رد: المفتاح المشفر و ال ايموبيلايزر
 

ما هو فعلا ملوش فايدة المشكلة فى نظام فئات العربيات اللى بيعمله عمو غبور
وفيه عضو فاضل اخد المفتاح وراح لبتاع مفاتيح والكمبيوتر لقط شفره بالفعل وممكن تتاكد بنفسك بس خلى بالك يكون بعيد اوى عن البيت علشان ظروف السرقات المقرفة اللى بتحصل حاليا
والسؤال هنا هل ينفع يركب ايمبولايزر فى الحالة دى وهيبقى ايه النظام

رد: المفتاح المشفر و ال ايموبيلايزر
 

المشكلة ان الايموبيلايزر مش بيمنع سرقة العربية 100% و ال GPS هيطلعك من الضمان. أنا بفكر في الانذار اللي بيركب في غبور عشان ما اطلعش العربية من الضمان.

رد: المفتاح المشفر و ال ايموبيلايزر
 

Immobilizer

جهاز الكتروني يعمل علي تامين السيارة ضد السرقة عن طريق استشعار بصمة خاصة موجودة في المفتاح الاصلي لا يمكن ان تكون موجودة في المفتاح المقلد

البصمة الخاصة ديه بتبقي عبارة عن كود موجود في شريحة RFID (بطاقة هوية عن طريق موجات الراديو ) - زي الباركود اللي في فيرجن ستورز - وديه بتبقي موجودة في المفتاح

الجزء التاني وهو المسئول عن قرائة البصمة Decoder unit وده الايموبلايزر نفسة وده عبارة عن جهاز صغير بيبقي موجود تحت الداش بورد في اغلب التصميمات ( في التصميمات الاحدث (زي الميجان والسينيك) سيراعي دمجة مع اي حاجة تانية لجعل مهمة ايجاة صعبة )

طريقة عملة
عند ادراج مفتاح السيارة يستشعر الديكودر بصمة ال RFID ان وجدها يرسل اشارة ( تمام ) لدائرة ال ECU ( دائرة التحكم في المحرك ) التي تعمل بدورها علي تشغيل دائرة الاشعال
طبعا في حالة عدم توافق بصمة ال RFID مع ماهو مسجل بوحدة الديكودر لن يتم الاشعال حتي لو قام السارق بفك مفتاح التشغيل بغرض تلميس الاسلاك

في الاجهزة الحديثة يشترط ان يقوم الايموبلايز بالتحكم بدائرتان علي الاقل ( بواسطة ال ECU ) مثل دائرة الاشعال وطلمبة البنزين ايضا .

بهذة الصورة يمكن منع اشهر محاولتين لسرقة السيارات وهما 1- تشغيل السيارة بعمل شورت في دائرة الكونتكت ( وديه بيقوم بيها حرامية كانو صبيان كهربائي سيارات ) 2- عمل نسخة للمفتاح ( وديه بيقوم بيها في الغالب ابنك :lol: ) بس ده ما يمنعش ان ابنك يسرق اللمفتاح الاحتياطي وده بيكون عليه نفس بصمة ال :twisted: RFID

يمكن تركيب ايموبلايزر لسيارة مفيهاش ايموبلايزر لاكن لابد من وجود وحدة التحكم في المحرك المفروفة ب ECU

يعمل المطورين علي تعقيد عمل الايموبلايزر وتشعيب وصلاتة وذيادة عدد الدوائر المتحكم فيها كما يعملون علي دمج معلومات اخري للتعريف مثل بصمة الاصابع ووزن السائق !!

منقول للافاده


ده شرح بسيط للنظام .......الموجود عند حضرتك حركه نصب من غبور هو ساب الشفره اللى فى المفتاح وماركبش الوحده التانيه اللى فى الكونتاكت

رد: المفتاح المشفر و ال ايموبيلايزر
 

1000 شكر علي المعلومات الجميلة. و كده الكلام فعلا معقول. هو ساب المفتاح زي ما هو عشان كده مفتاح الاكسنت ار بي بتاععة أ KHABBAS كان فيه شفرة لكن ال ECU نفسها ما فيش حاجة متحكمة فيها و أظن لو عملنا مفتاح عادي من غير شفرة ال ار بي هتدور عادي. منك لله يا غبور.

رد: المفتاح المشفر و ال ايموبيلايزر
 

وده اللى كنت عاوز اقوله بالظبط

رد: المفتاح المشفر و ال ايموبيلايزر
 

السلام عليكم علشان تعرف عندك ايموبيلايزر هتلاقى لمبة بتنور مع الكونتاكت لونها أصفر ومفرغه على شكل مفتاح و بتطفى بعد كده.
المفروض العربيه مش هتدووور ابدا من غير المفتاح...الطريقه الوحيده للسرقه هى الونش.
بالنسبه لغبور حسبى الله و نعم الوكيل منزل عربيات من غيره وللأسف هاى لاين و عربيات مش هاى لاين (زى بتاعتى) و فيها ايموبيلايزر الحمد لله .

رد: المفتاح المشفر و ال ايموبيلايزر
 

الله يباركلك .. ردك يحمل بين سطوره فهم واضح .. جعله الله فى ميزان حسناتك
---------------------------------------------------------------------