رد: اوبل فيكترا 2002
 

تسلم يا باشا بس ليه الكل بيخوفني من حكاية الحرارة والتكييف في الاوبل دا بيقولوا بتسخن وتكييفها مبيتصلجش

رد: اوبل فيكترا 2002
 

مهم جدا النقطة الاخيرة

وفى انتظار الرد

رد: اوبل فيكترا 2002
 

بص انا هاقولك الصراحة ومحتاجين انا وانت ان المهندس /amr elsisi 1 يصلحلى معلوماتى لو انا غلطان
انا بقالى شهر او اكتر مش عارف ارسى على بر لانى عاوز اجيب فيكترا B2
عاوزها اوتو 2000 سي سي
وحاطتت العربية دى تحت المجهر
ودى اول مرة فى حياتى اتانى فى شراء سيارة معرفش لية

العربية زى الفل واوروبى لا والمانى كمان ....ثبات وعفشة ممتازين وقطع غيار مش غالية والله لانى بقول لحضرتك انا بقالى شهر بجمع معلومات عنها بطريقة حضرتك لا يمكن تتخيلها ومن ضمنها نزول الحرفين مرتين اسال على حاجتها وبشوف انهى موتور افضل فيها لانها فيها مواتير كتير
لكن ما فيش حاجة كاملة الموتور الكويس العفى تلاقى تمنة غالى وحساساتة كتير ويحتاج صيانة اكتر

والمشكلة الاساسية اللى مقبلانى ان الفيكترا بالفعل تكيفها لو سليم مش اد كدة فعلا ضعيف اوى ودة لان مواسير التكييف بتمشى من امام الفرن بتاع الموتور بيسخنها
وصيانة التكييف نفسة مكلفة اوى لدرجة ان فى بتوع تكييف مش بيرضى يشتغل فى الاوبل من اصلة لان اعطالة كتير وممكن يعمل مشاكل مع الزبون والصنايعى وبعدين انا معتقدش انك ينفع تمشى فى الصيف من غير تكييف او حتى تكييف ضعيف وانت شارى عربية ممكن فوق الـ 60 الف يعنى حاجة تزعل

تانى مشكلة هى جهاز الـ ABS كل ملاكها بيشتكو منة انة بيتلف على طول

ثالت مشكلة هى السعة اللترية 2000 سي سي يعنى العربية دى مش هايطولها الدعم نهائى
وحاسس .....مجرد احساس ان لو الموضوع دة اطبق العربيات دى ممكن سعرها ينزل اوى يبقى انت لسة شارى وممكن بعدها بشهر العربية ينزل تمنها 20 الف او على الاقل بعها هايكون تقيل جدااااااااااااااااا
طب لو ركبلها او اشترناها بموتور 1600 سي سي كل الناس بتقول ان الموتور قليل على العربية وخصوصا لو اوتو

المشكلة الاخيرة
الموتور الاسود بتاع منصور الـ 2000 سي سي والـ 1600 سي سي نصف انجكشن او انجكشن كامل مش موجود استيراد نهائى ولا كمان قطع غيارة موجودة

طب والعمل ؟؟؟؟؟؟؟؟؟؟؟؟؟؟؟
حاسس انها مغامرة فى الوقت دة تحديدا فى شراء الفيكترا

رد: اوبل فيكترا 2002
 

السلام عليكم اصدقائي الاعزاء
بالنسبة لسؤال الاستاذ MR_SELVESTER علي الخاص بالنسبة ل bmw
انا مااقدرش افيدك ماعنديش معلومات عنها خالص
بس كل الي اسمعة قطع غيارة اغلي من الاوبل وسعر موديل 2000 بيوصل ل80000
اما عن دردشة الاوبل
1:بالنسبة للحرارة هيا فعلا مصممة لدول اوروبا وانا كنت بعاني حتي التعديل
فابلتاني حنغير ترموستات تشغيل الحرارة من (92:99 99:105) الي (82:89 89:95)
زكدة خلصنا من موضوع الحرارة
2:موضوع abs ماتشتريش عربية الالمبة منورة وعامتا الجهاز 500ج
3:موضوع التكيف ماتشتريش عربية التكيف مش شغال
وعامتا الكمبروسر الاصلي 700 ج وكمبروسر النوبيرا 450 ج وبيركب عاليها
وشبكة المواسير استيراد 450 او تايوان وكلة شغال عليها 250ج
وطبعا اتاكد من سلامة العفشة
ومن مميزات العفشة ان جلب المقصات زيت
والمساعدين هوا علي زيت
وخلينا متفقين ماتركبوش غير ثلاث انوع
1: موتور 1600 اسود كامة واحدة هاف انجكشن
2:موتور 2000 اسود كامة واحدة انجكشن كامل
3:موتور 2000 ابيض 2كامة وبيسموة في السوق البلاطة علشان الغطاء بلاطة ملساء
4:الاوتو فقط 2000 سي سي
اما عن موضوع الدعم فانا سمعت كل ماهوا سنة 2000 وقبل
حيتعامل معاملة 1600 حتي ولو 4000 سي سي

رد: اوبل فيكترا 2002
 

كدا انا حيرتي زادت ... انا بتخنق من العربية الي ليها مشاكل

طب لو قولنا استرا هنقول ايه عيوبها ؟

رد: اوبل فيكترا 2002
 

سبحان الله
مع زميلى وجارى اوبل استرا 2004 حالة فوق الممتازة
فبريكة برة وجوة ومفهاش خدش وعربية زى الفل
بيعمل بيها مشوار يومى 100 كم
لكن للاسف بيشتكى اوى منها
والله لسة من كام يوم بيقولى كل لما اعمل حاجة تطلع حاجة تانية .........زعلنى جدا علية
وللعلم حاجتها غالية اوى

الاسترا 2000 و 2001 مع جارى فى نفس العمارة العربية دى 1200 سي سي زى الفل مفهاش مشاكل خالص وشغالة معاة بيحطلها بنزين وزيت بس

رد: اوبل فيكترا 2002
 

يعني حالة فردية ولا عيب صناعة لموديلات معينة