رد: سكودا فيليشيا ولا اروع (حكايتي مع بلبله )
 

شكرا يا باش مهندس جوده انا فعلا غيرت الريادتير بردياتير المونيا وجبت مروحه سته ريشه سرعتين وكله تمام .... واشكرك علي المعلومات القيمة كنت عايز اسال عن فلتر الهوا وبتغير ولا بيتنضف بس ؟؟ وكل اد ايه

بالنسبه للزيت انا بحط شيل اللي هو ب 75 جنيه فيه شيل برضه 65 جنيه لكن المكيانيكي قالي ان الغالي احسن للعربيه

وبغير فلتر الزيت مرة ومرة

رد: سكودا فيليشيا ولا اروع (حكايتي مع بلبله )
 

بص يا ابو سما الحل بسيط جدا زي ما قال الاخ بشمهندس جوده

وفعلا كلامه مظبوط ميه في الميه وده اللي عملته عشان احل مشكلة السخونه ولو عندك اي سؤال ممكن تسال بشمهندس جوده لانه لا يفتا ومالك في المدينه

تقبل تحياتي

رد: سكودا فيليشيا ولا اروع (حكايتي مع بلبله )
 

ابو سما نسيت اقولك ان تزويد الميه يوميا ده بيقول ان دورة التبريد فيها تسريب

انا بزود العربيه ميه فعلا بس كل تلات او اربع ايام وكشفت علي الدورة وااتاكدت ان مفيش اي تسريب

فياريت تكشف علي الدورة كامله وتشوف ايه اللي بيهرب الميه

رد: سكودا فيليشيا ولا اروع (حكايتي مع بلبله )
 

أشكركم يا جماعة على ثتكم الغالية وتحت امركم فى اي وقت

رد: سكودا فيليشيا ولا اروع (حكايتي مع بلبله )
 

الف مبروك يا باشا وربنا يديك خيرها ويكفيك شرها

رد: سكودا فيليشيا ولا اروع (حكايتي مع بلبله )
 

لو سمحتو ياجماعة ليه سؤالين
1
-الردياتبر الالمونيوم بكام وبيجي جديدولا استيراد
2-الديسك والاسطوانة بيتغيروا بكام والبمصنعية في حدود كام
وشكرا ليكم

رد: سكودا فيليشيا ولا اروع (حكايتي مع بلبله )
 

الردياتير حوالي 200 تقريباً

والدسك والاسطوانة من 450 لحد 550 أو 600 علي حسب النوع
والمصنعية بترجع للصنايعي يعني مثلا من 50 الى 100