رد: ليه بتجيب عربيه ادخل وجاوب^_^
 

انا عن نفسي بحب العربيات يعني اقتناء عربية ده بالنسبة ليا حب اكتر من الاهداف المرجوه من العربية بس طبعا بما انها موجودة فا بتوفر علي الواحد البهدله في المواصلات و بتقصر الوقت و المسافات بدل المواصلات و لما الواحد دماغه كبرت اكتر و بقي فاهم اكتر في العربيات هدفي بقي التعديل و التعديل الميكانيكي اكتر من الشكل

رد: ليه بتجيب عربيه ادخل وجاوب^_^
 

أنا بقى العربية عندى ضرورة ملحة علشان الشغل و دلوقتى المسافات بقت طويلة و الشقق الجديدة فى أماكن منعزلة فالعربية حتى للشباب مبقتش رفاهية أبدا
ده حتى كمان انا جبت عربية تانية للولاد و مشاوير المدارس و النادى

رد: ليه بتجيب عربيه ادخل وجاوب^_^
 

بدايه احييك علي التفاعل و محاوله المشاركه
بالنسبه للعربيه
فكان زمان اللي معاه عربيه دا زي اللي عنده شاليه في مارينا حاليا
يعني كانت بالنسبه للناس حلم بعيد المنال شويه
دلوقتي المشاوير كترت و المواصلات بقت زحمه و الدخول ارتفعت و ماحدش ينكر دا
فبقي العربيه امر طبيعي خصوصا بعد ما اسعار العربيات تعتبر ارخص
مقارنه بالدخول و دا اللي خلي العربيات تكتر
يعني مثلا طول فتره التمانينات مكنش في شارعنا حد عنده عربيه غيرنا و لما نقلنا
بيتنا الجديد برضه نفس الوضع في اول التسعينات
لما اجي ابص علي بيتنا القديم و شارعنا الحالي اصبح كل بيت فيه عربيتين تلاته
و بقينا بنتسابق علي اماكن نركن فيها!!!!!
فالعربيه دلوقتي اصبحب ضروره مش رفاهيه زي الاول.
انا عن نفسي ما بشتريش عربيه الا لو العربيه اللي معايا بدأت تزعلني
و مش من النوع اللي بيزهق من العربيه بسرعه
لان قليل لما عربيه تعجبني اساسا و تدخل دماغي و يبقي نفسي اركبها و امتلكها
لكن برضه فيه ناس تانيه بتمل من العربيه و بتبقي عاوزه تغيرها علشان زهقت
و فيه نوع تالت بقي اعوذ بالله كل ما موديل يطلع ينزل يجيبه علشان يتقال عليه راكب اخر موديل
او الناس تقول شفتوا فلان راكب ايه؟!!!!!!!!!
و دا بقي احسن نوع تشتري من تحت رجله عربيه لانه مش بتعيش معاه كتير

رد: ليه بتجيب عربيه ادخل وجاوب^_^
 

العربية في مصر ضرورة أساسية زي الأكل والشرب واللبس
بتحمي الواحد واسرته من بهدلة الميكروباصات والأتوبيسات
وبتغنينا عن دفع فلوس كتير جدا في التكسيات

الرفاهية الوحيدة في موضوع العربيات ممكن يكون نوعها واعتقد باستثناء قلة قليلة جدا هما اللي بيدوروا على العربية الأغلى بهدف المنظرة والفشخرة الكذابة....كلنا بنحاول نيجي شوية على نفسنا في الفلوس علشان نجيب عربية أمتن شوية أو أوسع سنة بسيطة أو كماليات معقولة و80 % أو أكتر من عربيات مصر تحت فئة ال 100 ألف ودي تعتبر أسعار بسيطة جدا ومفيش مجال للفشخرة أو المنظرة في الرينج ده....لو حد فكر يتفشخر في الرينج ده يبقى اسمه (احداث) و العياذ بالله وده مرض بيصيب الأغبياء فقط!!!

رد: ليه بتجيب عربيه ادخل وجاوب^_^
 

أنا استويت من المواصلات سواء كنت بسافر أو بروح الشغل... في الحالتين عذاب وبهدلةptmnlo123per1106
وبقى لازم ان الواحد يجيب عربية خصوصا اذا كان مقبل على زواج ومشاويره كتيير

رد: ليه بتجيب عربيه ادخل وجاوب^_^
 

طبعا موضوع جميل
عن نفسي العربية دي شئ اساسي مش رفاهية ممكن بسسب السكن و زحمة الموصلات
الشئ السئ في امتلاك العربية هي السواقة في الزحمة و وسط الأخوة ساقي التاكسي و الميكروباص

رد: ليه بتجيب عربيه ادخل وجاوب^_^
 

مظاهر فقط