مصر موتورز مجتمع السيارات - مشكلة فى ريداتير فيرنا وملهاش حل ...؟

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - مشكلة فى ريداتير فيرنا وملهاش حل ...؟ (https://www.masrmotors.com/vb/showthread.php?t=112912)

رد: مشكلة فى ريداتير فيرنا وملهاش حل ...؟

شكرا لحضرتك جدا وان شاء الله انا استقريت بنسبة 90% انى اغيرة لانى تعبت من متابعتة كل شوية وكل شوية احط مية وبصراحة هو قرفنى خلاص بقالى سنة ونصف كل يوم بتابعة عشان قلقان منة ومش واثق وحاسس انة ممكن يعملها ويسرب مرة واحد ودا غير انى ببقى قلقان وانا مسافر جدا منة
ربنا يصلح الحال ونحاول ندبر مبلغ التغيير
شكرا ليك مرة تانى وشكرا لمتابعتك

رد: مشكلة فى ريداتير فيرنا وملهاش حل ...؟

اقتباس:

المشاركة الأصلية كتبت بواسطة احمد على 1999 (المشاركة 880140)

انا عن نفسى كنت اشتريت للانوس زمان رادياتير طبق الاصل ( عشان نفس الغلطة ) من محل برا التوكيل و قعد معايا 9 سنين
و كان سعره 380 جنيه

شكرا يا استاذ احمد على المشاركة
ومعلش بقى ما دام جيت موضوعى استحملنى
الوقتى حضرتك بتقول انت غيرتة عشان نفس الغلطة اللى هى فك العمة البلاستيك عن الريداتير معنى كدة انها ملهاش حل جزرى مهما عملت هتسرب بعد وقت مش كدة
طيب حضرتك جرب تعمل اى محاولة ولا غيرت على طوول
وللعلم انا جربت شتى الطرق والمحاولات وبرضة بيسرب وببقى خايف منة
_________________
وبعد كلام حضرتك دا شجعتنى اكتر انى اغيرة واخلص منة
بس هل فية حد بيشترى القديم عموما ولا بيترمى
شكرا ليك جدا يا استاذ احمد

رد: مشكلة فى ريداتير فيرنا وملهاش حل ...؟

غير العلب الفيبر دى بعلب نحاس تفصيل عملتها فى الهوندا السيفيك وبقت زى الفل ولا يهمك مش هيحصل اى حاجة
ولما تبوظ السربنتينة هتجيب واحدة تانية وتركبها بنفس الحوار متعقدش نفسك ، انما لو عندك عقدة الخواجة بقى والموضوع هيأثر عليك هات ردياتير جديد من التوكيل AHLNWSHALN

رد: مشكلة فى ريداتير فيرنا وملهاش حل ...؟

اقتباس:

المشاركة الأصلية كتبت بواسطة Hisham.Elgazzar (المشاركة 880150)

، انما لو عندك عقدة الخواجة بقى والموضوع هيأثر عليك هات ردياتير جديد من التوكيل AHLNWSHALN

انت جبت المفييييييد هو الخواجة