رد: معرض جاك معروض للإيجار
 

طيب ايه رايكم نسمع كلام التوكيل نفسه بدل التخمين الكتير
كل الموضوع ان المعرض كان إيجار واتقفل عشان اغلب شغل التوكيل مع موزعين
ودلوقتي مركزين اكتر مع السيارات النقل
فمفيش وقت ولا حسابات تتابع المعارض هنا وهناك
مكتفيين بمعرض في الصليبة ابو رواش ومعرض تاني في داون تاوون
وسيارات نقل كل الموديلات والاحجام وخلاطات وقلابات
وموديلات ملاكي بتنزل بعدد محدود زي j2
وتوكيل جاك معانا متخدتش وبنتفق على اعداد اكبر كل فترة
بس النقل مش بيظهر في الشارع زي الملاكي لكن الطريق الصحراوي والطرق السريعة
بتشوف القلابات والشاحنات الي بتوصل ل100 طن
كله موجود والحمد لله
واي استفسار انا في الخدمة

رد: معرض جاك معروض للإيجار
 

يا أحمد بيك من فضلك تكون موضوعى معانا وتعاملنا على اننا ناس كبار ولنا عقول بتفكر . مش أطفال صغيرين فى كى جى . هورس موتورز وكيل لشركه عملاقه فى مجال السيارات الصينيه وهو كان عارف ده قبل ما ياخد وكالتها . والا ماكانش عارف .. كان عارف . ولما دخل مجال التسويق لسيارات الركوب الملاكى يعنى كان لازم يعمل حساباته لنشر وتسويق هذه السياره ويعمل خططه التوسعيه على مدار السنوات القادمه بدراسات دقيقه ومنظمه . حضراتكم مش فاتحين محل فول تلفوا سندوتشين للزبون ويخودهم ويمشى . احنا بنعانى من مشاكل عدم انتشار موديلات السياره اللى انتوى كل فتره تنزلوا منها فئه وتلفوها لكام زبون وبعدين تقلبوه وتشوفوا فئه تانيه وهكذا . بنعانى من عدم الإهتمام بالعملاء منذ دخول المعرض لمعاينة السياره . بنعانى من عدم وجود حملات دعائيه للسياره فى كافة وسائل الدعايه والإعلان ( بخل شديد جدا بعيد عنك ) . بنعانى من احتكار التوكيل لقطع غيار السياره . ولو حتى هو مش محتكرها فعدم انتشارها يخلى التجار يمتنعون عن استيراد قطع غيار لها . بنعانى من غش وخداع ونصب فى تشخيص عيوب او اعطال السياره فى مركز الخدمه بغرض استنزاف اكبر قدر ممكن من سيولة العميل . وكمان بنعانى من نقص بعض قطع غيار موديلاتنا لدى التوكيل . ياريت حضرتك تبلغ شكوتنا الى من يجلسون على كراسيهم فى انتظار جمع الأموال دون بذل اى مجهود لخدمة عملائهم .
وشكرا لسيادتك ..

رد: معرض جاك معروض للإيجار
 

على فكره ياباشمهندس الأخ احمد مش هنشوفوا هنا تانى لأن أعتقد لما يقول ان غطاء التنك سعره بعد الأكرامية 500 جنيه يبقى هذا الرجل اكيد مش فى مصر ده من اسبرطه ,, وانا هنا اعى ماأقول ولااستهزء لأن البيحصل مايرضيش ربنا وأسألوا الدكتور كمال !!!!!!!!!!!!

رد: معرض جاك معروض للإيجار
 

أستاذ أحمد احنا هنا عايزين حلول جذريه لمشاكلنا مع التوكيل مع رؤيه فعليه لحملة اعلانات سريعه ومكثفه لهذه السيارات الملاكى قبل النقل لأن الملاكى يا بكوات بيكون هو الأكثر والأسهل فى البيع والإنتشار مع رواج أكبر فى قطع غياره بالسوق .

رد: معرض جاك معروض للإيجار
 

ليه بس سؤال الظن ده
انا موجود يا فندم ولسه حصل اتصال تليفوني باستاذ ايمن
بخصوص سعر باب التانك كان سعر شحنه طيران وكان لدكتور خالد 378 مش 500
وده سعره الضعف 4 مرات تقريبا عشان شحن جوي مش اكتر
وجاري طلبه في الطلبيات القادمة وحسلمه بنفسي لدكتور كمال
بخصوص الموديلات الملاكي السنة ديه توقفنا عن نزل موديل منها
عشان بنجمع ملاكي وباعداد كبيرة مش زي قبل كدة كام عربية وبس
ونا الي بتابع مع حضرتك على الصفحة بنفسي
ومش بس صفحة جاك لا وفي اي منتدى عن جاك بتابع العملاء مش بستنى هم الي يوصلوا لينا

جديد بقى مع جاك موتورز
يوم السبت قبل الماضي تم افتتاح معرض جاك موتورز الامير بمحافظة الغردقة

يوم السبت الماضي تم نشر اعلان جديد لجاك موتورز لموديلات نقل

وهناك الكثير والكثير
ويوم الاربعاء الماضي تم دخول طلبية من عدة طلبيات قطع غيار قادمة من الصين
كل ده بداية بس
اعتقد انه بداية مبشرة
ولا ايه ؟
وانا موجود لاي استفسار هنا او على الصفحة
واستاذ ايمن معاه رقمي في اي وقت تقدر تتصل بيا
مش تقول اني مش حظهر تاني انا الي اتصلت بيك :D

رد: معرض جاك معروض للإيجار
 

باالفعل الراجل المحترم الأستاذ احمد كلمنى لمدة ربع ساعة وتناقشنا فى كل المشاكل حتى كان فى مدير تسويق ومبيعات كنت اتخانقت معاه من حوالى سنه ونصف وبهدلته وفضحته فى التوكيل لدرجة إن الموظفين كانوا فرحانين فيه وقالولى إحنا بنشكرك على العملتوا معاه لأن مافيش حد عارف يتكلم معاه من العملاء ,,لكن العبدلله ظبطه لأن الحق معى وقبل كل ده ربنا معايا وشايف إنى بتكلم الحق ,,المهم الأستاذ أحمد قالى إن هذا الرجل تم طرده من الشركه ومرفوع ضده قضايا من التويكل لأنه كان بيعمل لصالح شركات إخرى وده القلتهوله ايامها وسبحان الله طلع بنى ادم مش تمام ,, المهم الأستاذ أحمد كلمنى على اساس ان اقوله الحاجات المطلوبه عندى ايه وهيدينى الأسعار باالضبط والموجود حالياً ,, وكمان كلمته على موضوع الغطاءوأرجوا إنه يسامحنى ويعذرنى لأنى احتديت عليه بهذا الخصوص ولكن الرجل اثرنى بأدبه وحسن خلقه وبذكاء التاجر المحترم ولكنى رديت عليه فى هذا الخضوض وقلتله ماينفعش حتى ولو طيران يبقى ده سعر غطاء بنزين ,, والراجل بيحاول ان يساعد وبيحب شغله وبيشتغل بضمير علشان كده إن شاء الله ربنا هيكرمه ويكون نجاح جاك على اديه بأذن الله تعالى,,انا بشكره على تعاونه ومحاولاته فى تزليل اى عقبات

رد: معرض جاك معروض للإيجار
 

حضرتك بتحرجني بذوقك ديما في الكلام يا استاذ ايمن
بخصوص اسعار الشحن طيران بتتوقف على الوزن
في قطع بيكون سعر الشحن ليها مقبول
وفي قطع تانية سعرها بيكون عالي
بنستخدم الشحن الطيران في حالة نقص قطع غيار
حتى توافر جميع القطع
كلنا في مركب واحدة توكيل وعملاء
عشان اكسب كويس لازم اوفر قطع الغيار وخدمة افضل للعملاء
والعميل عشان يرتاح مع السيارة الي اشتراها بفلوس
لازم يلاقي قطع الغيار الي بيحتجها
ودلوقتي في نظام جديد في قطع الغيار
عكس زمان
طبيعي ممكن يحصل نقص في قطعة من القطع المطلوبة
الرد مش انها مش موجودة وخلاص لا
اي قطعة مش متوفرة بيتم اضافتها لاول طلبية بحر
بتوصل في خلال شهر ونصف تقريبا
وده حيحصل نادرا جدا عشان الطلبيات القادمة ان شاء الله
معمولة بخبرة اكتر وكميات اكتير بكتير
وانا معاكم هنا وعلى الصفحة
وفي اي مشكلة ابعتوها فورا
ملحوظة : اي مشكلة بيتم عمل تقرير بيها للإدارة العليا لسرعة الرد مش اي مدير وخلاص
وبيتم متابعة كل مشكلة لحد حلها
وشكرا