رد: زياده اسعار اللوجان
 

مينفعش حد يشتري بالسعر ده ميزه السعر راحت خلاص و لو قارنت زياده الدولار من 6.1 الي 6.7 ميعملش الفرق ده كله
الناس بتتعاقب مرتين مره بالانتظار من شهر 11 و مره اخري بفرق السعر , ايه بأه لازمه الحجز

غير كده قطع الغيار اللي هي اصل مشكله اللوجان اسعارها ايه , و كله بالدولار

رد: زياده اسعار اللوجان
 

ياجماعه مش اللوجان بس اللى زادات كله زاد وزياده فوق الخيال واللى جاب عربيه جابها خلاص

رد: زياده اسعار اللوجان
 

بالصراحه متستهلش 90 الف خالص والمونيول برضه ميستهلش 82 برضه كتير اوي وخصوصا ان العربيه عليها تخفيض ع الضرايب وفقا لاتفاقيه اغادير واول منزلت كانت ب56 الف فبصراحه كده اللي هيشتري يبقي بيدفع فلوس اكتر من قيمه العربيه بكتير وانصحه يزود ويجيب كيا ريو او سيراتو الشكل القديم افضل او صني او اوبترا كلهم افضل بمراحل بصراحه

رد: زياده اسعار اللوجان
 

مع احترامى لحضرتك ولكلامك العربيه مميزاتها كتيره ومريحه جدا الحمد لله وتستاهل التمن ولكن للاسف هوه الدولار اللى عمل فينا كدا وكله زاد مش اللوجان بس وكل الماركات زادت زيادات خياليه فياريت نخلينا موضوعين ونتكلم على السعر بلاش الكلام عن العربيه وشكرا

رد: زياده اسعار اللوجان
 

طبعا انا معاك ان كل العربيات ذادت بطريقه غريبه
انا معايا النترا شاريها من سنه وشهرين تقريبا كانت اول فئه اوتوماتيك وكيل ساعتها ب 128000 جنيه النهارده غبور بيقولي بقت ب 149500 طبعا قمه الافتراء لما توصل الهاي لاين ل 171000 جنيه طبعا في الاخر اسمها هيونداي
انما حكايه اننا نبقي موضوةعيين ومنتكلمش عن العربيه ليه منتكلمش ونقول انك رايح تجيب عربيه ب 82000 جنيه وانزل افتح الشنطه والتنك من بره يارجل ده العربيات دلوقتي بتفتح الشنطه بالريموت ومن الداخل ومن الخارج واعمل زرارين زجاج كهربا خلفي ورا بالمنظر القبيح ده اللي نزل في الاكسيل في سنه 94 ولما افكر اجيب البلاك لاين عشان تحكم الطاره ابقي بعذب نفسي مش بريح نفسي ده مكان ده وزراير الكهربا بتاعه قدام مكانها غريب في التابلوه مع زرار الانتظار وزرار تحكم المرايات اللي في النص ده في الكونسول ايه ده يارجل دي عربيه من جوه متكعبله عاوز خريطه وواحد فاضي مش واحد بيسوق كل دي عيوب ومش عاوزنا نتكلم
اذا حضرتك عاجباك العربيه ومستريحلها فده من حقك وكلامي لايسئ ولا للعربيه ولا لملاك العربيه لان دي اذواق

بس ده رائئ وانا حر فيه :THE_PR~18:

رد: زياده اسعار اللوجان
 

بلاش تعليقات مستفزه لو سمحت مش عشان انت يعني استلمت قبل زياده الاسعار يبقي ولا همك كده انت لو مكنتش استلمت لحد دلوقتي وكان قالولك هتستلم بالسعر الجديد كان زمان دمك محروق دلوقتي زي اي حد حاجز ولسه مستلمش فياريت تراعي ده !!!!

رد: زياده اسعار اللوجان
 

ياباشا انا ولا بستفز حد ولا اى حاجه وانا حاسس بيكم وانا اللى اتكلمت عن الاسعار الجديده بس السبب ف الدولار ده لاسف احنا المصريين انا بشتغل ف مكان بشوف الناس ازاى متلهفه اوى انها تشترى الدولار باى تمن وده اللى مخلى سعره كل يوم ف السما وده محزنى جدا وده بالتالى اللى خلى كل حاجه تغلى واولهم العربيات انا الحمد لله استلمت عربيتى بالسعر القديم وبقول الحمد لله ومقدرش استفز حد لاننا كلنا هنا اخوات وربنا ييسر الحال والدنيا تتعدل وكل اللى بقوله ان كل العربيات زادت مش اللوجان بس