|
رد: حكاية فيات برافو من الألف إلى الياء
انا دايما بقارن بين الليون والجولف و البرافو ...
لكن قلبي دايما بيروح للبرافو ... عربيه تحبها اول ما تشوفها الجولف بحس أني قاعد قدام الكي بورد ... شكل نمطي ممل ... الليون من بره جميله ... لكن مش احلا من البرافو ... خصوصا انها من بره او من جوه تحفه ... لكن الليون التايلوه نفس التأثير الالماني الممل ... الايطالي عربيه ليها روح ... الالماني عربيه بشخصيه بارده ... وطبعا الاداء الايطالي بيكون ممتع حتى لو كان ابطاء او اضعف .. لكن تأديه ممتعه .. ما بالك لما يكونو 121 حصان على موتور ايطالي ... والاتنين الليون او البرافو ملهومش سعر في اعاده البيع ... فطالما بايظه بايظه ... يبقى الواحد يجيب الحاجه اللي يحبها ... ومن كلامك انت وقعت في دباديبها ptmnlo123per1147 |
رد: حكاية فيات برافو من الألف إلى الياء
sam بيه تصدق لو قلتلك تلاته بالله العظيم ما بنام من كتر التفكير فيها ......بس هيا شوية الاوبشنز الحبشتكنات اللى فى الليون هيا اللى مجننانى و متنساش بردو يا sam دول 150000 تقريبا على الترابيز .....و خوف شوية من أوماترا ما أنا مجربهم فى البرافا اللى بعتها..........أنا كنت فاهم فى العربية أكتر منهم و الله
|
رد: حكاية فيات برافو من الألف إلى الياء
هوا لو الموضوع داخل في دفع فلوس و كده انا الصراحة هاميل لفولكس جروب علي الأقل ليها مراكز صيانة غير التوكيل و في الآخر الليون هيا الجولف هيا الجيتا هيا الاوكتافيا |
رد: حكاية فيات برافو من الألف إلى الياء
دايما المقارنه بين الالماني و الايطالي بيكون صراع بين العقل و القلب ...
أجيب العربيه المضمونه والمقبوله قلبا و قالبا ... و لا اجيب العربيه اللي عاجباني و بتجذبني ليها .... اوماترا أنا مجربتهمش ... بالعكس يمكن كانو السبب إني بعت السيينا بسرعه ... لأني من سكان أكتوبر و كنت بعمل الصيانه في أخبار اليوم .. و لما اوماترا أخدو التوكيل ... اخبار اليوم بقى فورد .. وصيانه النيل في ابو رواش اسواء مركز شفته في حياتي ... كده كده كنت ناوي أغير العربيه .. لكن إن التوكيل بقى في الشرق و انا في الغرب خلاني اغير على طول ... لو بتحسبها من حيث توافر مراكز الصيانه و قطع الغيار حتبقى الغلبه لليون ... ( لكن اي عربيه اول 5 سنين او 100 الف مبتحتاجش أكتر من الصيانه العاديه و لو بتراعيها كويس تقعد معاك أكتر من كده من غير أي مشاكل ...) لكن لو بتحسبها سعر إعاده بيع و انتشار .. فمعنقدش حتفرق كتير .. لأن الليون والبرافو مش منتشرين .... و كمان الاتنين هاتشباك .. والعربيه اللي يبقى ليها سعر في السوق في اعاده بيعها لازم تكون منتشره و سيدان ... يا اما تحكم المنطق أوي و تجيب جولف او تعمل زي الناس و تجيب اوكنافيا او جيتا .... او .... كورولا !! معلش ... برغي و كلامي بايخ و محير شويه ... بس لو في مكانك ححتار زيك .. و أكتر كمان ptmnlo123per1127 لكن في النهايه لازم حد ينتصر ... العقل او القلب ... مع ان البرافو خيار عقلاني الي حد ما .. لكنها تجنن برضو ptmnlo123per1106 |
رد: حكاية فيات برافو من الألف إلى الياء
انا مقتنع تماما ان شراء سيارة هو زواج حب لا زواج عقل,
و واضح ان البرافو قد أخذت قلبك, لازم تحب السيارة حتى تشتريها. موضوع التربو هو صحيح التربو عموما بيقصر عمر المحرك, و ده طبيعى, لكن ليس معنى ذلك أن محرك البرافو عمره قصير, عمر محرك البرافو تربو سوف يكون حتما أقصر من عمر محرك البرافو بدون تربو, لكنه ليس قصيرا بالمطلق, و محركات فيات فى العموم معمرة و تحتفظ بأدائها لفترات طويلة. من ناحية العقل فان البرافو أكثر سرعة و أفضل أداء و بالتأكيد أمتع فى القيادة, و السيات تنتمى لمجموعة فولكس فاجن و التى لا تنتمى للألمانى الا من الناحية القومية فقط, لكن سمعة الألمانى يعنى سمعة المرسيدس, و فولكس لا تمت الى مرسيدس بصلة. نصيحة منى, لا تعاند قلبك! |
رد: حكاية فيات برافو من الألف إلى الياء
برافو ومتفكرشى كتير كفاية شكل العربية وأدائها الايطالى ايطالىptmnlo123per171اى حاجة تانيةptmnlo123per125
|
رد: حكاية فيات برافو من الألف إلى الياء
http://www.masrmotors.com/vb/showthread.php?t=11256
يا ريت تراجع الموضوع ده "وسقط حبي للبرافو " للعضو "Etsh" وياريت تراجعنا رايك |
| الساعة الآن 03:17 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017