رد: جديدة ف السواقة وقلقانة ..
 

كل السواقين اللي في العالم كانو مبتدئين في يوم من الايام ... مفيش حد اتولد بيعرف يسوق ... حتى مخترع العربية :)

رد: جديدة ف السواقة وقلقانة ..
 

سلام عليكم
عزيزتى قائده السيار متخفيش السواقه لازم يكون قلبك جامد ومش عايزه تردد
وموضوع الربكه ده طبيعيى جدا والسواقه مش صعبه وعايزه ممارسه
اهم حاجه ركزى امامك كويس وقبل الانحراف يمين او شمال بصى فى المراءه
ولما يكون فى حد جاى من بعيد يمين اوشمال قيسى المسافه لازم تكون كافيه
واللى وراكى متركزيش معاه بس متتوقفيش فجأه بس
والفتيس احفظى الغيار ومتبصيش عليه وخدى الغيار عميانى
بعد عده اسابيع هتلاقى نفسك بتبصى على المريات والعدادات وكل حاجه فى وقت
واحد بالممارسه
هيه مش كمياء خالص اى حد ممكن يسوق مع الوقت
انا رابع يوم كنت بسوق على الدائرى واحلى سواقه بعيد عن الزحمه
اطلبى من اللى بيدربك السواقه على الدائرى بعد كده مش هتخافى من حاجه
بس خدى يمينك وخلى بالك من الطلعات تبعدى عنها
وبكره تتعلمى وتكسرى علينا كمان وربنا يوفقك
والله المستعان

رد: جديدة ف السواقة وقلقانة ..
 

شكرا .. جزاكم الله كل خير :)

رد: جديدة ف السواقة وقلقانة ..
 

رد: جديدة ف السواقة وقلقانة ..
 

وانا كمان هاستلم العربيه بكرة ومش عارفه هاروحها اذاى ههههههههههه

رد: جديدة ف السواقة وقلقانة ..
 

جزاك الله كل خير

الحمد لله لغايت دلوقتي حكاية الدواسات دي مبقتش فيها مشكلة معايا مشكلتي لسه ف المرشدير والتحويد فيه يمين وشمال هي دي اللى لسه عيزه شوية تدريب

رد: جديدة ف السواقة وقلقانة ..
 

ههههههههههههههه هي اول خطوة دي اللى بتبقى صعبة بس جمدي قلبك واتوكلي على ربنا وان شاء الله الدنيا هتمشي
او لو فى حد هيبقي معاكي خليه هو يمشي شوية بالعربية وبعدين كملي انتى :)
ربنا معانا :)