رد: ال flywheel او الحدافة
 

رد: ال flywheel او الحدافة
 

زى ما قال استاذنا المهندس / ولاء الدين
فك القديم وهات زية بالظبك بتاع ال 1300 ولا ال1100 مش مهم على اد ما يكون الدسك هو هو والاسطوانة هى هى
الاخ Vanditta عاوزك قبل ما تروح شلبى روح لواحد متخصص دسك واسطوانة
اسمة جمال فى عين شمس - اول شارع العشرين من عند المزلقان - وامام محل موبيلات كبير اسمة الكابتن تقريبا
صدقنى مش هاتندم

رد: ال flywheel او الحدافة
 

اللى هايكم هو الطقم القديم لما يتحل تاخده فى ايدك وتجيب زيه وتقارنهم ببعض كويس اوى .. ومش محتاج اوصيك انك تستنضف فطقم الدبرياج .. ومتسمعش كلام التجار قارن انتا بعينك كويس ..

حصل معايا قبل كده كنا بنجيب طقم دبرياج لعربية دايو سيلو وكل الناس تنصحنا ناخد بتوع الانوس مع العلم انه يركب بس قطر الديسك والاسطوانه اقل من بتوع السيلو الاصلى ..

مش قادر اقولك اننا لفينا على اكتر من 10 محلات وكل محل نقوله عاوز طقم السيلو موجود ؟؟ يقول موجود ويدخل يجيب بتاع الانوس .. نقوله لا مش ده يبصلنا باستهزاء بكلامنا ويقولنا هو هو يا باشمهندس .. وميقتنعش غير لما اجيب البكوليس (القدمه) واقيسله قطر الديسك علشان اثبتله انه غيره .. وبرضو يقولك مفيش فرق يا بشمهندس وفى الاخر ميبقاش عنده .. فين وفين لما لقينا واحد فاهم ودخل جابه ... لما كنا اتفرسنا ع الاخر لان نفس السيناريو اتكرر اكتر من 10 مرات ..
عاوز اقولك انه يركب عادى بس صاحب العربية دى غاوى شد وحرق وتفويت وتقفيل عداد وكده وموتور السيلو اقوى من موتور الانوس بكتير فطقم الانوس مكنش هيعمر معاه ..

افضل حاجة طبعا الطقم بتاعها (ده لو انتا متأكد انه بتاعها الاصلى لو مكنش اتغير قبل كده قبل ما تشترى العربية ولا حاجه) لو مكانش طقم الـ 1300 هيبقى كويس بما ان موتور 1000 ..

وبالتوفيق

لو ترس الفولام عامل معاك مشكله

رد: ال flywheel او الحدافة
 

هههههه روحت للميكانيكى بتاعى اللى بتعامل معاة وعامل حسابى على يوم طويــــــــــــــــــــــ ـــــــــــــــــل ومتعب وكلمت واحد فى عزبة شلبى خليتة يجهزلى الحدافة بتاعة الموتور ال 1300 عشان اركبها بدل اللى عندى واركب الطقم بتاع ال 1300 ( قعدت ادور شوية على النت لاقيت انة ينفع عادى دى مكان دى ودة يعتبر تحسين لاداء العربية كمان light flywheel )
المهم الميكانيكى ركب العربية وادى اولانى ومارش الغيارات زعقت
راح فاتح الكبوت وربط صامولة عند سلك الدبرياج كدة بس من ناحية صدر العربية مش من الناحية بتاعة الفتيس (اللى على طول بعلى واوطى منها )مش عارف ازاى :thnkr:
وقالى جرب كدة
بجرب لاقيتها بقت زى الفل , الغيارات بقت بتيجى زى السكينة فى الجاتوة والدبرياج بيفصل فى نص المشوار تقريبا
اية ياعم خالد خلاص كدة , قالى اة خلاص :1281F1~121:
الحوار ماخدش 3 دقايق الحمد لله ,
كان هاين عليا انزل ابوسة من بقة هههههههه :10FEE3~1106::lvly::fun_3 6_3_16[1]:
قولت لأ طالما نزلت وعملت حسابى على يوم طويل وفلوس يبقى اصلح اى حاجة فى العربية وخلاص
روحت رايح مغير تيل ورا وطقم جلد وصنفرت تيل قدام وخرطت طنبورتين ورا ورجلشت الهاند عشان اخمس براحتى بقى :ff5a34af6efef0e643e

الف شكر يا راجالة على الرد والاهتمام :fun_36_3_11[1]:

رد: ال flywheel او الحدافة
 

لا مؤاخذة النت كان معلق والرد اتبعت مرتين :shyy:

رد: ال flywheel او الحدافة
 

رد: ال flywheel او الحدافة
 

ههههههههههههههههههه

سبحان الله هى العربيات كده .. يلا يا عم مره من نفسنا مهو كل ما بندخل الحرفيين بنبقى عاملين حسابنا على حاجة وبتفتح مننا :sycho26:

حمدلله على سلامه العربية يا معلم وربنا يبعدك عن الحرفيين والميكانيكيه يا رب ..






ملحوظه : هعتبر نفسى مقرأتش السطر الخاص بالبوس ده :fun_rofl: