مصر موتورز مجتمع السيارات - بتعلم السواقه جديد و ربنا يستر !! :(

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - بتعلم السواقه جديد و ربنا يستر !! :( (https://www.masrmotors.com/vb/showthread.php?t=109113)

رد: بتعلم السواقه جديد و ربنا يستر !! :(

شكرا يا جماعه انا مش عارفه اقولكوا ايه ربنا يستر طريقنا جميعا يارب

رد: بتعلم السواقه جديد و ربنا يستر !! :(

والله نفس مشكلتى انا خايفة اووووى واخدت كورس السواقة مرتين وبردو قلقانة جدا
ومش عايزة اقولك على قلة ذوق الناس فعلا
زيك بردو ادى اشارة ولا يحترموها
أبقى مهدية يقعدوا يزمروا مع انهم ممكن يعدوا من جنبى مفيش مشكلة
مش فاهمة ليه بيعملوا كده ... وفى نفس الوقت بشوف بنات ماشية زى الفل ما شاء الله ولا هاممها مش عارفة العيب فيا ولا انا علشان لسه فى الاول ف مخضوضة ولا ايه
ربنا يستر

رد: بتعلم السواقه جديد و ربنا يستر !! :(

ياريت لو حضرتك تنزلى بالعربية فى اماكن مش فيها زحمة وعلى فكرة اللى بيتعلم على عربية قديمة لما تركبى الجديد هتبقى متمكنة فى السواقة هتحسى بمتعة القيادة بعد كدا تأكدى علامك هيكون كويس طالما على عربية قديمة

اما بالنسبة لغيارات الفتيس مش موضوع زيت الزيت مش بيخلى الفتيس يدقر فى حارات حارات خلى الميكانيكى يبصلك على الدبرياج يعليه شوية ويريحلك عصاية الفتيس هو فاهم هيريحلك الغيارات اما لو بيدقر معاكى اكتر فى الاول والمارشيليه تاكدى ان دا ديسك واسطوانة عاوزين يتغيروا لان العربية قديمة واكيد اللى بايعها جايب اخرها