رد: افضل عربية عائلية جديدة مانيول ..... بحد اقصى 80 الف جنيه
 

اللى تشوفة لانى مش بحب العربيتين دول
مع انى عاشق للرينو لكن مش لوجان

رد: افضل عربية عائلية جديدة مانيول ..... بحد اقصى 80 الف جنيه
 

اللوجان طبعا:286: و المعاينة خير دليل.
SLAM

رد: افضل عربية عائلية جديدة مانيول ..... بحد اقصى 80 الف جنيه
 

بص أنا معايا لوجان
بس الاسبرانزا 516 هتنزل خلاص الشهر الجاى بالكتير بشكل جديد احلى كتير من القديم
و فى موضوعات عنها فى المنتدى هنا أدخل و شوف
بس أنا عن نفسى لسه بخاف من الصينى
بس ناس كتير اعرفها بتشكر فيه

رد: افضل عربية عائلية جديدة مانيول ..... بحد اقصى 80 الف جنيه
 

يا باشا ادفع 80 الف و قسط ال 15 الفاضلين و هات نيسان صنى
الفيرنا و اللانوس حماده و الصنى حماده تانى خالص
الفيرنا و اللانوس دول تقفيل تحت السلم اما الصنى فمعاك عربيه محترمه و ليها اسمها الغنى عن التعريف فى السوق العالمى
العربيه مع اختى من سنة 2004 و باخدها منها كتير و انا رجلى تقيله و مبتقليش لا و حمالة اسيه و تكييفها ممتاز و الفتيس الاوتو معملش اى مشكله قبل كده من سنة 2004
هتدفع 80 الف فى عربيه اللى منزلنها اساسا منزلنها ملخبطه يقولك موتور قوى على صاج ضعيف على فرامل هزيانه و كمان غلو تمنها عشرتلاف جنيه مش عشره جنيه يعنى
الصنى كمان غيرت الشكل بتاعها و بقى شبه الشكل الجديد للماكسيما
http://www.eltawkeel.com/newsdetails.aspx?id=538

رد: افضل عربية عائلية جديدة مانيول ..... بحد اقصى 80 الف جنيه
 

الف شكر على التفاعل يا رجاله .... وان شاء الله فى ميزان حسناتكم

المشكلة فى نقطة المستعمل .... انى هشترى تبع بنك و للأسف البنك مش بيمول غير الجديد وبس
ودلوقتى بعد ما استمعت لأراكم الاختيارات اتحسرت بين الرينو لوجن و الافيو
والحمد لله انا اطمنت للافيو بعد ما الاعضاء شكروا فيها و اكدوا ان عيوبها عيوب فردية مش مشكلة عامه

انا كنت عايز اتأكد من نقطة السعر
انا اخر سعر سمعته للرينو لوجن 2013 كان 72 الف ودا كان الموديل بالظبط
Renault Logan Black Line 1600cc - M/T
وبالنسبة للافيو كان 81.5 الف ودا كان الموديل
Aveo Manual LS - Remote Control - 1600cc - M/T
والاسعار دى انا قريتها من اسبوع تقريبا

كنت عايز اتأكد من الاسعار دى ... هل هيا فعليه ولا زادت بردة
وكمان الفئات دى تعتبر Full Option ولا Half ولا ايه بالظبط؟؟

رد: افضل عربية عائلية جديدة مانيول ..... بحد اقصى 80 الف جنيه
 

باشا اللوجان عدت ٨٢الف بزياده ١٠ آلاف جنيه
الأفيو اكيد زادت وكل العربيات زادت بسبب الدولار انا مع رائ الاستاذ الي نصحك بالصني و الابتعاد عن ال٢ لوجان و افيو

رد: افضل عربية عائلية جديدة مانيول ..... بحد اقصى 80 الف جنيه
 

فدلوقتى الاختيارات محصورة بين اللوجان و الافيو
ايه رأى حضرتك؟

عذرا للتأخير :)

من رأيي الافيو لأنها منتشرة اكتر وقطع غيار ارخص شوية من اللوجان والتوكيل قديم وله سمعته والعربية دى صاجها احسن شوية من صاج اللوجان والموتور اللى فيها نفس فئة موتور اللوجان 8 صبابات هو اقل فى السعة اللترية 100 سي سي لكنه بيدى تقريبا نفس عزم الدوران والقوة الحصانية

أرجو انى اكون افدتك