رد: ياريت حد يرد عليا ضرورى
 

بص يا باشا فيه دائماً فرق بين الحكم على المطلق وعلى المعين

يعنى لما نقول ايه الافضل الاوبل فيكترا ولا البى ام الفئه التالتة على المطلق كتكنولوجيا وهندسة تصميم وحجم استثمار فى التطوير وقيمة البراند وعوامل كتير هتبقى البى ام مفيش كلام

لكن لما اكون انا مثلاً حابب شكل الفيكترا اكتر (لان ده ذوقى انا كدة) وعايز عربية صالونها اوسع ومش فارقة معايا التكنولوجيا والسمات الخاصة فى تصميمات البافارية وعايز عربيه المانى او اوروبى محترمة وبس تبقى الاوبل افضل بالنسبالى

علشان كدة بنقول مفيش افضل على الاطلاق لكن فيه الانسب
ومتدورش على الافضل على الاطلاق لكن دور على الانسب لاحتياجاتك واولوياتك وذوقك

للاسف 99% من الناس بتخلط بين الاتنين سواء فى الاختيار لنفسهم او فى نصح الغير

اما فى المقارنة مابين البراند نفسه (اوبل) مقارنة بالبراندات الالمانية التانية فهى بالرغم من كونها المانية الاصل والمنشاء الا انها مملوكة لجنيرال موتورز وتخضع لسياستها فى التطوير والانتاج وده بيخليها درجة تانية من الامانى او بمعنى ادق مش بنفس عراقة الشركات الالمانية الخالصة يعنى هى اقرب لعربيه امريكانى بتتصنع فى المانيا زى الفورد كدة :hech:

رد: مقارنة الاوبل بباقى الالمانى
 

مساء الخير على رواد مصر موتورز
انا محمد ومن عشاق الفيكترا مع انى مسقتهاش قبل كده...والهوس بالاوبل فيكترا بدا من 4 سنين كان واحد قريبى معاه اوبل فيكترا موديل 95 وكان بيشكر فيها اوى..
اول شئ حسيته فيها هو سحب السيارة وعزمها القوى...
على الرغم انى ركبت اول عربيه مستعملة كان تقريبا من 4 سنين بعد الجامعه على طوووول لكن مكانتش فيكترا للاسف...كتير حذرونى من قطع الغيار على الرغم من انها معمرة
لما اشتريت تانى عربيه ليا كانت شيفروليه لانوس زيرو 2011 ولسه معايا والحمد لله لكن حسيت ان فى فرق كبييييييييير بين انك تكون سايق عربيه كورى وبين ركوبة الالمانى وخااصة الاوبل فيكترا...
بدون اطالة انا الان بفكر بجدية فى شراء عربيه اوبل فيكترا موديل 2000 حتى 2003 وبقوم برش اللانوس نضافه عشان اقدر ابيع كويس ان شاء الله
وبعد البيع محتاج مشورة منكم
اشترى الاوبل من ميييين واحسن المانوال ولا الاوتوماتيك والاسعار بتكون متوسط كام وايه اهم حاجه اركز عليها وانا بشترى .... مع العلم ان السيارة الاوبل ميركبهاش غير اللى يحبها لانها فعلا معمرة وفى مثل قالة احد الرواد" الاوبل ركوبة باشاوات ما تشتريهاش من شحات"

عفوا على الاطالة وارجة الافادة