|
رد: طلب مساعدة مشكلة صوت نقرة فى ال 28
اولا اشكر السادة الافاضل الذين اهتموا بالموضوع
بالنسبة امستر استرا انا الميكانيكى فعلا لم الشداد علشان كان شاكك زى حضرتك كدة بس ما فيش جديد ثم انة راجع على قواعد الموتور و قاعدة الفتيس بس لية سؤال هو ممكن تكون فية علامات لقاعدة الفتيس او قواعد الماتور غير الطقطقة اما الشكمان فانا مراجع علية من قريب و تقريبا مغيرة كلة من 4 شهور ما عدا المشترك بس يا بشمهندس ملعش استاذ مهران مش فاهم موضوع الصليبة دة وشكرا للجميع |
رد: طلب مساعدة مشكلة صوت نقرة فى ال 28
السلام عليكم ورحمه الله وبركاته .
أخى الكريم هل الفتيس 4 غيار أو 5 غيار فإذا كان 5 غيار تأكد من الميزان فمن الجائز ان الفتيس يخبط فى الميزان فى مجموعه الخامس فالميزان المعدل به تجويف لتلافى مجموعه الخامس فى الفتيس |
رد: طلب مساعدة مشكلة صوت نقرة فى ال 28
اقتباس:
تعمل اهتزاز فى بدال الدبرياج ممكن الغيارت تعض معاك قاعدة او الشداد اللى تحت الاستبن بين الغيارات تلاقى العربية بتعمل زى الجمل لان الموتور سايب القاعدة اللى فى الكرتيرة دى سهلة بتبان بالنظر طب انا عاوز اسالك سؤال لما بتدوس بنزين وبتشد بالعربية لو سبت الدواسة وانت مش دايس دبرياج بتحس ان العربية بتحدف يمين او شمال ؟؟؟؟؟؟ |
رد: طلب مساعدة مشكلة صوت نقرة فى ال 28
السلام عليكم
شكرا للاخ طارق و العربية خمسة غيار 1300 سىى سى و موضوع الميزان دة بيكون عفشةو لا ميكانيكا للاخ سترا شكرا على اهتمامك بس كل اللى حضرتك قلنة مش بحس بية فى العربية بس لو سبت دواسة البنزين فجاة بسمع صوت الخبطة من تحت شكر وتقدير |
رد: طلب مساعدة مشكلة صوت نقرة فى ال 28
طب انا كنت شاكك فى المقص ان مكانة مبوش وعاوز لحام
بس كدة لا الميزان برىء ودماغة رايحة اوى لقنطرة الفتيس القنطرة اللى بيكرب فيها قاعدة الفتيس القنطرة دى بتتربط بمسمارين فى صالون العربية وزيهم فى الصدر من ادام ولتحت ما تشوفها يمكن تكون فكة |
رد: طلب مساعدة مشكلة صوت نقرة فى ال 28
بسم الله الرحمن الرحيم السلام عليكم ورحمة الله وبركاته انا كان عندى مشكلة مشابهة الا وهى انى لما ادوس بنزين واشيل رجلى من على الدوسات التلاتة خالص اسمع طقة وكأن فى صاجه بتتقوص او صوت شبه يعنى كدا المهم عملت تقريبا كونسولتو على العربية وما طلعتش باى نتيجة اللهم انى غيرت شوية حاجات فى العربية وبرضو فضلت هى هى لغاية ما روحت لسمكرى صاحبي واكتشف ان الشاسية فيه شرخ صغير قوى قالى تعالى نلحمه وبالفعل لحمة وما اخدش فلوس كمان منى وبعدين لاقيتها راحت وفرحت .......ان شاء الله مشكلتك تكون بسيطة وحاول تخلى سمكرى يشوفها |
| الساعة الآن 09:28 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017