رد: باركولى ربنا كرمنى بعربية BYD
 

الف شكر لكل الردود.
انا اشتريت العربي ب 55000 ج ( ممكن تكون غالية سنة لكن الزيرو بتاعها وصل ل 80000 ج دلوقتى - ممكن يكون سبب لغلو المستعمل . )وان شاء الله هبقى اصورها واعرض صورها .
لكن دلوقتى انا عندى مشكلة فى ال ABS اللمبة اساسا مش بتنور فى التابلوه عند فتح الكونتاكت ممكن تكون الفيشة مهزوزة او ملغية ولا ايه ؟وبعدين الحرارة لما بشغل التكييف بتعلى اكتر من شرطتين او تلاتة ويمكن اكتر وبعدين بتنزل بعد شوية .
فى انتظار باقى الردود من ملاك العربية الجميلة .

رد: باركولى ربنا كرمنى بعربية BYD
 

صباح الفل الف مبروك يا باشا
اللمبة لازم تنور مع الكونتكت وبعد الدوارة بتطفى ولو مش كدا لازم تروح التوكيل بيها يحطها عالجهاز ب 45 جنية لو العطل سلكة او حاجة بسيطة

الحرارة مبتعلاش ابدا سواء تكيف او غيرو
فى نوعين فى موضوع الحرارة دة
فى حرارة كدابا انى المؤشر يطلع وينزل مع نفسو ودية من كبلات البطرية بتحتاج سنفرة كويس ومكان البطرية
وفى حرارة فعلية بيكون من ترموستات كوع المياة والحل الخاص بية
اما تفصل الترموستات وكدا هتبقا ديركت وهتلاقى الحرارة فالطبيعى اقل من النص

لكن قبل موضوع الترموستات لازم تتاكد انى مروحة التكيف شغالة ومروحة التكيف بتشتغل ديركت ومبتفصلش ولازم تعمل دورة مياة للريداتير والسربنتينة
وربنا يبركلك فيها ويكفيك شرها

احمد

رد: باركولى ربنا كرمنى بعربية BYD
 

1-لمبة الabs مش بتنور مع الكونتاكت دة لان الفيوز محروق لان لو في عطل اللمبة هدنيها منورة حتي بعد تشغيل المحرك
2- انا معايا 516 لما بشغل التكييف الحرارة بتنزل عن النص مش عارف الوضع في الbyd هيبقي اية
3-الدبرياج بتاع الbyd زي المية مش يتقارن بلانوس اكشف علي الدبرياج اكيد في حاجة
4- قطع الغيار في التوفيقية انا بتعامل مع ممدوح المليجي
5- اعتقد في الطابلو بيبان ان الشنطة فتحة في 516 بيبان في الطابلو و صوت انذار:fun_36_3_1[1]:ROSE4U

رد: باركولى ربنا كرمنى بعربية BYD
 

اولاًٍ مبروك عليك العربية ثانياٍ :لمبه abs هى بتنور اول أما تيجى تدور العربية وبعدان تطفى ثالثاًٍ:المفروض اما تشغل التكيف العربية بتبرد عشان فى مروحتان فى العربية وحده للتكيف و وحده للتبريد فأما تشغل التكيف مروحه التكيف بتشتغل رابعاًٍ أما لتقل الدبرياچ وده عاب تقفيل العربية آخر حاجه :الشنطه يا فيها لمبه بتنور أما تفتح الشنطه أو بتظهر عندك فى العداد وربنا يبركلك فى العربية إنشاء اللهROSE4U

رد: باركولى ربنا كرمنى بعربية BYD
 

اولا شكرا لكل ردودكم الجميلة واهتمامكم. ثانيا نمسك الموضوع واحدة واحدة لمبة ال ABS مكنتش شغاله من الاساس وتم تشغيلها (كانت مفصولة من لوحة العدادات ) وبعد التشغيل تبين انها عند فتح الكونتاكت بتنور وبعدين تطفى ( هو ده الطبيعى ) ولكن المش طبيعى انها بعد الدوارة بتنور وبتفضل منورة (وان شاء فى مشوار للتوكيل عشان احطها على الجهاز.) ثالثا الدبرياج معملتش فى حاجة لسه لكن انا اتاكدت انه تقيل. رابعا الحرارة لسه مش مظبطة يعنى مع التكييف بتعلى ودلوقتى من غير التكييف بقت اقل من النص خامسا انا عملت وصلة بحيث لما اجى افتح الشنطة او كنت ماشى ونسيتها مفتوحة نور الصالون بينور وكمان بيبان فى التابلوه. وانا ان شاء الله لما انجز كل المشاكل دى هعمل تقرير مفصل بامشاكل والحلول (ان شاء الله لما تتحل ) ومين حلها والاسعار وكل حاجة بس انتو ادعولى انها تبقى حاجات بسيطة .

رد: باركولى ربنا كرمنى بعربية BYD
 

السلام عليكم يا شباب اولا اسف على التاخير ثانيا عندى كم مشكلة كده عاوز اخد رايكو فيها ال ABS فى مشكلة فى الكنترول بتاعه ومش عارف يبنفع يتصلح ولا لا او سعره جديد كام الحرارة الطبيعى بتاعها بتبقى تحت النص بشرطة وبعدين لما تسخن تطلع فوق النص بحاجات بسيطة يعنى شرطتين ولا حاجة وبعدين تنزل تانى تحت النص لكن الموضوع ده بيتكرر كتير وانا ماشى كل 10 دقائق مثلا وروحت نضفت الردياتير وحطيت مياه خضرا والمشكلة قائمة والمراوح بتشتغل باستمرار من يومين كده لقيت صهد شديد طالع من العربية عليه ( بس انا كنت واخد مشاوير جامدة والجو كان حر جدا وكنت بحط ايدى على التابلوه من تحت بلاقيه سخن جدا فهل ده طبيعى ؟ مؤشر البنزين لا يعطى قراءة صحيحة ارجو الافادة

رد: باركولى ربنا كرمنى بعربية BYD
 

فى موضوع كنترول الـ abs روح لحمدى الكهربائى بيفهم وبيشخص الحاجات دى كويس .

اما موضوع الحرارة فمش عارف 2007 فيها نفس مشكلة الموديلات الاخيره ولا لأ لأن الحرارة عندنا بسبب ضعف الكابل الارضى فالكهربائى فى التوكيل(فرع الشرابيه-واسمه صابر) عمل تقويه للكابل ده وموضوع الحراة اختفى من عندى والحمدلله وممكن يكون عندك لأنك بتقول نضفت الريداتير ومياه خضرا وحركات ومازالت المشكلة مستمرة فممكن تكون زى مابقولك.

مؤشر البنزين يبقى الموضوع موضوع عوامة بايظة فبتخرف فى قراءة الكمية الموجوده فى التانك.