان البطاريه طب ايه الخطوات اللى ممكن اعملها عشان احافظ عليها الفتره دى ؟ لو البطاريه اتشحنت لازم اسخنها كل يومين بقى ولا ايه ؟
وهل لو احتاجت بطاريه جديد أستنى أجيبها بعد رمضان ؟ طب هل فى مشكله لو سيبت العربيه من غير بطاريه ومش بتدور شهر كامل ؟