|
رد: Fiat 126
ولا يهمك يا عم بسام انت بس اسأل و احنا نجاوبك و بكره تتعلم و لما حد جديد يسأل انت اللي حتجاوب عليه:)
اقتباس:
طب هو حيلف ازاي؟؟ فيه طنبوره طالعه من الموتور و متركب فيها سير علي الدينامو لما العربيه بتدور الطنبوره بتلف و بالتالي السير بيلف يقوم يخلي الدينامو يلف هو كمان و الدينامو بيحول الطاقه الحركيه الي طاقه كهربائيه و يشحن البطاريه باستمرار لو السير دا اتقطع يبقي مافيش شحن حيوصل للبطاريه من الدينامو. سير الكاتينه دا معقد شويه المهم ان برضه الموتور طالع منه طنبور بيبقي راكب فيها سير الكاتينه دا علشان برضه يخلي عمود الكامه يلف و يحرك صبابات دخول البنزين و صبابات خروج العادم لما بيبقي جنزير مابيحصلش منه حاجه و مش بيتغير غير كل فين و فين و الجنزير دا عامل زي جنزير العجله برضه:) لو كاوتش دا بيتغير كل 30000 او 40000 الف كيلو بس اعتقد ان اللي عندك جنزير مش كاوتش دا شرح مبسط جدا ولو عندك وقت ابقي اصدع دماغك بالتفاصيل:HAPPY_~211: البارومه هيا الصدأ لما بيصيب جسم العربيه و الصدأ دا من كتر ما بيتكون بياكل الصاج و بيبهدله علشان تحافظ علي العربيه ما تغسلهاش كتير و لما تغسلها تنشفها كويس و في الشتا تغسلها بعد ما الدنيا تمطر دايما علشان الطين بيتراكم تحت الرفارف و الفجاوي الطين من بره بينشف و يفضل فيه ميه من جوه تقوم تاكل الصاج بتاع العربيه. |
رد: Fiat 126
اقتباس:
والصوره وضحت وف الجون كمان .. بص بقي .. بما انك احد الناس الخبره هنا .. فياريت لو تهبدني اللينكات بتاع التوبيكات المهمه .. اللي اساسي اي حد يقراها .. لو في .. لو مافيش .. قولي اسيرش انا علي ايه؟ ربنا يكرمك .. ولا يحرمكش مني يا رب :D ;) الف الف شكر يا مان علي ردك .. وبجد ربنا يكرمك .. والف شكر لكل الناس اللي ردت .. واي حد عايز يقولي تنبيهات او اي نصايح ف الاول كدا .. انا هكون كلي اذان مصغيه :) |
رد: Fiat 126
الله يخليك يا باسام باشا و ربنا يباركلك في عربيتك و عقبال ما تكبرها يا رب
بالنسبه للينكات ف انا معنديش خلفيه و الله بس ممكن حضرتك تدخل منتدي الصيانه و تقرأ في المواضيعهناك حتتعلم حاجات كتير و اي حاجه اي حاجه مش فاهمها اسأل و احنا نجاوبك و انت حتتعلم بسرعه سواقه و ميكانيكا علي فكره انا متوقع كده علشان انت بتسأل و الموضوع في دماغك. |
رد: Fiat 126
اقتباس:
طبعا انا معرفش حالة العربيه بتاعتك لكن طبعا انت هيبقى ايدك فيها باستمرار فى البدايه لغاية ما تبقى كويسه لكن عموما هى لو سليمه بتسافر من غير مشاكل هحكيلك عن تجربه عمليه معايا - عديلى عنده شقه فى مصيف 6 اكتوبر - بتاع اسكندريه مش بتاعة مصر :) - هو عموما بعد اسكندريه بحوالى 40 أو 60 كيلو مش فاكر بالظبط المهم ركبت فيها انا والمدام بتاعتى وعديلى ومراته وكان معايا أياميها ابنى كان لسه صغير وهو معاه اتنين صغيرين - طبعا العيال كانو على رجليهم هما أنا بسوق مليش دعوه هههههه :) - وركبت جريدتين على السقف وحطينا شنطنا بتاعه لوازم اسبوع المصيف وربطناهم كويس وتوكلنا على الله وطلعنا من طنطا العربيه وديتنا لهناك بدون أى مشاكل حتى ما وقفتش فى السكه خالص لا علشان أشترى حاجه ولا علشان أريح العربيه وفى نص الإسبوع جالى ظرف طارىء فى طنطا خدتها لوحدى وجيت وقضيت هنا حوالى ست ساعات وبعدين على 6 اكتوبر تانى وطبعا آخر الإسبوع خدتنا تانى بشنطنا وجابتنا لغاية بيوتنا هنا :) أنا كمان شغلى أيامها كان فى كفر الزيات مش فى طنطا وكنت بروح و باجى كل يوم يعنى حوالى من 40 ل 50 كيلو يوميا وبرضه بدون أى مشاكل معلش أنا طولت عليك بس الكلام ده كله علشان انت تقدر تحدد بنفسك العربيه هتستحمل مشاويرك ولا لأ بالنسبه للجوان ده حاجه كده زى دايره من الكاوتش بتتحط ما بين الوصلات الحديد علشان ضمان الإحكام وعدم التسريب سواء للغازات زى العادم أو للسوائل زي الزيوت و المياه مثلا وهكذا وألف مبروك عليك العربيه مرة تانيه :THE_PR~18: |
رد: Fiat 126
معلش ممكن تقول هي موديل كام وجبتها بكام ودفعتلها ضريبة كام
وشكرا |
رد: Fiat 126
كلام جميل جدا عن العربيه فيات 126 انا نفس حاله حضرتك لسه بتعلم السواقة وكنت عايزه عربيه مستعمله رخيصة علشان اتعلم فيهاوكنت بفكر فى 128 وكنت شايله من حسباتى 126 على اساس انها مش بتستحمل بس حضراتكم لفتم نظرى ليها جزاكم الله خير
ياريت حد يقولنا عن مستوى الاسعار |
رد: Fiat 126
اقتباس:
منورة مصر موتورزptmnlo123per122 بالنسبه لاسعار ال 126 اتفضلى هنا وشوفى المعروض من المستعمل واسعاره http://www.contactcars.com/UsedCars_All.asp |
| الساعة الآن 12:36 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017