مصر موتورز مجتمع السيارات - كيفية التصرف اذا وجدت العربية الجديدة مش فبريكة

مصر موتورز مجتمع السيارات (https://www.masrmotors.com/vb/index.php)

- سوق السيارات المصرية (https://www.masrmotors.com/vb/forumdisplay.php?f=147)

- - كيفية التصرف اذا وجدت العربية الجديدة مش فبريكة (https://www.masrmotors.com/vb/showthread.php?t=107263)

رد: كيفية التصرف اذا وجدت العربية الجديدة مش فبريكة

من غير مشاكل ولا خناقات ولا تتسجيلات
حل معقول وفكر فيه
اعتبر نفسم بتبيع عربيتك مستعمله دلوقتي وهي موديل 2011 كانت هتجيب كام اقصي حاجه 80000 جنيه
يبقي الامثل من وجهه نظري خد ال 78000 وكانك جبت الاوبترا ومعجبتكش وحبيت تبيعها
وتبقي خلصت من عربيه كانت مقلوبه ومن غير مشاكل ولا ايهايه ياترى

رد: كيفية التصرف اذا وجدت العربية الجديدة مش فبريكة

ياريت تقلنا اسم المعرض عشان محدش يتعامل معاه تاني حاجه انا شايف انك تحاول تتفاوض مع صاحب المعرض وتقله انك هتطلع علي جهاز حمايه المستهلك وهتعمل مشاكل ولو وافق يزودلك المبلغ ل84 الف كده يبقي كويس واديله العربيه واعتبر نفسك اجرت العربيه اربع شهور وع فكره انت لو خد تقرير فني من التوكيل وطلعت للحمايه المستهلك هتخد حقك بس المشكله انها بتخد وقت وانصحك برضه انك لو صاحب المعرض اقنعك انه يدفعلك تعويض متوفقش عشان العربيه بدال غيرت سقف يبقي كانت عامله حادثه كبيره وما خفي كان اعظم وان شاء الله تخد حقك

رد: كيفية التصرف اذا وجدت العربية الجديدة مش فبريكة

اقتباس:

المشاركة الأصلية كتبت بواسطة tamer.koko (المشاركة 837093)

بصراحة أنا مع رأي tamer.koko لأنك هاتشتري بالـ 12ألف دول وقت و راحة دماغ كبييييرة :1336: و هاتريح نفسك من سكة طويلة كنت هاتقضيها مع حماية المستهلك و المحاضر و الذي منه.. بس حاول تنجز و تمسك فلوسك و استعوض ربنا و ده على فكرة مش ضعف لكن ده إسمه ذكاء إجتماعي لأنك بتتعامل مع نصاب محترف فقدامك حل من الإتنين.. يا إما تاخد الـ 78ألف و بعدين تكسر المحل على أمه - :12B1B3~136: و أنا بصراحة كنت هاعمل كدة- يا إما تاخدهم و تستعوض ربنا لو مالكش في السكة الأولانية

رد: كيفية التصرف اذا وجدت العربية الجديدة مش فبريكة

توكيل شيفروليه قالي لا يمكن ان اعطيك ما يثبت حالة العربيه(توكيل محترم جدا!!!!!!!)
قالي روح حماية المستهلك وهو يطلب مننا

رد: كيفية التصرف اذا وجدت العربية الجديدة مش فبريكة

خلاص يا باشا يبقى إطلع خلص مع صاحب المعرض النصاب و خد فلوسك و اجري.. واحمد ربنا إنها جت لحد كده :w6w2005041122063463

رد: كيفية التصرف اذا وجدت العربية الجديدة مش فبريكة

اقتباس:

المشاركة الأصلية كتبت بواسطة ahmed.a.hassan (المشاركة 836736)

السلام عليكم و رحمة الله

يوجد لدي مشكلة كبيرة , انا اشتريت عربيه اوبترا 2011 من اربع شهور جديدة علي اساس لقيتها ب 90 الف (ارخص حوالي 6 الافمن 2012) ولكني عند صيانة ال 5 الاف وجدت ان العربية دي متغيرلها, سقف و مدهونه.
ما التصرف الان مع المعرض و ماذا يكون التعويض اللي اطالب بيه,هل تغيير العربيه أمر ممكن ام أطالب المعرض بتعويض

شكرا, ارجو ممن لديه خبره في هذا الموضوع او اقتراح الرد بسرعة

غلطتك من الاول انك اشتريت عربيه موديل قديم من معرض
على انها زيروا دى فى حد ذاتها فيها انه!!!!
طيب هيه ليه متبعتش من 2011 لحد دلوقتى
وكان المفروض انك بعد ما تخدها تشيك عليها كويس

اقتباس:

المشاركة الأصلية كتبت بواسطة AliSayed (المشاركة 837087)

السلام عليكم

مادام عرض عليك مبلغ يبقي خايف , اوعي تستلم للابتزاز ده , روح تاني و كلمه و لو تعرف يكون معاك حد و تسجله بالموبيل او كاميرا صوت و صوره و قوله انا هاخد حقي هروح للنيابه بالفيديو و ان مجاش نتيجه هكسر المعرض علي دماغك دي عالم نصابه 12 الف و هيرجع يبيعها لشخص اخر محترم زيك انت لازم تفضحه عشان اللي حصل معاك محصلش مع غيرك

كلام سليم فى ناس مينفعش معاها الزوق والاحترام يعنى انته بتقولك انته نصبت عليه وبعتلى عربيه مقلوبه ومغيره سقف يقولك طيب هتها واعتبر نفسك ماجرها واخسر 12 الف دى بجاحه

اقتباس:

المشاركة الأصلية كتبت بواسطة Sameh Ragih (المشاركة 837276)

خلاص يا باشا يبقى إطلع خلص مع صاحب المعرض النصاب و خد فلوسك و اجري.. واحمد ربنا إنها جت لحد كده :w6w2005041122063463

وصاحب المعرض ينصب على حد تانى ويبعهاله وتبقا انته شريك فى جريمته
خد الطريق القانونى الاول وروح للتوكيل ومتمشيش غير بورقه معتمده بحالة العربيه
بائى طريقه او ابعت حد بتثق فيه بالعربيه التوكيل على انه بيشتريها وجيبها ليهم يفحصوها له وبعد ما يخلصوا ويقول له على اللى فيها يقولهم عايز ورقه معتمده منك بكلام ده واعمل محضر بالكلام ده وبلغ حماية المستهلك وعرف صاحب المعرض بالكلام ده كله الاول ربما يليمها ويخلص الموضوع
مكنش يبقا تقوله انا هخسر الف جنيه كمان وهطبع ورقه باللى حصل كله ما بينى وما بينك وهوزعها فى المنطقهوالمحافظه اللى هوه فيها على كل عربيه ماشيه فى الشارع وعلى كل بنادم هشوفه فى الشارع وابقا قبلنى لو حد اشترى منك عربيه تانى
متبقاش سلبى وتسكت على حائك
الساكت عن الحق شيطان اخرص

رد: كيفية التصرف اذا وجدت العربية الجديدة مش فبريكة

ياريت متسيبش حقك دول مش 500 جنيه , 12 الف مبلغ كبير و للاسف اعتقد انك لو وافقت غالبا مش هيديك 78 زي ماقالك و هيحاول ينزل تاني و تسمع اسطوانه معيش و اقسطهم .
امشي ورا حقك بالقانون اولا ثم بالعافيه