مصر موتورز مجتمع السيارات - البيه البواب..سفالة وقلة أدب وازعاج ليل نهار هو وعياله..ارجو المساعدة

مصر موتورز مجتمع السيارات (https://www.masrmotors.com/vb/index.php)

- معلومة قانونية (https://www.masrmotors.com/vb/forumdisplay.php?f=238)

رد: البيه البواب..سفالة وقلة أدب وازعاج ليل نهار هو وعياله..ارجو المساعدة

بص ياباشا انا متعاطف معاك جدا ونفسى تلاقى حل نهائى لمشكلتك لان شكلك راجل محترم قوى ودة مينفعش فى الزمن الجميل دة
فيه حلين :
لو هتمشى بما يرضى الله هقولك اتق الله وتجنبة واصبر على اذيته كما كان يفعل رسول الله
بس بصراحة ناس كتير صعب يكون عندها الصبر دة لاننا بشر
الحل التانى انك تحاول تقرف الاشخاص دول على قد ماتقدر بس بالذوق يعنى من غير خناق لانك شكلك مش بتاع مشاكل وخناق يعنى ممكن تقرف صاحب العمارة بانك تجتمع انت والمالكين كلهم وتعملوا محضر ان صاحب العمارة رافض يستلم الايجار وتقوموا تسلموا فى المحكمه ودى خطوة ممكن تضايقة
وعموما انا هاسالك على الموضوع دة وهنشوف حل بس اوعى تياس لانه لايضيع حق ورائه مطالب

رد: البيه البواب..سفالة وقلة أدب وازعاج ليل نهار هو وعياله..ارجو المساعدة

عمارة قديمة فى مصر الجديدة إيجار قديم

ده جايبلهم البواب ده كوسيلة من وسايل الضغط عليهم عشان يزهقهم ويمشوا ويراضيهم بأى فلوس ويهد العمارة ويبنى مكانها برج ويبيع الشقة بملايين

الشقة فى ارض الجولف بيوصل سعرها 3 مليون دلوقتى HPPYBUS
90% من الإيجار القديم بيحصل معاهم كدا

العد التنازلى ابتدا ، نصيحة يا صديقى صاحب الموضوع تاخد صاحب العمارة وتتفاوض معاه على مبلغ حلو تجيبلك شقة تمليك فى عمارات السعودية فى أرض الجولف ولا عمارات الجيش بتاعت ميلسا بتعمل حوالى 450 ألف

رد: البيه البواب..سفالة وقلة أدب وازعاج ليل نهار هو وعياله..ارجو المساعدة

هو حل واحد كل سكان العماره يتخانقوا مع البواب الزباله ده
و متدفعوش اجره البواب و المياه و نور سلم
هتلاقي الدنيا اتلمت و مشاهم لانهم متسلطين لان حسب وصفك الي بيحصل مش طبيعي
بس اوعي متدفعش الايجار عشان ميرفعش عليك قضيه انك متدفعش و مره في التانيه يمشيك قانوني و لو مرديش ياخدخ ادفعه في المحكمهSLAM:140109~347:

رد: البيه البواب..سفالة وقلة أدب وازعاج ليل نهار هو وعياله..ارجو المساعدة

بص ياباشا الحلول المقترحة
1- أول شئ إجمع توكيلات قضايا من السكان المتضرره وإللي بيكسلوا يتحركم مع حضرتك علشان تعرف تتحرك بإسمهم ويكون الضغط أكبر علي الجهة الحكومية وعلي صاحب العقار (بس ده ممكن يشكل ضغط علي حضرتك من حيث الوقت او تركيز صاحب العقار والبواب معاك أكتر من باقي السكان علشان كده ممكن تلغي في التوكيل بند التتصالح بحيث هما بنفسهم يتصالحم وده حيشتت البواب وصاحب العقار)

2- عمل محضر في القسم بإمتناع صاحب العقار من استلام القيمة الايجارية وزي ماسبق وقال الاستاذ ezzat ده حيقرف صاحب العقار وحيخليه يحاول يراضيكم حتي ولو بطرد البواب بالذات لما يكون كل الشقق علي نفس الحال يعني مش مره او مرتين

3- عمل شكوي في الحي والمحافظة والقسم (في كل مكان صيغة مختلفة وممكن تقلبها جنحه إذا توافرت شروطها في بلاغك في القسم) بوجود كشك مخالف تم بنائه علي مسطح أخضر دون ترخيص سواء كان علي مسطح ارض مالك العقار او لأ بس لو علي ملك الدولة بتكون مشكلته أكبر وبتقدر تحرك حاجات اكتر ضده

4- عمل شكوي إزعاج

5- كام إجمالي عدد الشقق اللي موجوده في العمارة وكام تمليك وكام منهم متأجر ونوعه إيه علشان نشوف مدي إمكانية عمل إتحاد شاغلين ولا لأ