مصر موتورز مجتمع السيارات - هل اتعرضت لموقف زي ده قبل كده ....وعملت ايه ......؟؟

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - هل اتعرضت لموقف زي ده قبل كده ....وعملت ايه ......؟؟ (https://www.masrmotors.com/vb/showthread.php?t=109401)

رد: هل اتعرضت لموقف زي ده قبل كده ....وعملت ايه ......؟؟

اقتباس:

المشاركة الأصلية كتبت بواسطة tefa_memo (المشاركة 852869)

السلام عليكم ورحمه الله وبركاته
من كام يوم كده واحد صاحبي كان مسافر اسكندرية وركن في شارع جانبي علي الكورنيش في العصافرة (( مكنش يعرف طبعا اسم المنطقة )) وراح كام مشوار علي رجله في خالد ابن الوليد يتسوق بعد ما واحد وصفله ازاي يروح خالد ابن الوليد ولما خلص قال يروح يجيب العربية عشان يروح ........
لغاية كده كلام زي الفل ......!!
طبعا لان الشوارع ع الكورنيش زي بعض مخدش باله انه يميز الشارع بأي حاجة عشان تسهل عليه لما يرجع ياخد العربية .....وفضل حوالي 1.30 يدور في الشوارع ع العربية لغاية لما كان هيجيله احباط بكذا حاجة (( اما انها اتسرقت - او اما انه مش عارف يوصل لمكانها وتاه عنها ))
المهم فرك المنطقة كلها لما خلاص يعني استوي ويدخل شارع يلاقي نفسه طالع في نفس المكان اللي كان فيه بس من شارع تاني جانبي لغاية فين وفين لقاها راكنه في شارع جانبي ياااااه زي ما يكون شم نفسه المهم عرف بعد كده ان المنطقة دي اسمها العصافرة بعد جاد بكام شارع ... لدرجة انه كتبه في اندكس عشان يعرفه بعد كده لما ينوي ييجي ولو اني اشك انه هينزل لواحدة تاني من غير ما يكون معاه حد دليل من اللي يعرف اسكندرية كويس
فبصراحة الموقف ده ممكن حد فينا لاقدر الله يتعرض له وخاصة لو مسافر بلد اول مرة تروحها او مش حافظ شوارعها
فيا ريت اي واحد بيركن عربيته في مكان جديد يميزه بأي حاجة او يكتب اسمه ع الموبايل او حتي اي محل موجود فيه او عمارة مميزة ....الخ تجنبا للوقوع في نفس الموقف لاقدر الله
وفقنا الله لما يحبه ويرضاه

حصلت لي مرتين الصراحة مرة كنت راكن في باركينج من اللي جمب سيتي ستارز اللي في مدينة نصر وكنت انا ومراتي وكان ابني لسه مولود بيتشال يعني وكنا داخلين سبينس المهم طلعنا من باب تاني وطبعا معانا الشنط ونلف وندور على الباركينج لفينا حولين سيتي ستارز مرتين من بره وطبعا الناس عارفه مساحته اد ايه
المرة التانية كنت في مشوار في الزمالك وركنت العربية جمب سفارة اهوة معلم الشارع اهوة ووقفت هزرت مع عسكري الحراسة اللي واقف وزي الفل اهوة انا ركنت امتي العصرية حلو الكلام عقبال ما خلصت مشواري كان بقى بليل متأخر والمحلات قفلت والمعالم اتغيرت ودور بقى يا معلم على سفارة في الزمالك يالهوي ساعتين بدور على العربية وكان معايا واحد قابلته في المشوار قولتله هوصلك يقولي خلاص سيب العربية وناخد تاكس ايه الاقتراح اللي يودي في داهية دة ههههههههههههههه
بس الصراحة حركة بتوقع القلب

رد: هل اتعرضت لموقف زي ده قبل كده ....وعملت ايه ......؟؟

و أنا ياااااما حصلت معايا
يبدو إن حالة الزهايمر دى حاله عامه

فى مرة ركنت عربيتى و قضيت المصلحة بتاعتى و راجع بالليل متأخر و تعبااااااااان و بأحلم باللحظة إللى هأدور فيها العربية و أروح.
و الحمد لله متاهتش لأن المشوار متكرر و أنا بأحب أركنها فى نفس المكان كل مرة
الغريب أنها مدارتش, يمكن البطارية ضعيفة. أخبط بحجر .. أبداً.
طيب أيديكوا معانا يا رجاله زقه و نرملها......... هههههههههه
طلعو يجروا عالكورنيش زق للعربية و أنا أحاول أرمى و دى أبداً, الناس نفسها أتقطع :joy23:
طيب متشكرين يا رجاله و أنا آسف.أدور على ميكانيكية أو كهربائية, ألاقى البشوات فاعدين عالقهوه و كل واحد ماسك لىّ الشيشه و عمال يمصمص و يشد و مكسل يقوم يشوفها, (أصله قفل المحل و العده جوه)
و قررت أركنها و أقفلها و ربنا الحافظ. و أقضيها مواصلات.
قفلتها.و بصيت عليها بنظرة الوداع. و مشيت .....
خطوتين و أفتكرت إن فى زرار فصل, قولت أشده بالمرة زيادة تأكيد.
بأشدة لاقيته مشدود أصلاً :09C207~188:
و أنا و لا فاكر إنى شديتة خالص قبل ما أركنها.
طبعاً دورت و طلعت أجرى زى المجنون عالكورنيش:fun_36_1_39[1]:

رد: هل اتعرضت لموقف زي ده قبل كده ....وعملت ايه ......؟؟

حصل معايا نفس الحوار تقريبا من كام سنة كنت فى جراج كارفور وركنت العربية ودخلت بقى الف واشترى وكلت وكلو تمام طلعت بقى اخد العربية علشان اروح.... فين العربية مش موجودة يانهار اسود اروح هنا واجى هنا العربية اتسرقت سعتها تحس ان وشك احمر وشعر راسك قشعر اجيب الامن فين ياجدعان العربية اتسرقت و اشتم فيهم وحسبى اللى ونعم الوكيل المهم كان فى واحد فيهم من يتوع الامن كل شوية يقولى يابيه ان متاكد ان انت ركنتها هنا و انا اشتمه وقوله هو انا مجنون يا ابن ....... يا بيه اتاكد اصلها حصلت قبل كده كتير اقوله اما متاكد انى سبتها هنا يقولى طب براحة بس ممكن تكون فى صف تانى المهم ماشى معاهم بعدها بكام صف العربية اهيه واقفة مكانها كلهم بصولى حته دين بصه :shyy:

رد: هل اتعرضت لموقف زي ده قبل كده ....وعملت ايه ......؟؟

حصلتلي في جراج عمارتنا في إسكندرية (أنا أصلاً من القاهرة).. ركن العربية و نزلت بالليل أدور عليها و لفيت الجراج كله لمدة لم تقل عن 10 دقائق :dzy: وفي الأخر لقيتها أول عربية راكنة جنب باب الجراج :ROFL_C~118:

رد: هل اتعرضت لموقف زي ده قبل كده ....وعملت ايه ......؟؟

اقتباس:

المشاركة الأصلية كتبت بواسطة Hisham.Elgazzar (المشاركة 852929)

فعلا لما يكون مكان جديد واول مرة يروحوا
وكمان العربية موجود منها كتير شبهها بتلخبط
انا لما بنزل مكان جديد لو ينفع أحط العربية فى جيبى هعملها
وبعدين الناس بتوع إسكندرية ماشاء الله متعاونين جدا ، تطلب منه حاجة يقولك وانا مال اهلى أعملك اه كل واحد بيتعلق من عرقوبو :12BF86~159:

انت بتقول فيها الواحد بيبقي عاوز ياخد العربية معاه في اي مكان بس للاسف مينفعش

رد: هل اتعرضت لموقف زي ده قبل كده ....وعملت ايه ......؟؟

اقتباس:

المشاركة الأصلية كتبت بواسطة modyegypt (المشاركة 852958)

طيب دى بلد غريه عليه ماشى ..مقبوله .
انا بقى اكتر من مرة انزل واركن فى اى شارع جانبى جمب السكه الجديدة (المنصورة)
وحافظ الشوارع صم
والف كام لفة والجماعه يكلوا دماغى
واتفرج يا معلم على الزهيمر
ركنت العربيه فين بقا مش عارف ولا فاكر فى انهى شارع
يا نهار والجماعه يتصلوا بيا عايزين يروحوا وانا ولا الدموع دماغى مش موجودة
يا دوب اللى فاكرةان المفتاح فى جيبى ....:w6w200504112236376d
ونفس الكلام عند الجامعه ......
ومن دة كتيرررررررررررر

انت هتقولي علي الشوارع اللي عند السكة الجديدة مليانين عربيات راكنة وتحس ان كلهم شبه بعض

رد: هل اتعرضت لموقف زي ده قبل كده ....وعملت ايه ......؟؟

اقتباس:

المشاركة الأصلية كتبت بواسطة kbarema (المشاركة 852990)

هههههههه حصلت معايا بس كانت اصعب من كده
لو حد فيكو راح العتبه
فيه هناك جراج 6 ادوار
روحت بلانسر بومه بتاعه والدى وركنت في الدور الخامس تقريبا ونزلت اشتريت حاجتى كنت المفروض انى بتجوز
المهم انى نستي الكارت بتاع الجراج في العربيه بدل ما يضيع منى
وانا راجع وشايل علي كتفي انا و3 اصحابى طلعنا ملقناش العربيه فعلا مش موجوده مكانها
قلبت الدنيا مش موجوده طلعت ونزلت ال 6 ادوار انا واصحابى مش موجوده نديت الامن وشتمته وضربته وقولتلهم مش ماشي الا بالعربيه والعساكر جت وكانت فضيحه والناس اتلمت حتى اللي كانوا راكنين كله خاف علي عربيته والامن يقولي طب فين الكارت بتاع العربيه قولتله انا سيبته جوه العربيه يقولي خلاص ملكش حاجه عندنا ايه اللي يثبت انك سيبت هنا عربيه وانا اضرب فيه قولتله روحك قصاد العربيه
وكان هيجيلي ازمة قلبيه
وفي الاخر جه واحد شكله اهبل يقولي انت متاكد انك راكن هنا اشتمه شتيمه وحشه كنت منفعل اوي و كنت هضربه الا انه انتبه وقالى اصل فيه هنا جراج تانى شبه دا بالظبط قولتله بتهرج قالي اه جراج العتبة قولتله امال ده ايه قالي دا جراج الاوبرا ببص وهو بيشاور عليه لقيته نفس المبنى اللي انا فيه بالظبط بنفس عدد الادورا والشكل جريت جريت جري ما بعده جرى وطلعت الدور الخامس جرى لقيت العربيه واقفه حضنتها وقعدت ابوس فيها وقعدت علي الارض مش قادر اقف اتارى انا لفيت في العتبه وطلعت من مكان تانى والجراجين شبه بعض خالص ومختش بالى هههههههههه عمرى ما هنسي اليوم ده

اوبا ده موقف جامد كويس ان ربنا سترها معاك ومنضربتش بعد ده كله لما عرفوا انك غلطان وبعد البهدلة اللي انت بهدلتها للامن